Matewus 18
18
Abai n'a suwa paŋ asiya ɗa?
Mark. 9.33-37; Luk. 9.46-48
1Won hlai ni ɗai zi hitri e hilisi sin Yesu e miɗi, n'abai na warɗi paini fuŋ n'Alaw asiya ɗa? 2A yikasi arwagwi ktai, a ɗiyaŋ arbaɗi, 3a muɗa, jre, mu miɗiki, ki hi-miy kai, ki bindi maiɗi aliyagoi n'agogoi nɵa kai, aga ki niyi warɗi paini fuŋ-n'Alaw kai zaŋ. 4Buri nɵa, asiya ɗi paŋ n'a hosa sini azumai maini arwagwi hanɗa nɵa, ni a n'abai warɗi paini fuŋ-n'Alaw. 5Asiya ɗi paŋ n'a yima arwagwi n'agwi mai hanɗa ɵa sini war yikiŋa, a yimaŋa mu ta. 6Amma asiya ɗi paŋ n'a tana edi ktai arbaɗi n'agogoi hanɗa n'e yimi, a pɗem burini ɓa funi na guma te nagga wulani, a bula azumai warni hulumni yem-ra n'abai.
Tanai aŋ za tuwur
Mark. 9.42-48; Luk. 17.1-2
7Haw midiɗi ɗaiɗi yai buri e tiniɗi ɗai edi, gaini dewele tini-n'edi aga a halasi, amma haw midini ɗif na tini-n'edi a halasi sini par. 8Amma ɓa tuku zaw azuku a tanuku, ɗuklaŋ edi, ku bulaŋ edi suku par, pɗem a suwa buriku aŋ niya warni suŋfa daŋelaŋ zaw geɓerem, a suwa ɵiŋki n'arni afu n'a vada kai gaini tiy na sulu zaw azi na sulu. 9Na ɓa arku te tunuku, ku hûrɗiti edi, ku biliti edi suku par, pɗem a suwa buriku ku niya warni suŋfa hoɵoŋ, a suwa ɵiŋki na warɗi avai-z'afu gaini arai na sulu.
Seŋ zi siŋka maini midiɗi adumi na te ba edi
Luk. 15.3-7
10Ki giɗimi siki kapai ki miisi ktai arbaɗi n'agogoi hanɗa kai, buri mu miɗiki, ɗaiɗi zi ɵeŋ na war fuŋ-n'Alaw e ɗa wuzani arni Apa war fuŋ-n'Alaw kûreɗ-kûreɗ 11Buri Ahini ɗif a halasi buri a kora wala n'a ba edi. 12Ki hiini maɵa ɗa? Na ɓa ɗif ktai n'adumaini a na miya, ɓa ktai arbani te wula li, a hina na doogo doogo ɵeeŋe pi ɵeeŋe midiɗi huwuŋ, a hala aŋ piyiti na te wula ɗa kai ɗi? 13Nɵa na ɓa a niviti li, jre, mu miɗiki, a firiya buriɗi a suwa burini na doogo doogo ɵeeŋe pi ɵeeŋe n'a wula edi kai. 14Maini nɵa, Epiki na war fuŋ-n'Alaw a firiya ɓa ktai n'arbaɗi n'agogoi hanɗa aga a ba edi kai.
Tawal n'a za tuwur
15Amma ɓa tawalku a za tuwur suku, ku hala ku gadaŋ tuku gaini ni kiiki. Na ɓa a ɵina muku, nɵa ku nava tawalku. 16Amma ɓa a dara a ɵina muku kai, ku yima ɗif ktai zaw ɗai sulu gaiku, kapai seŋ paŋ a ɗiya pin miɗiɗi zaidakai sulu zaw hu. 17Amma ɓa a dara a ɵina piɗi kai, ku muɗa sin tipi, amma ɓa a dara a ɵina pin tipi kaalai nɵa aga ku hinaŋ a bunda buriku maini ɗif na kadai gaini ɗif zi tiri kosko nɵa. 18Jre, mu miɗiki, wazagai paŋ na ki niggiŋ midiɗi yai, aŋ gaini niggi war fuŋ-n'Alaw, wazagai paŋ na ki pliŋ edi midiɗi yai, aŋ gaini pli edi war fuŋ-n'Alaw lai. 19Mu midiki pra, wazagai paŋ na ɗai sulu n'arbaki midiɗi yai e tipi miɗi buri e siiwi miɗini, hanɗa Apa na war fuŋ-n'Alaw aga a siŋɗi. 20Buri won hlai na sulu zaw hu e tipi war yikiŋa, won hlai ni mu na arbaɗi.
Seŋ zi siŋka maini midini ɗif zi sɗa n'a dara aŋ sa ni kai
21Won hlai ni Peter a hala sini a muɗa, Epiɗ-ɗai, tawala aga a za tuwur sa azi gama ɗa na kapai mu sini ni miɗini ɗa? Haa azi muguzak ɗi? 22Yesu a miɗini, mu muɗuku, azi muguzak kai, amma haa doogo doogo muguzak azi muguzak. 23Buri nɵa paini fuŋ-n'Alaw te na maini pai ktai n'a dara a zilba tumuŋni tiɗi ɗaini zi sda. 24Won hlai n'a tika pini aŋ zilba, e kisi ktai wuzani, na tumuŋni aŋ miɗini talent doogo. 25Amma buri walani n'a vurgaŋ gaini aŋ kai, epin-gezani a muɗa buri a wura edi, ni gaiɗi munini gaiɗi alini gaini wazagai n'a na paŋ, kapai tumuŋni aga a vurga. 26Won hlai ni ɗif zi sɗa a hurga azumai wuzani a siiwaŋ a muɗa, ku zaŋa sabur, aga mu vurguŋku paŋ. 27Amma ɗif zi sɗa hanɗa a bunda arni epin-gezani haw gara, a ɵaŋ, a hinini tumuŋni: 28Amma won hlai na ɗif zi sɗa hanɗa a niya anene, a nava gaini maini zi sɗa na tumuŋni aŋ miɗini dinar miya ɗaw, a yimaŋ, a furɗa wulani a muɗa, ku vurgaŋa tumuŋŋa ɗa. 29Maini zi sɗa a hurga azumai wuzani a siiwaŋ a muɗa, ku zaŋa sabur, aga mu vurguŋku paŋ. 30Amma a dara kai, a hala a ɵaŋ warɗi daŋgai haa a vurgini tumuŋni. 31Won hlai na marni zi sɗa e tili wala n'a za ɗa, e hiini meefeŋ, e hilisi e miɗi wiini epingezaɗi wala paŋ n'a za li. 32Won hlai ni epini-gezani a yikaŋsi wuzani a miɗini, tuku ɗif zi sɗa na meefeŋ tumuŋŋa paŋ mu hinuŋku, buri ku siiwaŋa. 33Nɵa tuku lai ku kiɗa aŋ hiina haw burini maiku zi sɗa maini na ta mu hiina haw buriku ɵa kai buri ma ɗa? 34Epin-gezani a za hiy, a saŋ tiɗi ɗai n'e ziɗi gir wiiɗi ɗai, haa a virgini tumuŋni paŋ. 35Apa na war fuŋ-n'Alaw aga a za siki nɵa lai, na ɓa ɗif a dara a sa ni wiini maini gaiɗi agulni paŋ kai.
Currently Selected:
Matewus 18: MUSGUM
Highlight
Copy
Compare
Share
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964
