Okubala 21
21
1 #
Kubal 13:21,22 N'Omukanani, kabaka w'e Yaladi, eyatuulanga mu bukiika obwa ddyo, n'awulira nga Isiraeri ajja mu kkubo lya Asalimu; n'alwana ne Isiraeri n'awamba abamu ku bo. 2#Leev 27:28,29Isiraeri ne yeeyama obweyamo eri Mukama, n'agamba nti Bw'onoogabulira ddala abantu bano mu mukono gwange, ndizikiririza ddala ebibuga byabwe. 3Mukama n'awulira eddoboozi lya Isiraeri, n'agabula Abakanani; ne babazikiririza ddala bo n'ebibuga byabwe: ekifo ne kituumibwa erinnya lyakyo Koluma.
4 #
Kubal 33:41, Balam 11:18 Ne basitula okuva ku lusozi Koola ne bagenda mu kkubo ery'Ennyanja Emmyufu, okwetooloola ensi ya Edomu: obulamu bw'abantu ne bukeŋŋentererwa nnyo olw'olugendo. 5#Kuv 16:3; 17:3, Kubal 11:6Abantu ne boogera bubi ku Katonda ne ku Musa, nti Mwatuggira ki mu Misiri okutulinnyisa okufiira mu ddungu? kubanga tewali kyakulya, so tewali mazzi; n'obulamu bwaffe butamiddwa ekyokulya kino ekyangu. 6Mukama n'asindikira abantu emisota egy'omuliro, ne giruma abantu; abantu bangi ne bafa ku Isiraeri. 7#Kuv 8:8,28, 1 Sam 12:19, 1 Bassek 13:6Abantu ne bajja eri Musa ne bagamba nti Twonoonye kubanga twayogera obubi ku Mukama ne ku ggwe; saba Mukama atuggyeko emisota. Musa n'asabira abantu. 8Mukama n'agamba Musa nti Weekolere omusota ogw'omuliro, oguteeke ku mulongooti: awo olunaatuuka, buli alumiddwa bw'anaagulaba, anaaba mulamu. 9#2 Bassek 18:4, Yok 3:14,15Musa n'akola omusota ogw'ekikomo, n'aguteeka ku mulongooti: awo olwatuuka omusota bwe gwabanga gulumye omuntu yenna, bwe yatunuulira omusota ogw'ekikomo, n'aba mulamu. 10Abaana ba Isiraeri ne batambula ne basiisira mu Obosi. 11Ne basitula e Obosi ne batambula ne basiisira mu Iyeabalimu, mu ddungu eryolekera Mowaabu, ku luuyi olw'ebuvanjuba. 12Ne bavaayo, ne batambula, ne basiisira mu kiwonvu kya Zeredi. 13#Balam 11:18Ne bavaayo ne batambula ne basiisira emitala wa Alunoni, oguli mu ddungu, ogusibuka mu nsalo y'Abamooli: kubanga Alunoni ye nsalo ya Mowaabu, wakati wa Mowaabu n'Abamooli. 14Kyekyava kyogerwa mu kitabo eky'Entalo za Mukama nti
Vakebu mu Sufa
N'ebiwonvu bya Alunoni,
15N'ebikko eby'ebiwonvu
Ebiserengetera eri ennyumba za Ali,
Era ebyesigama ku nsalo ya Mowaabu.
16Ne bavaayo ne batambula ne bagenda e Beeri: olwo lwe luzzi Mukama lwe yabuulirako Musa nti Kuŋŋaanya abantu, nange naabawa amazzi.
17Isiraeri n'alyoka ayimba oluyimba luno:
Weesere, ggwe oluzzi; muluyimbire;
18Oluzzi abakulu lwe baasima,
Abakungu b'abantu lwe baayerula,
N'omuggo ogw'obwakabaka, n'emiggo gyabwe.
Ne bava mu ddungu ne batambula ne bagenda e Matana: 19ne basitula e Matana ne bagenda e Nakalieri: ne basitula e Nakalieri ne bagenda e Bamosi: 20#Kubal 23:28, 1 Sam 23:19,24; 26:1,3ne basitula e Bamosi ne bagenda mu kiwonvu ekiri ku ttale lya Mowaabu, ku ntikko ya Pisuga, kw'oyima okulengera eddungu.
21 #
Ma 2:26,27, Balam 11:19 Isiraeri n'atuma ababaka eri Sikoni kabaka w'Abamoli ng'ayogera 22#Kubal 20:17nti Ka mpite mu nsi yo: tetulikyamira mu nnimiro newakubadde mu lusuku lw'emizabbibu; tetulinywa ku mazzi ga nzizi: tulitambulira mu luguudo lwa kabaka, okutuusa lwe tuliyita mu nsalo yo. 23#Ma 2:32Sikoni n'ataganya Isiraeri kuyita mu nsalo ye: naye Sikoni n'akuŋŋaanya abantu be bonna, n'atabaala Isiraeri mu ddungu, n'atuuka e Yakazi: n'alwana ne Isiraeri. 24#Ma 2:33, Yos 12:1,2, Nek 9:22 Isiraeri n'amukuba n'obwogi bw'ekitala, n'alya ensi ye okuva ku Alunoni okutuuka ku Yaboki, okutuuka ku baana ba Amoni: kubanga ensalo ey'abaana ba Amoni yali ya maanyi. 25Isiraeri n'alya ebibuga ebyo byonna: Isiraeri n'atuula mu bibuga byonna eby'Abamoli, mu Kesuboni ne mu bibuga byabyo byonna. 26Kubanga Kesuboni kyali kibuga kya Sikoni kabaka w'Abamoli, eyalwana ne kabaka wa Mowaabu eyasooka, n'aggya mu mukono gwe ensi yonna, okutuuka ku Alunoni 27Aboogerera mu ngero kyebaava boogera nti
Mujje e Kesuboni,
Ekibuga kya Sikono kizimbibwe kinywezebwe:
28 #
Is 15:1, Yer 48:45 Kubanga omuliro gufulumye mu Kesuboni,
Ennimi z'omuliro mu kibuga kya Sikoni:
Gwokezza Ali ekya Mowaabu,
Abakungu ab'ebifo ebigulumivu ebya Alunoni.
29 #
1 Bassek 11:7,33, Yer 48:7,46 Zikusanze, Mowaabu!
Mufudde, mmwe abantu ba Kemosi:
Agabudde batabani be okuba abadduse,
Ne bawala be okuba abasibe,
Eri Sikoni kabaka w'Abamoli.
30 #
Is 15:2
Twabasimbako;
Kesuboni kyazikirira okutuuka ku Diboni,
Era twazisa okutuuka ku Nofa,
Ekituuka ku Medeba.
31Isiraeri n'atuula bw'atyo mu nsi y'Abamoli. 32Musa n'atuma okuketta Yazeri, ne balya ebibuga byayo, ne bagobamu Abamoli abaali eyo. 33Ne bakyuka ne bambukira mu kkubo ly'e Basani: Ogi kabaka w'e Basani n'abatabaala, ye n'abantu be bonna okulwanira nabo e Derei. 34#Ma 3:2Mukama n'agamba Musa nti Tomutya: kubanga mmugabudde mu mukono gwo, n'abantu be bonna, n'ensi ye; era olimukola nga bwe wakola Sikoni kabaka w'Abamoli, eyatuulanga e Kesuboni. 35#Ma 3:3,4, Nek 9:22Awo ne bamutta ne batabani be, n'abantu be bonna, ne watamusigalirawo n'omu: ne balya ensi ye.
Currently Selected:
Okubala 21: LUG68
Highlight
Copy
Compare
Share
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.
