Matewus 22
22
Seŋ zi siŋka maini midiɗi fet na wiini tiki
Luk. 14.15-24
1Yesu a waya seŋ a miɗiɗi pra war seŋ si siŋka maini a muɗa: 2Paini fuŋ-n'Alaw te na maini pai n'a ziti fet na wiini tiki burini ahini. 3A ɵiniɗi zi ɵeŋ edi buri e yikiɗisi nagai n'e yikisi avut miɗi fet na wiini tiki ɗa, amma e diri e hilisi kai. 4A ɵiniɗi ɗaini na zamai edi pra, a muɗa, ki miɗiɗi wiiɗi n'e yikisi, mu zizina simiŋa ya, garakaiŋa garni mapatakaiŋa mu fuɗa wazagai ya lai, paŋ a zizina ya, hilisi miɗi fet na wiini tiki ɗa. 5Amma e hiini midini hanɗa kai, e hili wiiɗi, zamai war vowaini, na zamai war cakalani, 6na zamai e yimiɗi ɗaini zi ɵeŋ e zi anya siɗi e fiɗiɗi edi. 7Amma pai warni a lumaŋ, a ɵina vokɗi ɗaini zi gaw edi, e fiɗiɗi ɗai n'e fiɗi ɗai edi, e yi fuŋɗi edi lai. 8Asakal par a miɗiɗi wiiɗi ɗaini: Wazagai na miɗi fet ɗa a zizina ya, amma n'e yikisi e jûvi miɗi fet ɗa kai. 9Buri nɵa ki hili min dagrani futi, ki yikiɗisi nagai na ki niviɗi paŋ miɗi fet ɗa. 10Ɗai zi ɵeŋ hanɗa e hili edi miɗi futi, e tipiɗisi ɗai n'e niviɗi paŋ, na maafanai lai na pɗamai lai, dalam zi fet ɗa a va gaiɗi ɗai. 11Won hlai na pai a niya amlai buri a tiliɗi ɗai n'e yikisi ɗa, a tala ɗif ktai na sapa zi fet sini kai. 12A miɗini, marmaiya, ku niyasi amlai na gaini sapa zi fet suku kai maɵa maɵa ɗa? Amma a waya seŋ kai. 13Won hlai ni pai a miɗiɗi wiiɗi ɗaini si ɵeŋ, ki niggi tini gaini ezini, ki ɵiŋkiŋ anene war gegeŋ n'edi, woni a tuwi gaini hirɗini sesiyeŋ. 14Buri n'e yikisi e ɗa viya, amma zi viri e ɗa agwi.
Virgini tar sin Sesar
Mark. 12.13-17; Luk. 20.20-26
15Won hlai ni Farisekai e hili edi e kiti seŋ maɵa ɗa aga e yimiŋ war seŋni. 16E ɵiniɗi ɗaiɗi zi hitri gaiɗi ɗai na wiini Herode edi sini aŋ miɗi, Api-zi-hitri, tiyi mi siɗi ya tuku ku jre, ku hitiriti futini Alaw war jre lai, ku huna ɗif kai, ku ɓurwa arɗi ɗai kai. 17Buri nɵa miɗiyi haw ɗa, ku hiina maɵa ɗa? Pin seŋ zi gadai ɗa e si tar wiini Sesar, zaw e si kai ɗi? 18Amma Yesu a sɗa hiiniɗi na meefeŋ, a muɗa: ki tiniŋa buri ma ɗa, tiki zi rhai? 19Kisi farai na ki si tar gaini haw ɗa. E kinisi denariyus ktai. 20A miɗiɗi, n'aŋ warni dam ɗa asiya ɗa, ɗû n'aŋ miɗini ɗa a wiini asiya ɗa? 21E miɗini, a wiini Sesar. Nɵa a miɗiɗi, sini wazagaini Sezar wiini Sezar, wazagaini Alaw wiini Alaw lai. 22Won hlai n'e ɵini hanɗa, e bindi hiyak, e hiniŋ, e hili wiiɗi.
Zilbi miɗini ɵiyi-n'amai
Mark. 12.18-27; Luk. 20.27-40
23War mefeŋ ni dama na zamai arbaɗi Sadusekai e hilisi sini, nagai n'e miɗi ɓa ɵiyi-n'amai aŋ kai ɗa, e zilbiŋ e miɗi, 24Api zi hitri, Musus a muɗa, won hlai na ɗif a mra li na ɓa alini e ɗa kai, tawalni aga a tikiti munini kapai a jûgûni seyem wiini tawalni. 25Tawalakai muguzak e ɗi ka arbayi, n'avut a tikiti muni a mra, a hina seyem kai, a hiniti ka munini wiini tawalni. 26Nɵa n'ag'aŋ sulu lai, n'ag'aŋ hu lai, haa sini n'ag'aŋ muguzak ɗa ta. 27Asakalɗi par muni te mra lai. 28War ɵiyi-n'amai aga te za aŋ munini asiya ɗa arbaɗi na muguzak ɗa? Buri nagai paŋ e tikiti aŋ muni? 29Amma Yesu a waya seŋ a miɗiɗi, ki wuli edi, buri tiki ki siɗi ɗû kaalai, spakni Alaw kaalai. 30Buri war ɵiyi-n'amai ɗa, e tiki kai, e si aŋ tiki kaalai, amma nagai e ɗa maiɗi ɗai zi ɵeŋ na fuŋ-n'Alaw nɵa. 31Amma burini ɵiyi-n'amai na wiiɗi ɗai zi mri, ki tili war ɗû kai hai ɗi, wala n'Alaw a miɗiki midini won hlai n'a muɗa, 32Ta m'Alaw na wiini Abraham, m'Alaw na wiini Isaak, m'Alaw na wiini Yakob lai. M'Alaw na wiiɗi ɗai zi mri kai, amma na wiiɗi na karɗi. 33Won hlai na firiɗi ɗai e ɵini hanɗa, e simni hiyak burini hitirini.
Seŋ zi gadai n'abai
Mark. 12.28-34
34Amma won hlai na Farisekai e ɵini ɓa a ɓurtuma miɗi Sadusekai, e tipi siɗi. 35Ktai arbaɗi, api-zi-gadai, a paya futi buri a tanaŋ, a muɗa: 36Api-zi-hitri, seŋ zi gadai n'abai war Ɗû par a na wata ɗa? 37A miɗini: Aga ku dara Epiɗ-ɗai Alaw na wiiku gaiɗi agulku paŋ gaini suŋfaɗi-agulku paŋ gaini hiiniku paŋ lai. 38Hanɗa a seŋ zi gadai n'abai n'avut lai. 39Amma zamai n'a ga pini, na gobi gaini lai a na, aga ku dara maiku maini suku nɵa. 40Seŋ zi gadai paŋ gaiɗi ɗai na min Alaw lai a na war gadai na sulu hanɗa.
Zilbi miɗini ahini David
Mark. 12.35-37; Luk. 20.41-44
41Won hlai na Farisekai e ɗa gaini diŋgi, Yesu a zilbiɗi a muɗa: 42Ki hiini maɵa ɗa miɗini Kristu? Ni a ahini asiya ɗa? E miɗini a ahini David. 43A miɗiɗi, ɓa na ɓa a ahini David ɗa, David warni Seze a yikaŋ Epiɗ-ɗai maɵa maɵa ɗa? Won hlai n'a muɗa:
44Epiɗ-ɗai a muɗa sin Epiɗ-ɗaiŋa,
Ku sumna war graŋa na wus,
Haa mu miliɗi gawku azumai pin bobur n'azuku
45Na ɓa David a yikaŋ Epiɗ-ɗai, nɵa ni a ahini maɵa maɵa ɗa? 46Ɗif a kiɗa aŋ wiyini seŋ ktai kir kai, ɗif na kurfuk n'a kiɗa aŋ zilbaŋ asakal mefeŋ ni par aŋ kir kai.
Currently Selected:
Matewus 22: MUSGUM
Highlight
Copy
Compare
Share
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
