Popular Bible Verses from 1 Yoane 3

Share

Bana bage, simwanze omo bĩnywa kutse omo lulimi lusa, nĩkwa twanze omo mĩbĩrĩ nʼekwenene.

Tukaminya olwanzo ko luli lutya, tuti Kristo mwaha engebe yiwe busana netu. Netu litolere itwaha esyongebe syetu busana nʼabalĩkyetu.

Mulangire ngoko Tata abiritwanza kutsibu, kusangwa tukahulawa mo bana ba Nyamuhanga; ko tune tutya. Busana nʼomwatsi oyũ; ekihugo sĩkĩtwasĩ, kusangwa mokitetaminya Nyamuhanga.

Nĩkwa oyukakola ebibi ni wʼeSatanĩ, kusangwa Satanĩ atula akakola ebibi erĩtsũka erĩmbere. Omugala wa Nyamuhanga mwaminyikala busana nʼomwatsi oyũ wʼerĩherya emĩbĩrĩ yʼeSatanĩ.

Obuli mundu Oyukabutawa na Nyamuhanga sialikola ebibi, kusangwa awite obu Nyamuhanga omwisi wuwe; neryo sialitoka erikola ebibi, kusangwa Nyamuhanga ni Tata wuwe.

Omundu oyuwite ebindu byʼekihugo kino, neryo akalangira mũlĩkyabo ali nʼobwaga, ĩnĩakakalaya omutima wuwe nʼerĩmwĩma, awite olwanzo lwa Nyamuhanga omo mutima wuwe mo ati kwehĩ?

Kandi oyukakwama ebihano biwe, amatikene na Kristo, na Kristo amatikene naye. NʼOmũlĩmũ ogo atuha akaleka itwaminya kwʼamatikene netu.

Ũmwʼekĩ abana ba Nyamuhanga nʼabana bʼeSatanĩ baminyikere. Oyutekola ebitunganene, kutse omundu Oyũtanzĩre mũlĩkyabo, abo si bana ba Nyamuhanga!

Kusangwa omwatsi ogo mwowa erĩtsũka erĩmbere goyũ: Twanganzana.

Neryo balĩkyetu, simusweke abandu bʼekihugo bamabakwa obusu.