Zabbuli 104
104
1 #
2 Sam 7:22, Yob 40:10, Zab 103:1,2 Weebaze Mukama, ggwe emmeeme yange.
Ai Mukama Katonda wange, oli mukulu nnyo;
Oyambadde ekitiibwa n'obukulu.
2 #
Yob 9:8, Is 40:22 Eyeebikka omusana ng'ekyambalo;
Atimba eggulu ng'eggigi:
3 #
Zab 18:10, Is 19:1, Am 9:6 Asimba empagi ez'enju ze mu mazzi;
Afuula ebire eggaali lye;
Atambulira ku biwaawaatiro by'empewo:
4 #
2 Bassek 1:10; 6:17, Beb 1:7 Afuula ababaka be empewo;
N'abaweereza be omuliro ogwaka:
5 #
Yob 38:4, Mub 1:4 Eyasimba emisingi gy'ensi,
Ereme okusagaasagananga emirembe gyonna.
6 #
Lub 7:19
Wagibikkako ennyanja ng'ekyambalo;
Amazzi ne gayimirira waggulu w'ensozi.
7 #
Zab 18:15; 77:18 Ggwe bwe wanenya ne gadduka;
Eddoboozi ery'okubwatuka kwo bwe lyawulirwa ne ganguwa okugenda;
8 #
Yob 38:8
Gaalinnya ku nsozi, gaaserengetera mu biwonvu,
Ne gatuuka mu kifo kye wagateekerawo.
9 #
Lub 9:11, Yob 38:11, Yer 5:22 Wagalagira ensalo gye gatayinza kusukkako;
Galeme okudda nate okubikka ku nsi.
10Aleeta enzizi mu biwonvu;
Zikulukuta mu nsozi:
11Zinywesa ensolo zonna ez'omu nsiko;
Entulege ziwona ennyonta.
12Ennyonyi ez'omu ggulu kwe zituula ku ezo,
Ziyimbira mu matabi.
13 #
Yob 5:10, Zab 65:9 Afukirira amazzi ensozi ng'ayima mu nju ze:
Ensi n'ekkuta ebibala eby'emirimu gyo.
14 #
Lub 1:29,30, Yob 28:5, Zab 136:25; 147:8 Amereza ente essubi,
N'omuddo okuweereza abantu;
Balyoke baggyenga emmere mu ttaka;
15 #
Lub 18:5, Balam 9:9,13, Nge 31:6,7, Mub 10:19 N'omwenge ogusanyusa omutima gw'abantu,
N'amafuta ganyirizenga amaaso ge,
N'emmere ewa omuntu amaanyi omutima gwe.
16 #
Kubal 24:6
Emiti gya Mukama gikkuta;
Emivule gya Lebanooni gye yasimba;
17Ennyonyi gye zikoleramu ebisu byazo:
Kasida, emiberoosi ye nnyumba ye.
18 #
Yob 39:1, Nge 30:26 Ensozi empanvu ziba za mbulabuzi;
Amayinja kye kiddukiro ky'obumyu.
19 #
Lub 1:14
Yateekerawo omwezi ebiro:
Enjuba emanyi okugwa kwayo.
20 #
Is 45:7
Ggwe oleeta ekizikiza, ekiro ne kibaawo;
Ensolo zonna ez'omu kibira mwe zifulumira nga zisooba.
21 #
Yob 38:39
Empologoma ento zivuumira gye zinaalya,
Era zinoonya emmere yaazo eri Katonda.
22Enjuba n'evaayo, ne zigenda,
Ne zeebaka mu mpuku zaazo.
23 #
Lub 3:19
Abantu ne bagenda ku mulimu gwabwe
N'okutegana kwabwe okutuusa akawungeezi.
24 #
Lub 1:20,21,24,25, Nge 3:19 Ai Mukama, emirimu gyo nga gya ngeri nnyingi!
Wagikola gyonna mu magezi:
Ensi ejjudde obugagga bwo.
25Ennyanja eri, ennene engazi,
Omuli ebyewalula ebitabalikika,
Ebisolo ebitono era n'ebinene.
26 #
Yob 41:1, Zab 74:14, Is 27:1 Eri amaato gye gayitako;
Lukwata mwali, gwe wakola okuzannyira omwo.
27 #
Zab 145:15
Ebyo byonna bikulindirira ggwe,
Obiwe emmere yaabyo mu ntuuko zaayo.
28 #
Zab 145:16
Gy'obiwa gye bikuŋŋaanya;
Oyanjuluza engalo, ne bikkuta ebirungi.
29 #
Yob 34:14,15, Zab 30:7 Okisa amaaso go, ne byeraliikirira;
Obiggyamu omukka gwabyo, ne bifa,
Ne bidda mu nfuufu yaabyo.
30 #
Yob 33:4, Is 32:15 Otuma omwoyo gwo, ne bitondebwa;
Era ofuula obuggya amaaso g'ettaka.
31 #
Lub 1:31, Zab 72:17 Ekitiibwa kya Mukama kibeere kya kubeerera;
Mukama asanyukire emirimu gye:
32 #
Kuv 19:18, Zab 144:5, Kaab 3:10 Atunuulira ensi, n'ekankana;
Akwata ku nsozi, ne zinyooka.
33 #
Zab 63:4
Naayimbiranga Mukama nga nkyali mulamu:
Naayimbanga okutendereza Katonda wange nga nkyaliwo.
34Okulowooza kwange kumuwoomerenga:
Naasanyukiranga Mukama.
35 #
Zab 37:38; 104:1; 105:45 Ababi bazikirire baggweewo kunsi,
Aboonoonye baleme okubeerawo nate.
Weebaze Mukama, ggwe emmeeme yange.
Mumutendereze Mukama.
Currently Selected:
Zabbuli 104: LUG68
Highlight
Copy
Compare
Share
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.
