Zabbu̱li̱ 47
47
Hali mu̱handu̱ wa bahi̱i̱mi̱. Zabbu̱li̱ gya baana ba Koora.
1Bantu nywensei̱ mu̱ku̱u̱te mu ngalu,
Muhaariize Ruhanga na byembu byeiraka likooto byakusemererwa.
2Kubba Mukama, Waahakyendi̱ Hoi̱, asemereeri̱ ku̱ti̱i̱nwa,
yooyo mukama wa ki̱ti̱i̱ni̱sa alema nsi gyensei̱.
3Yaatu̱heeri̱ ku̱si̱ngu̱ra banyanzigwa beetu̱,
mahanga gaab̯u gaabba hansi wa magulu geetu̱.
4Yaatukomeramwo b̯ugwete b̯wetu̱,
kyokyo ki̱ti̱i̱ni̱sa kya Yakobbo gi̱yendya gyanyu̱mi̱rwa.
5Ruhanga atembi̱ri̱ kwakyendi̱ bantu nibakuhaariiza,
na maraka ga ngwara zikutoma.
6Mu̱hi̱i̱me muhaariize Ruhanga!
Mu̱hi̱i̱me nimumutenda mukama weetu̱!
7Kubba Ruhanga eicala Mukama wa nsi gyensei̱,
mu̱mu̱haari̱i̱ze na zabbu̱li̱.
8Ruhanga alema mahanga gensei̱,
Ruhanga eicaara ha kitebe kyamwe ki̱syanu̱.
9Balemi̱ beecooka hamwei̱
na bantu ba Ruhanga wa I̱bbu̱rahi̱mu̱
kubba ngab̯u za nsi zili na Ruhanga,
yooyo gibahaariiza hoi̱.
Currently Selected:
Zabbu̱li̱ 47: LUGUNGU
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
