Popular Bible Verses from 1JOHAN 2

Share

Vawlei hi daw hlah u, asiloah vawlei i a ummi zong hi daw hlah u. Mi zei pauh nih vawlei hi a dawt ahcun Pa dawtnâk kha amah ah a um lo. Zeitintiah vawlei i a ummi vialte, thisa duhnâk le, mit duhnâk le, uanthlarnâk nun hna hi Pa in a chuakmi an si lo, vawlei in a chuakmi an si.

Vawlei hi a duhnâk he a lo cuahmah ko, Pathian duhnâk a tuahtu cu zungzal in a hmun lai.

Amah ah ka um titu cu, Amah nun ningin a nun ve awk a si.

Ka nau le hna, sualnâk nan tuah nâkhnga lo, hi thil hna hi nan sinah ka ṭial. Cun mi pakhat khat nih sualnâk a tuah ahcun, Pa sinah chimpitu, a dingmi Jesuh Krih kan ngei.

A nawlpêk zul ṭung loin, “Amah ka hngalh,” titu cu mi lihchim a si i amah ah biatak a um lo.

A nawlpêkmi kan zulh ahcun, cu nih cun Amah kan hngalh ti kha kan hngalh.

Mi nih ceunâk ah ka um a ti i a unau a huatu cu atu tiangin muihnâk ah a um ko rih.

Jesuh, Krih a sinâk a hlawtu hleiin lihchimmi an um hlei hnga maw? Pa le Fa a hlawtu hi Krih ralchanhtu cu a si.

Fapa a hlawtu pauh nih Pa zong a ngei hlei lo; Fapa a cohlângtu pauh nih Pa zong a ngeih.