1TIMOTE 4
4
1Cân hmadung ahcun mi tampi nih zumhnâk hi an tluktâk lai i hlennâk thlarau le khuachia cawnpiaknâk lei ah an i mer lai tiah Thlarau nih fiang tein a chim, 2zer ngaiin lih anchim lai i an chiaṭha hngalhnâk cu thirlin dehmi bantuk an si lai, 3ṭhit-umh an kham i biatak hngal i a zummi hna nih lawmhnâk bia chim i an cohlanmi Pathian sermi rawl ei hlah u tiah an kham hna. 4Pathian nih a sermi vialte hi lawmhnâk bia chimnâk i cohlan a si ahcun an ṭha dih ko, duh lo ding zeihmanh a um lo, 5zeitintiah Pathian bia le thlacamnâk in thianter a si cang. 6Cu thil hna cu unau hna kha na cawnpiak ahcun, Jesuh Krih rianṭuantu ṭha, zumhnâk biatak le cawnpiaknâk dik atu tiang i na zulhmi bia i cawmkenmi na si lai. 7Asinain Pathian-zeirellonâk le pitar hna tuanbia kha hlaw hna law Pathian-ṭihzahtu si dingin cawlcang. 8Zeitintiah taksa zuam nâkin cawlcanghnâk zong hi san a tlai ve ko, asinain Pathian-ṭihzahtu sinâk i cawlcanghnâk nih cun atu nunchung le hmailei caah biakam a ngeih caah a lamkip in san a tlai. 9Hihi zumh awktlâk le mi vialte caah cohlan awktlâk a si. 10Zeitintiah Pathian nung cu kan zumh caah thaba ngai i kan ṭuan le chimchiatnâk kan inkhawhnâk zong hi a si, Amah cu mi vialte khamhtu a si, a hlei in a zumtu hna khamhtu a si. 11Cuhna cu nawl pein cawnpiak hna. 12Mino nasi ruangah ahohmanh nih in zomhtaih hna hlah seh, bia in siseh, nuncan in siseh, dawtnâk ah siseh, thlarau ah siseh, zumhnâk ah siseh, thiannâk ah siseh zumtu hna zohchunh awktlâk in nun i zuam. 13Ka rat ṭhân hlân lo, rel, chim, cawnpiak kha uar chin chin. 14Upa hna nih na lucung i kut chuangin an rak chimchung cang bangin thlarau thilpêk na hmuhmi kha zeirel loin um hlah. 15Cuhna cu biatak tein ruat hna law, hmai na nawrning mi vialte nih an hmuh nâkhnga cu thil ah a dih um nâkin i hmang. 16Nangmah lei le na cawnpiakning ah i ral ring, cucu i nunpi peng law, cu nih cun nangmah le na bia ngaitu kha na khamh hna lai.
Currently Selected:
1TIMOTE 4: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
