Zabbu̱li̱ 48
48
Kyembu. Zabbu̱li̱ gya baana ba Koora.
1 Mukama ali wa maani, asemereeri̱ kuhaariizwa hoi̱,
mu rub̯uga lwa Ruhanga weetu̱,
na ha lusahu lwamwe lu̱syanu̱.
2Lusahu lwamwe kandi lwa ki̱ti̱i̱ni̱sa,
kwokwo kweb̯uga kwa nsi gyensei̱.
Lusahu Sayu̱u̱ni̱ hadei mu matemba,
rub̯uga lwa Mukama wamaani.
3Ruhanga eicala mu lu̱lwo rub̯uga,
yeezolokeerye nka kwali lugo.
4Muwone bakama nka ku̱beesoroozi̱ri̱,
hamwei̱ ku̱ru̱mba rub̯uga.
5Bei̱tu̱ b̯u̱baalu̱weeni̱,
beeru̱ndu̱ki̱ri̱ bei̱ru̱ka.
6Baakankeeni̱
nka mu̱kali̱ akwati̱i̱rwe bisa bya kubyala,
7hab̯wa bbuukuulu kuruga b̯uhulukalyoba
waati̱ri̱ maati̱ ga Tarasi̱i̱si̱ mwitaka.
8Twegwi̱ri̱, kandi hataati̱ tu̱ki̱weeni̱,
mu rub̯uga lwa Ruhanga weetu̱, Mukama wa mahe,
lulu lwolwo rub̯uga lwa Ruhanga, ali̱caalyaho biro byensei̱.
9Ai̱ Ruhanga, b̯utubba mu nnyu̱mba gyamu ni̱tu̱ku̱ku̱ramya,
tuteekereza ha ngonzi zaamu zinene.
10Ibara lyamu li̱ku̱mi̱ri̱ kandi bakukuhaariiza mu nsi gyensei̱,
mukono gwamu gwa b̯ulyo guli gu̱si̱ngu̱zi̱.
11Lusahu lwa Sayu̱u̱ni̱ lu̱kwi̱za kweb̯uga,
Yu̱da gyensei̱ gisemererwe
kubba oleti̱ri̱ho b̯winganiza.
12Twali̱bati̱ri̱ mu Sayu̱u̱ni̱ twelogoolya,
twabala minaara myaho.
13Twawona bi̱si̱i̱ka byalwo byamaani,
b̯uli lugo tuludweho.
Mwomwo oliweera,
mi̱hi̱hi̱ mi̱kwi̱za nti,
14“Kwokwo Ruhanga weetu̱ eicala biro byensei̱,
aliicala na twebembera.”
Currently Selected:
Zabbu̱li̱ 48: LUGUNGU
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
