1TIMOTE 3
3
1Kawhhran hotu si a duhmi pauh cu ṭhatnâk tuah a duh timi bia hi zumhtlâk a si. 2Cuticun kawhhran hotu cu dotla, nupi pakhat ngei, â sumkhomi, ralringmi, nun can ṭha, mi conglomh thiam, cawnpiak thiam, 3misur hang ding lomi, velhhmang lomi, phaisaduhtuk lomi, nunnemmi, elhnial hmang lomi, duhfâk lomi, 4hmaizah awktlâk in inchungkhar le fale zohkhenhmi an si awk a si. 5(zeitintiah mi nih amah inchungkhar hmanh a zohkhenh khawhlo ahcun Pathian kawhhran cu zeitindah a zohkhenh khawh lai?) 6lungthlengka sihlah seh, culoahcun â porhlaw lai i Satan thiamloconâk ah a tlu sual lai. 7Cuhleiah lênglei mi hna hmuhnâk zongah minṭhatnâk a ngeimi a si awk a si, culoahcun minchiatnâk ah tlu in Satan rap nih a foih sual lai. 8Cubantukin kawhhran upa hna zong hmaizahmi an si hrimhrim awk a si, bia a duh tuk lomi, misurhang ram lomi, phaisa duhtuk lomi an si awk a si, 9zumhnâk biathli chiaṭha hngalhnâk thiangin a tlaitu an si awk a si. 10Cu zong cu hniksak an si hmasat awk a si, cuticun dotla an si ahcun upa rian ṭuan hna seh. 11Cubantukin an nupi le zong upatmi an si hrimhrim awk a si, kongceih le thangchiat a hmang lomi, â zuam khomi le, zeithil pauh ah zumhawk a tlâkmi an si awk a si. 12Kawhhran upa hna cu an inchungkhar le an fale zohkhenh a thiammi, nupi pakhat ngeimi an si awk a si. 13Zeitintiah kawhhran upa ṭha tein a ṭuanmi cu dirhmun ṭha le fekmi cotu an si i Krih Jesuh chung i zumhnâk zongah ralṭhatnâk nganpi an ngei. 14Na sinah ratzau kâ ruahchan nain hihi na sinah ka rak ṭial; 15ka rauh deuh sual zongah Pathian chungkhar hna chungah khuasakning nan hngalh khawh nâkhnga ka ṭialmi a si. Pathian chungkhar hna cu Pathian nung kawhhran, biatak hrambunhnâk le suttung a si. 16Pathianmisinâk biathli liannganning cu elkhawh a si lo. Pathian cu thisa ah â cang i Thlarau ah thiamcoter a si, vanmi nih an hmuh i Gentel mi hna sinah aupi le vawlei mi nih an zumh i sunparnâk ah kaipimi a si.
Currently Selected:
1TIMOTE 3: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
