1CO 7
7
1Câ nanka kuatmi ah: Pa caah nu tonghlo a ṭha timi kongah. 2Asinain nupa sualnâk tuah a um tawn caah pa nih a dang tein nupi ngei cio seh, nu zong nih a dang tein va ngei cio seh. 3Pa nih a nupi sin i a tuah hngami cu dawtnâk in tuah seh, cubantukin nu zong nih a pasal sinah tuah ve seh. 4Nupi nih a pum cungah nawl a ngei ti lo, ava kha nawlngeitu a si. Cubantukin va zong nih a pum cungah nawl a ngei lo, a nupi kha nawlngeitu a si. 5Rawlul ding le thlacam dingin nan i timhlanh khawh nâkhnga, cân tawi te chung lawng rem nan ti chung pauh cu aho veve hmanh diriam lo in i umter hlah u. Cu dih cun nan um bon in um ṭhân ko uh. Culoahcun nan i sûm khawh lo tikah Satan nih an tukforh sual hna lai. 6Asinain hihi nawlpêk lei in ka chim lo, siannâk lei i ka chimmi a si. 7Zeitintiah mi vialte hi keimah bantukin um dih sehlaw ka duh. Asinain mi kip nih Pathian sinin thilpêk an hmuh cio. Pakhat nih lam dangin, pakhat nih phun dangin. 8Asinain kawp ngeilo le nuhmei sinah hitihin ka ti. Keimah bantukin um hna seh law an caah a ṭha lai, 9asinain an i sûmkhawh lo ahcun nupi pasal ngei ko hna seh. Pumsa duhnâk ngeihpeng nâk cha cun nupi pasal ngeih a ṭha deuh. 10Cubangin nupi pasal ngeicang mi sinah, keimah si loin, Bawipa nih nawl a pêk. Nupi nih a va ṭhen hlahseh. 11A ṭhen a si ahcun, va ngei lo in um lawlaw seh, asiloah a va he i rem ṭhân seh. Pasal nih a nupi a mâ hlah seh. 12Asinain midang sinah Bawipa si loin keimah nih ka chim. Unau pakhat nih zumlotu ṭhi sehlaw, a nupi nih a va sin um peng kha a duh ahcun mâ hlah seh. 13Cun nu nih zumlotu va ah ngei sehlaw, a va nih a sin um peng a duh ahcun ṭhen hlah seh. 14Zeitintiah ava zumlotu cu, a nupi thawngin thianter a si i nupi zumlotu zong cu a vapa thawngin thianter a si, cutinsihlahsehlaw nan fa le tiangin an thiang lai lo, asinain atu cu an thiang cang. 15Asinain zumlotu deuh nih ṭhen a duh ahcun ṭhen ko seh. Cu kongah unau pa le unau nu kha hrênpiak an si ti lo. Pathian nih cun daihnâk umtertu ah a kan kawh. 16Maw nupi, nava na khamh lai le khamh lai lo zeitindah na hngalh? Nang pasal zong, na nupi na khamh lai le khamh lai lo zeitindah na hngalh? 17Asinain Pathian nih mikip sinah a phawt ning cio le Bawipa nih mikip a kawh ningin nunpi ding a si. Cucu kawhhran vialte nih an tuah awkah ka ruahmi a si. 18Cuarpar tanmi kawh an um maw? Cuarpar tan lomi ah i canghlah seh. Cuarpar tanlo lio ah kawhmi an um maw? Cuarpar i tan theng hlah seh. 19Cuarpar tan hi zeihmanh a si lo i cuarpar tanlo zong hi zeihmanh a si hlei lo. A biapi bik cu Pathian nawlpêk zulh hi a si. 20Mikip kawh an si lio i an sining te ah khan um cio ko hna seh. 21Sal i na um lio ah kawh na si maw? Ruat tuk duh hlah. Chuah cân a um a si ah cun, cu cân rem cu rak la te. 22Zeitintiah sal si lio i Bawipa kawhmi cu, Bawipa luat termi a si, cubantuk in zalon lio i kawhmi cu, Krih sal tu ah â cang. 23Aman in cawkmi nan si cang, cucaah minung sal ah lut ti hlah u. 24Ule nau hna mikip kawh si lio i nan sining teah khan Pathian sinah um peng u. 25Cun ngaknu thiang kongah Bawipa nawlpêk cia ka ngei lo, asinain Bawipa nih a zângfahnâk thawngin zumhtlâk i a ka sernâk thawngin ruahnâk ka cheuh hna lai. 26Atu chan harnâk ruangah a ho cio pauh atu i an sining ah hin um cio ko hna sehlaw a ṭha. 27Nupi na ngei cang maw? Ṭhen tim hlah. Nupi ngei lo na si maw? Nupi kawl theng hlah. 28Asinain nupi na ngeih tikah sualnâk na tuah theng lo. Ngaknu thiang nih va a ngeih zongah, a palh theng lo. Asinain cuhna nih cun taksa ah harnâk cu an tuar lai. Cucaah keinih cun tuarter lo kha kanduh piak hna. 29Cucaah hihi ka ti, unau hna, cân a tlawmcang i atu thawk cun nupi ngei zong ngeilomi bangin an um i 30aṭap mi zong ṭaplo mi bang i an um i â nuammi cu nuamlomi bangin an um i thil a cawmi zong zeihmanh ngei lomi bangin an um nâkhnga, 31vawlei hmangtu zong nih a pingin an hman sual nâkhnga lo kha ka duh. Zeitintiah hi vawlei umtuning hi a lotlau cuahmah cang. 32Asinain ruahkhun mi ngei in nan um hi kan duhpiak hna lo. Nupi a ngei lomi nih Bawipa lawmhnâk ding lawng ruatin Bawipa kong kha a ruat tawn. 33Asinain nupi a ngeimi nih a nupi lawmhnâk ding ruat in vawlei thil kha a ruat tawn. 34Va ngei le ngaknuthiang cu an i lo lo. Va ngeilo nih cun a pum le a thlarau cu thianghlim te i a um khawh nâkhnga Bawipa lei cu a ruat tawn, va ngeimi nih cun a va lawmhnâk ding a ruah ruangah vawlei thil kha a ruat tawn. 35Cun hi thil hna hi nan santlaih pi dingah ka chimmi a si. Ṭembawh kan tim hna lo, dawhte i khua nan sak nâkhnga, ngerhngawhtu dang um loin Bawipa rian nan ṭuan khawh nâkhnga ka chimmi a si. 36A ho pauh nih a fanu, ngaknuthiang, a ngaknu lio dawhnâk a ziamh tiangin ngaknu a siter ruang i ka palh ko tiah a ruah ahcun ṭha a tining in tuah ko seh. 37Asinain lungfek tein a um i a herh zongah ruat loin, amah duhning tein lanhter a timh i a fanu ngaknu thiang a sinâk humhak thai a duhmi cu thilṭha chinchin a tuahmi a si. 38Cuticun va a ngeihtertu nih thil ṭha a tuah ko, a ngeihter lotu zong nih khan thilṭha chinchin a tuah. 39Nupi cu ava nunchung vialte phungin ṭem a si, asinain a va a thih ahcun, a duhmi pauh ngei kho in zalonter a si, asinain Bawipa mi a si awk a si. 40Asinain ka ruahnâk ahcun a si bon ah sipeng sehlaw â nuam deuh lai. Hi kongah hin Pathian Thlarau cu ka ngeih ve ko tiah ka ruah.
Currently Selected:
1CO 7: HAKABSI
Highlight
Copy
Compare
Share
Want to have your highlights saved across all your devices? Sign up or sign in
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
