Abanya Roma 10
10
1Balĩkyetu, ngwĩre olukando lunene omo mutima wage busana nʼabalĩkyetu, kumbe ĩbalamĩbwa. Ngasaba Nyamuhanga busana nabo. 2Ngatũlago busana nabo, ngoko bawite omũhwa busana na Nyamuhanga, nĩkwa sibekola nʼamenge. 3Kusangwa sĩbasĩ enzira ya Nyamuhanga yʼerĩtũngananĩa abandu, ibakasonda erĩhanganĩa eritunganene ryabo. Bakagana eritunganene erĩkalũa ewa Nyamuhanga. 4Kusangwa Kristo abĩrĩberererya Emigambo, naye akatũngananaya obuli mundu Oyũkĩkĩrĩraya.
Omulamo ni busana nʼabandu bosĩ
5Kusangwa Musa mwasaka omwatsi wʼerĩtũngananĩbwa busana nʼerikwama Emigambo ati omundu oyukakolayo asyabyaho omwʼitunganana lyayo. 6Nĩkwa erĩtũngananĩbwa busana nʼerĩkĩrĩrya liti, Sũbũge omo mutima wawe uti, Nindi wasyahetukira elubula kwehĩ? busana nʼerĩandagalya Kristo. Kutse, 7Nindi wasyandagalira omo Kũlĩmũ kwehĩ? busana nʼerĩlũsya Kristo omo baholĩ. 8Nĩkwa ekitabu kĩkabũga kĩtĩkĩ kwehĩ? kiti, Ekĩnywa ekyo kiri hakũhĩ nawe, kiri omo buno bwawe nʼomo mutima wawe, kyo kĩnywa kyʼerĩkĩrĩrya ekyo tũkatũla. 9Kusangwa wamakangya omo buno ko Yesu ni Mukama, kandi Wamĩkĩrĩrya omo mutima wawe ko Nyamuhanga amũlũbũkaya oko baholĩ, ĩwalamĩbwa. 10Kusangwa omundu amĩkĩrĩrya omo mutima wuwe busana nʼerĩtũngananĩbwa na Nyamuhanga, kandi akatũlago omo buno buwe, ĩnĩalamĩbwa. 11Kusangwa Amasako ati, Obuli mundu oyũkamwĩkĩrĩraya siendisyahemulwa. 12Sihali erisombola busana nʼabandu bosĩ, kutse Omũyũda, kutse omundu wʼEbihanda. Kusangwa Nyamuhanga ni Mukama wʼabandu bosĩ, kandi akatsumula ndeke abosĩ abakamulakira. 13Kusangwa kiti, Obuli mundu oyukalakira erĩna lyʼomukama asyalamĩbwa.
14Neryo basyamulakira bati, oyo batĩkĩrĩraya kwehĩ? Kandi basĩkĩrĩrya bati oyo bate batowa ko mwatsi kwehĩ? Kandi basyowa bati, omwatsi amatĩndatũlwa kwehĩ? 15Kandi basyatũlago bati, bamatenditumwa kwehĩ? Ngoko kĩsakĩre kiti, Ni kibuya ndeke erĩowa erĩhĩka lyʼabandu bakaleta engulu nyibuya. 16Nĩkwa ababĩrĩrĩga Engulu Yowene sĩ bʼabosĩ; kusangwa Ĩsaya akabũga ati, Mukama, nindi yo wabĩrĩkĩrĩrya erĩtũlago lyetu kwehĩ? 17Litya erĩkĩrĩrya likasa busana nʼerĩowa, nʼerĩowa, likasa busana nʼerĩkangĩrĩrĩbwa, nʼerĩkangĩrĩrya eryo ni Kristo. 18Nĩkwa nyiti sĩbetowa erĩkangĩrĩrya kwehĩ? Kwenene babĩrĩowa. Ngoko kĩsakĩre kiti,
Omulenge wabo abiritsungana omo kihugo kyosĩ,
Nʼebĩnywa byabo byabĩrĩhĩka oko ndũlĩ syʼekihugo.
19Kandi ngabũga nyiti, Ĩsraelĩ mwataminya kwehĩ? Musa yo watsũka erĩbũga ati,
Nasyaleka ĩmwakwa obũha busana nʼabandu bate bʼekihanda,
Nasyabahĩtanĩa busana nʼekihanda kitawite menge.
20Ĩsaya sialiubaha erĩbũga ati,
Nabiribanika oko batanyĩsondaya,
Nabĩrĩyĩkangya oko batabũlaya busana nage,
21Nĩkwa busana na Ĩsraelĩ ati, Omusibo gosĩ nabirisumba ebyala byage oko bandu abatĩowa nʼabʼomwaga.
Currently Selected:
Abanya Roma 10: KB80
Highlight
Share
Copy
Want to have your highlights saved across all your devices? Sign up or sign in
Bible in Kinandi © Bible Society of the Democratic Republic of Congo, and Bible Society of Uganda, 1980.
