Zabbu̱li̱ 46
46
Hali mu̱handu̱ wa bahi̱i̱mi̱. Zabbu̱li̱ gya baana ba Koora, gikukwatagana nʼAlamoti̱. Kyembu.
1Ruhanga yooyo b̯webi̱si̱ro na maani geetu̱,
eicalaho kutujuna mu b̯uzib̯u.
2Nahab̯waki̱kyo, nsi nab̯ugyahinduka ti̱tu̱li̱ti̱i̱na,
nsahu nab̯uzagwa mwitaka,
3kubbe kwetyobbolya na kuhuuka kwa meezi̱,
nsahu nab̯uzajegeja hab̯wa kuhuuka kwago.
4Haloho mugira gukasemeza rub̯uga lwa Ruhanga,
kiikaru kitongoole kya Waahakyendi̱ Hoi̱ eicaliremwo.
5Ruhanga eicala hakati̱ mulilwo tululitengeeta,
Ruhanga alilujuna na kamambya.
6Mahanga gatab̯u̱ki̱ri̱, makama gagwi̱ri̱,
iraka lya Ruhanga libbwatuka, nsi niginyelela,
7 Mukama wa mahe eicala natwe,
Ruhanga wa Yakobbo yooyo b̯wi̱ru̱ki̱ro b̯wetu̱.
8Mwi̱ze muwone mulimo gwa Mukama,
muwone nka kwaku̱hwerekereerya nsi.
9Amalaho malemu kudwa ku nkangu gya nsi,
abinya b̯uta, masumu nagacwacwana,
bigaali nabi̱kolereeryaho mworo.
10“Mwetegeerye kandi mwege gyagya ndi Ruhanga.
Mahanga gakwi̱za kumpariiza, nsi gyensei̱ ginyumize.”
11 Mukama wa mahe eicala natwe,
Ruhanga wa Yakobbo yooyo b̯wi̱ru̱ki̱ro b̯wetu̱.
Currently Selected:
Zabbu̱li̱ 46: LUGUNGU
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
