Zabbu̱li̱ 64
64
Hali mu̱handu̱ wa bahi̱i̱mi̱. Zabbu̱li̱ gya Dau̱di̱.
1Ai̱ Ruhanga, nzegwa, ninkukuweera byetaagu byange,
b̯womi b̯wange ob̯ulindenga ntati̱i̱na banyanzigwa.
2Ntegura kuruga mu nkwe za babiibi,
na kuruga hakati̱ wa nkori̱ za bibii,
3bab̯wo bobohya ndimi zaab̯u nka mpirima,
nibategeka bigambu bikululuha nka mbasi zi̱i̱ti̱.
4Zibakulasa mu nsita zi̱pi̱mi̱ri̱ muntu atali na musangu,
nibazilasa mbura kulekeera kandi batali na b̯u̱ti̱i̱ni̱.
5Ni̱basi̱gi̱ki̱ra ha bigyendeerwa byab̯u bibiibi,
bategeka kutega mitegu nibateekereza nti, “Naani akusobora kumiwona?”
6Bategeka kukora b̯utali b̯winganiza,
nibakobanga, “Tu̱tegeki̱ri̱ kurungi.”
Kitekerezo na mutima bya muntu tosobora kubyetegereza.
7Bei̱tu̱ Ruhanga ali̱balasa na mbasi zaamwe,
bahutaare b̯ulohob̯uloho.
8Ali̱bahwerekereerya hab̯wa bigambu byab̯u bankei bibabaza,
bantu bensei̱ balibawona bakwi̱za ku̱zi̱ngi̱i̱zya mi̱twe.
9Kasi bantu bensei̱ bati̱i̱ne,
batebye mulimo gwa Ruhanga,
bateekereza ha bi̱yaakoori̱.
10Leka munanu asemererwe mu Mukama,
kandi ei̱ru̱ki̱re muli yo.
Leka bananu mu mutima bensei̱ bamuhaariize.
Currently Selected:
Zabbu̱li̱ 64: LUGUNGU
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
