Zabbu̱li̱ 63
63
Zabbu̱li̱ gya Dau̱di̱. B̯uyaali mwirungu mu Yu̱da.
1Ai̱ Ruhanga, oli weewe Ruhanga wange gintoolya, na mutima gwange gwensei̱,
mwozo gwange gukukuhyahyanira,
mubiri gwange gu̱ku̱ku̱toolya,
mu nsi gyomu gi̱nu̱u̱gi̱i̱rwe, gitalimwo meezi̱.
2Kyokyo ndimu kukuwona mu nnyu̱mba gyamu,
mbona b̯u̱sobozi̱ na ki̱ti̱i̱ni̱sa kyamu.
3Hab̯wa ngonzi zaamu zinene, zitahinduka zikiraho na b̯womi,
nahahwo nkwi̱za kukuhaariizanga.
4Nyaakuhaariizanga nincaali mwomi,
nyaaku̱byokeeryanga mikono ninkukusaba.
5Mwozo gwange gwecu̱tanga nka ndi̱i̱ri̱ masaju,
kandi kanwa kange kahi̱i̱manga kusemererwa kwa kukuhaariiza,
6nkwi̱zu̱ka nindi ha ntabbu,
nku̱tekerezaho i̱jolo lyensei̱.
7Hab̯wakubba weewe oli mu̱ju̱ni̱ b̯wange,
mu mu̱tu̱ntu̱lu̱ gwa bimpaha byamu, hooho nyaahi̱i̱mi̱ranga.
8Mwozo gwange gu̱kwekweti̱
mukono gwamu gwab̯udyo gwogwo gundinda.
9Bei̱tu̱ bab̯wo batoolya ku̱nzi̱ta,
baligyenda hansi kuzumu.
10Bei̱twanga mpirima
kandi babbanga bidyo bya mahi̱mbe.
11Mukama yaasemererwanga hab̯wa b̯u̱si̱ngu̱zi̱ b̯wa Ruhanga amuha,
bab̯wo bensei̱ baragani̱sya nibarahira mwibara lya Ruhanga balitunga ki̱ti̱i̱ni̱sa,
hab̯wakubba mi̱nwa mya bagobya milijalwa.
Currently Selected:
Zabbu̱li̱ 63: LUGUNGU
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
