1 Yoane 3

Abana ba Nyamuhanga

1Mulangire ngoko Tata abiritwanza kutsibu, kusangwa tukahulawa mo bana ba Nyamuhanga; ko tune tutya. Busana nʼomwatsi oyũ; ekihugo sĩkĩtwasĩ, kusangwa mokitetaminya Nyamuhanga. 2Abanze betu, lino tuli bana ba Nyamuhanga, nĩkwa sikyetaminyikala ngoko twasyabya. Nĩkwa tũnasĩ ekiro Kristo asyabutuka, twasyamusosa, kusangwa twasyamulolako ngoko ali. 3Nʼobuli mundu oyuli nʼamaha aya uku Kristo, akayihigula oko bibi, ngoko Kristo abũyĩrĩre.

4Oyukakola ebibi akaketa Emigambo ya Nyamuhanga. Kusangwa ekibi ni ʼketa Emigambo. 5Kandi mũnasĩ ngoko Kristo kwʼaminyikala erĩlũsya ebibi byʼabandu; kandi Kristo siali kwʼekibi. 6Sihali mundu oyumatikene na Kristo oyukakola ebibi. Nʼoyukakola ebibi, isialitamulolako nʼahake, kutse erimuminya.

7Bana bage balere, simuleke omundu akabateba. Omundu oyukakola ebitunganene, atunganene ngoko Kristo naye atunganene. 8Nĩkwa oyukakola ebibi ni wʼeSatanĩ, kusangwa Satanĩ atula akakola ebibi erĩtsũka erĩmbere. Omugala wa Nyamuhanga mwaminyikala busana nʼomwatsi oyũ wʼerĩherya emĩbĩrĩ yʼeSatanĩ. 9Obuli mundu Oyukabutawa na Nyamuhanga sialikola ebibi, kusangwa awite obu Nyamuhanga omwisi wuwe; neryo sialitoka erikola ebibi, kusangwa Nyamuhanga ni Tata wuwe. 10Ũmwʼekĩ abana ba Nyamuhanga nʼabana bʼeSatanĩ baminyikere. Oyutekola ebitunganene, kutse omundu Oyũtanzĩre mũlĩkyabo, abo si bana ba Nyamuhanga!

Mwanzane

11Kusangwa omwatsi ogo mwowa erĩtsũka erĩmbere goyũ: Twanganzana. 12Situbye nga Kaĩna, oyo wabya wʼOmubi Oyo, neryo mwĩta mulumuna wuwe. Neryo mwamwĩta busana nakĩ kwehĩ? Kusangwa emĩbĩrĩ ya Kaĩna yabya mibi, nĩkwa eya mulumuna wuwe yabya itunganene.

13Neryo balĩkyetu, simusweke abandu bʼekihugo bamabakwa obusu. 14Ĩtwe tũnasĩ ko twabĩrĩlũa oko luholo, nʼeribana engebe, twasĩ tutya kusangwa tukanza abalĩkyetu. Oyutianza ĩkere omo luholo. 15Obuli mundu Oyũkakwa mũlĩkyabo yʼobusu nĩ mwĩtĩ, kandi mũnasĩ ko hate mwĩtĩ oyuwite engebe yʼerikota omwisi wuwe. 16Tukaminya olwanzo ko luli lutya, tuti Kristo mwaha engebe yiwe busana netu. Netu litolere itwaha esyongebe syetu busana nʼabalĩkyetu. 17Omundu oyuwite ebindu byʼekihugo kino, neryo akalangira mũlĩkyabo ali nʼobwaga, ĩnĩakakalaya omutima wuwe nʼerĩmwĩma, awite olwanzo lwa Nyamuhanga omo mutima wuwe mo ati kwehĩ? 18Bana bage, simwanze omo bĩnywa kutse omo lulimi lusa, nĩkwa twanze omo mĩbĩrĩ nʼekwenene.

Tũsĩkaye emitima

19Busana nʼekĩ twasyaminya ko tuli bʼomwatsi wʼekwenene, nʼemitima yetu yasyasĩka embere sya Nyamuhanga. 20Kusangwa omutima wetu amatuhandikirira, Nyamuhanga ni mukulu, alengĩre emitima yetu, kandi asĩ emyatsi yosĩ. 21Abanze, omutima wetu amatindatũsĩnga, tuwite erĩsĩka embere sya Nyamuhanga. 22Kandi tukabana ebyosĩ ebyo tũkamũbũlaya, kusangwa tukakwama ebihano biwe, kandi tukakola emyatsi eyo eyĩkamũtsemesaya. 23Neryo ekihano kiwe kiti twĩkĩrĩraye erĩna lyʼomugala wuwe Yesu Kristo, nʼerianzana, ngoko Kristo atuhana. 24Kandi oyukakwama ebihano biwe, amatikene na Kristo, na Kristo amatikene naye. NʼOmũlĩmũ ogo atuha akaleka itwaminya kwʼamatikene netu.

Currently Selected:

1 Yoane 3: KB80

Highlight

Copy

Compare