Zabbu̱li̱ 45
45
Hali mu̱handu̱ wa bahi̱i̱mi̱. Bikukwata ha byakyo birungi. Masikili#45:0 Masikili kisobora ku̱manyi̱sya kyembu rundi kigambu kikora mu kwebembera kusaba. gya baana ba Koora. Kyembu kya ngonzi.
1Mutima gwange gwi̱zwi̱ri̱ bigambu birungi binene byakutonda,
nkaara zange nkwi̱za kuziweera mukama nzimuganire b̯u̱gani̱ mu kyembu,
nka mu̱handi̱i̱ki̱ mutendeke kwakoresya kalaamu.
2Weewe njuruute gi̱caasi̱ngi̱ri̱ mu badulu bensei̱!
Bigambu byamu byabbanga bya mbabazi̱,
hab̯wakubba Ruhanga aku̱heeri̱ mu̱gi̱sa gwa biro na biro.
3We wa maani, lwala kirooyo kyamu kiloho mpirima,
obba wa b̯u̱sobozi̱ kandi wa ki̱ti̱i̱ni̱sa!
4Ai̱ mukama, mu ki̱ti̱i̱ni̱sa kyamu gyendanga noosi̱ngu̱ra!
Osi̱ngu̱renge hab̯wa kwemeera ha mananu naakulwaniira b̯winganiza,
mukono gwamu gwab̯udyo gwakoranga bintu bya b̯uzira.
5Leka mbasi zaamu zoobi,
zi̱tu̱u̱te ha mitima mya banyanzigwa ba mukama,
mahanga gagwa hansi mu magulu gaamu.
6Ai̱ Ruhanga, kitebe kyamu kiliicalaho biro na biro,
b̯ukama b̯wamu ob̯ulemenge na b̯winganiza,
7Wendya kukora bintu bya b̯winganiza, noonoba kukora bintu bibiibi,
kyokyo Ruhanga, Ruhanga waamu aku̱teeri̱ho maku̱ta ga kusemererwa,
kukiraho bandi bensei̱.
8Bilwalu byamu bi̱b̯u̱nya kurungi hab̯wa maku̱ta ga migaaju, alosi̱ na kasi̱ya.
Mu kikaali kya masyange,
mabbwa ga bikwatu bi̱hi̱i̱mi̱sya mahu̱u̱zi̱ gaku̱nyu̱mi̱ra hoi̱.
9Bahara ba bakama boobo bakali̱ baamu ba ki̱ti̱i̱ni̱sa,
ha mukono gwamu gwab̯udyo heemereeri̱ho mukaa mukama alweri̱ bilwalu bya zaabbu gya mwʼOfi̱ri̱.
10Ai̱ muhara, weetegeerya kandi weegwe,
webeera nsi gyamu na banyaruganda baamu.
11Mukama akusemererwa mu b̯urungi b̯wamu,
mwegwe kubba ali mukama waamu.
12Bantu ba mu rub̯uga lwa Ti̱i̱ro balikuletera bisembu,
bagu̱u̱da bakwesengereerye.
13Mu̱kali̱ wa mukama aliswera,
mu ki̱si̱i̱ka kyamwe alilwala bilwalu bikore na zaabbu.
14Ndengeeti̱ ngogwo alimukugab̯uka wu mukama,
ndengeeti̱ zi̱i̱ra zikumuhondeera bazi̱ku̱leteeri̱.
15Bali mu kuziherekeera na kusemererwa na masanyu,
nizingira kikaali kya mukama.
16Batabani̱ beenyu̱ balibbanga bagwete ba bahaaha baab̯u,
mulibafoora bayolo mu nsi gyensei̱.
17Ibara lyamu lyabbanga kyakwi̱zu̱ka ha mi̱hi̱hi̱ myensei̱,
nahab̯waki̱kyo mahanga gaaliicala nigakuhaariiza biro na biro.
Currently Selected:
Zabbu̱li̱ 45: LUGUNGU
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
