1JOHAN 2
2
1Ka nau le hna, sualnâk nan tuah nâkhnga lo, hi thil hna hi nan sinah ka ṭial. Cun mi pakhat khat nih sualnâk a tuah ahcun, Pa sinah chimpitu, a dingmi Jesuh Krih kan ngei. 2Amah hrimhrim cu kan sualnâk ruangah lungdamternâk a si, kanmah sualnâk lawng si loin vawlei pumpi sualnâk ca zongah a si. 3A nawlpêkmi kan zulh ahcun, cu nih cun Amah kan hngalh ti kha kan hngalh. 4A nawlpêk zul ṭung loin, “Amah ka hngalh,” titu cu mi lihchim a si i amah ah biatak a um lo. 5Asinain a bia a nunpimi pauh cu, Amah ah Pathian dawtnâk a tling taktak cang. Cu nih cun Amah ah kan um ti kha kan hngalh. 6Amah ah ka um titu cu, Amah nun ningin a nun ve awk a si. 7Unau hna nan sinah nawlpêk thar ka ṭial lo; nawlpêk hlun, a hramthawk in nan ngeih cangmi kha ka ṭial. Nawlpêk hlun cu a hramthawk in nan rak theih cangmi bia kha a si. 8Nan sinah nawlpêk thar ka ṭial ṭhânmi a si, cucu Amah le nanmah ah a dik, zeicatiah muihnâk cu a lo cuahmah i ceunâk taktak cu a ceu cang caah a si. 9Mi nih ceunâk ah ka um a ti i a unau a huatu cu atu tiangin muihnâk ah a um ko rih. 10A unau a dawtu cu ceunâk ah a hmun i amah ah tluknâk ding zeihmanh a um lo. 11Mah unau a huatu cu muihnâk ah a um i mui lakah khua a sa, mui nih a mit a phenh caah a kalnâk ding zong a hngal lo. 12Nau le hna, Amah minin nan sualnâk kha ngaihthiam a si caah nan sinah ka rak ṭial. 13Pa le hna nan sin i ka ṭial chan hi, a hramthawk i a ummi kha nan hngalh caah a si. Tlangval hna nan sin i ka ṭialchan hi misual pa kha nan tei caah a si. Ngakchia le hna nan sin i ka ṭial chan hi, Pa cu nan hngalh caah a si. 14Pa le hna a hramthawk in nan sin i a um pengmi kha nan hngalh caah nan sinah ka ṭial. Tlangval hna nan ṭhawng i Pathian bia nanmah ah a hmun i misual pa cu nan tei caah nan sinah ka ṭialmi a si. 15Vawlei hi daw hlah u, asiloah vawlei i a ummi zong hi daw hlah u. Mi zei pauh nih vawlei hi a dawt ahcun Pa dawtnâk kha amah ah a um lo. 16Zeitintiah vawlei i a ummi vialte, thisa duhnâk le, mit duhnâk le, uanthlarnâk nun hna hi Pa in a chuakmi an si lo, vawlei in a chuakmi an si. 17Vawlei hi a duhnâk he a lo cuahmah ko, Pathian duhnâk a tuahtu cu zungzal in a hmun lai. 18Naule hna, cân hma dung bik cu a si cang, Krih ralchanhtu a ra te lai tiah nan theih cang bantuk khan, atu zong ah Krih ralchanhtu tampi an chuak cang; hi ruangah hin cân hmadung a si kha kan hngalh. 19Annih cu kanmah mi taktak an si lo caah ankan chuahtâk, zeitintiah kanmah mi taktak sihna sehlaw kan sinah an um peng ko hnga, asinain kanmah mi taktak an silo ti kha a fiannâk ah an kan chuahtâk nâk hi a si. 20Asinain nan nih cu Mi Thiang nih chiti an thuh hna i zeizong vialte nan hngalh. 21Biatak nan hngalh lo ruang i nan sinah ka ṭialmi a si lo, biatak cu nan hngalh caah le, biatak in lih a chuah ballo caah ka ṭialmi a si. 22Jesuh, Krih a sinâk a hlawtu hleiin lihchimmi an um hlei hnga maw? Pa le Fa a hlawtu hi Krih ralchanhtu cu a si. 23Fapa a hlawtu pauh nih Pa zong a ngei hlei lo; Fapa a cohlângtu pauh nih Pa zong a ngeih. 24Cucaah a hramthawk in nan theihmi kha nanmah ah hmunhter u. A hramthawk i nan theihmi nanmah ah a hmunh ahcun, nanmah zong Fapa le Pa ah nan hmun peng lai. 25Hi bia hi Amah hrimhrim nih a kan kamhmi kha a si, zungzal nunnâk hi. 26Nanmah hlen an timtu hna kong hi nan sin i ka ṭialmi cu a si. 27Asinain Amah sin in nan comi sathau thuhnâk kha nan chungah a hmun i aho cawnpiak hmanh nan herh lo; sathau thuhnâk lila nih khan thil vialte an cawnpiak hna, cun lih si loin a dikmi a si, cawnpiak nan sining te khan Amah ah hmun ko u. 28Atu ah hin nau le hna, Amah ah hmun ko u; cuticun Amah a langh i a rat tik ah Ahmai ah ralṭha le ningzak loin kan um kho lai. 29Amah cu miding a si ti kha nan hngalh ahcun, dinnâk a tuahtu cu Amah hrin a si ti kha nan hngalh.
Currently Selected:
1JOHAN 2: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
