Zabbu̱li̱ 62
62
Hali Mu̱handu̱ wa bahi̱i̱mi̱. Ku̱si̱gi̱ki̱ra ku Jedu̱sani̱. Zabbu̱li̱ gya Dau̱di̱.
1Mwozo gwange guhuumulira mu Ruhanga musa,
kujunwa kwange kuruga hali yo.
2Yooyo musa ali lubbaali lwange na kujunwa kwange,
lugo lwange lunyamaani, tinditengeeta.
3Nywe nywensei̱ mu̱li̱doosya di̱i̱ ku̱ndu̱mba,
gya akwisana ki̱si̱i̱ka ki̱gogomi̱ri̱ kandi lugo lu̱swaswani̱ki̱ri̱?
4Bategeka ku̱nzi̱rya hansi kuntoola mu kiikaru kyange kya ki̱ti̱i̱ni̱sa.
Benyumiza mu kubazaho b̯u̱gobya.
Mi̱nwa myab̯u mibaza bigambo bya kuha mu̱gi̱sa,
bei̱tu̱ mitima myab̯u mibba nimikukyena b̯u̱kyeni̱.
5Ai̱ Mwozo gwange, gu̱li̱ndi̱ri̱i̱ri̱ Ruhanga musa,
kubba ku̱ni̱hi̱ra kwange kuruga hali yooyo.
6Yooyo musa ali lubbaali lwange na kujunwa kwange,
lugo lwange lunyamaani, tinditengeeta.
7Mu Ruhanga hooho kujunwa kwange na ki̱ti̱i̱ni̱sa kyange biruga,
ali yooyo cali nyi̱ru̱ki̱ra.
8Nywe bantu, mu̱mwesi̱genge b̯wi̱re b̯wensei̱,
mitima myenyu̱ mu̱mi̱mu̱he,
yooyo b̯wi̱ru̱ki̱ro b̯wetu̱.
9Bantu beicala rwoya lusa,
kadi babbe na ki̱ti̱i̱ni̱sa teetei̱,
nob̯wobata ha ndengu, tibagira raati̱ri̱.
10Otalyesiga nsimbi zootu̱ngi̱ri̱ mu b̯u̱nyagi̱,
rundi kwetembya hab̯wa bintu bi̱i̱be,
itungu lyamu nab̯ubilikanya,
otalilitaho mutima gwamu.
11Kintu kya Ruhanga abazi̱ri̱ gu̱mwei̱,
nkyegwi̱ri̱ mirundi mibiri nti b̯u̱sobozi̱ b̯wensei̱,
b̯uruga hali yo.
12Muli we Mukama hooho ngonzi zinene zibba,
kubba olisasula b̯uli muntu nka mulimo gwamwe ku guli.
Currently Selected:
Zabbu̱li̱ 62: LUGUNGU
Highlight
Share
Copy
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
