Zabbuli 84
84
Ya mukulu w'abayimbi; ey'ekigaasi. Zabbuli ya batabani ba Koola.
1 #
Zab 43:3
Eweema zo nga nnungi, Ai Mukama ow'eggye.
2 #
Zab 27:4; 42:1,2; 63:1 Emmeeme yange yeegomba, era ezirise olw'empya za Mukama;
Omutima gwange n'omubiri gwange bikaabira Katonda omulamu.
3 #
Zab 5:2
Weewaawo, enkazaluggya yeerabidde ennyumba,
N'akataayi ekisu mwe kanaabiikiranga obwana bwako,
Bye byoto byo, ai Mukama ow'eggye,
Kabaka wange, era Katonda wange.
4 #
Zab 42:5,11; 65:4 Balina omukisa abatuula mu nnyumba yo:
Banaakutenderezanga. (Seera)
5Alina omukisa omuntu amaanyi ge bwe gaba mu ggwe;
Enguudo ezigenda mu Sayuuni nga ziri mu mutima gwe.
6 #
Ez 34:26
Nga bayita mu kiwonvu eky'amaziga bakifuula ekifo eky'ensulo;
Weewaawo, ddumbi akibikkako n'omukisa.
7 #
Zab 42:2, Nge 4:18, Is 40:31, 2 Kol 3:18 Bava mu maanyi ne baggukira mu maanyi,
Buli muntu mu bo alabika mu maaso ga Katonda mu Sayuuni.
8 #
Zab 59:5
Ai Mukama Katonda ow'eggye, wulira okusaba kwange:
Otege okutu, ai Katonda wa Yakobo. (Seera)
9 #
Zab 3:3
Tunula, ai Katonda engabo yaffe,
Olabe amaaso g'oyo gwe wafukako amafuta.
10Kubanga olunaku lumu mu mpya zo lusinga olukumi.
Njagala okuba omuggazi mu nnyumba ya Katonda wange
Okusinga okutuula mu weema ez'obubi.
11 #
Zab 15:2; 34:9,10, Nge 2:7, Is 60:19,20, Mal 4:2, Kub 21:11,23 Kubanga Mukama Katonda ye njuba, ye ngabo:
Mukama anaagabanga ekisa n'ekitiibwa:
Tammenga kintu kirungi kyonna abo abeegendereza.
12Ai Mukama ow'eggye,
Alina omukisa omuntu akwesiga ggwe.
Currently Selected:
Zabbuli 84: LUG68
Highlight
Copy
Compare
Share
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.
