Yobu 30
30
1 #
Yob 12:4
Naye kaakano be nsinga obukulu bansekerera,
Bakitaabwe nabanyooma okubateeka wamu n'embwa ez'ekisibo kyange.
2 #
Yob 24:4-8
Weewaawo, amaanyi ag'emikono gyabwe gandingasizza ki?
Abantu abaweddemu obuvubuka,
3Bakoozimbye olw'okwetaaga n'enjala;
Bameketa ettaka ekkalu mu kizikiza eky'okuzika n'okwonooneka.
4Banoga enkunga awali ebisaka;
N'enkolo ez'omwoloola ye mmere yaabwe.
5Bagobebwa wakati mu bantu;
Babalangira nga bwe balangira omubbi.
6 #
1 Sam 13:6, Yer 4:29 Kibagwanira okubeera mu njatika ez'omu biwonvu,
Mu bunnya obw'omu ttaka n'obw'omu njazi
7 #
Yob 6:5, Zef 2:9 Balirira mu bisaka,
Wansi w'emyennyango we bakuŋŋaanira.
8Baana ba basirusiru, weewaawo, baana ba basajja abatalina linnya;
Baakubibwa emiggo ne bagobebwa mu nsi.
9 #
Yob 17:6, Zab 69:12, Kung 3:14,63 Kale kaakano nze nfuuse oluyimba lwabwe,
Weewaawo, ndi kigambo kya buwemu gye bali.
10 #
Is 50:6, Mat 26:67; 27:30 Bantamwa, banneesamba,
Tebaleka kumpandira malusu mu maaso.
11Kubanga asumuludde omugwa gwe n'ambonyabonya,
Era basudde olukoba olugoba mu maaso gange
12 #
Yob 19:12
Ku mukono gwange ogwa ddyo kugolokokera abalalulalu;
Basindiikiriza ebigere byange,
Era batuuma ku nze amakubo gaabwe ag'okuzikirira.
13Boonoona ekkubo lyange, Bongera ku nnaku ze ndabye,
Abantu ababulwa ow'okubayamba.
14Bajja nga bayita mu kituli ekiwagule ekigazi:
Wakati mu matongo bangwako.
15 #
Yob 7:9; 18:11 Ebitiisa bikyuse okungwako,
Bayigganya ekitiibwa kyange ng'empewo;
N'omukisa gwange guweddewo ng'ekire.
16 #
1 Sam 1:15
Era kaakano emmeeme yange efukiddwa munda yange;
Ennaku ez'okubonyaabonyezebwamu zinkutte.
17 #
Yob 7:3; 33:19 Ekiro amagumba gange gafumitibwa mu nze,
N'obubalagaze obunnuma tebuwummula.
18Olw'amaanyi amangi ag'endwadde yange ekyambalo kyange kyonoonese:
Ensibira ddala ng'ekitogi ky'ekizibawo kyange.
19 #
Lub 18:27, Yob 42:6 Ansudde mu bitosi,
Era nfuuse ng'enfuufu n'evvu.
20Nkukaabira so tonziramu:
Nnyimirira, n'ontunuulira.
21 #
Yob 16:9
Okyuse okuba omukambwe gye ndi:
Olw'amaanyi ag'omukono gwo onjigganya.
22 #
Yob 27:21
Onsitulira awali empewo n'ozinneebagazaako;
Era onsaanuusizza mu kibuyaga.
23Kubanga mmanyi ng'olintuusa mu kufa,
N'eri ennyumba eyateekerwawo abalamu bonna.
24 #
Mi 1:6; 3:12 Mazima taagololere mukono gwe ku kifunvu ky'ebyagwa;
Newakubadde nga bibeera mu kuzikirira kwe, omuntu ayinza okulira olw'ebyo.
25 #
Zab 35:13,14, Bar 12:15 Saamukaabira amaziga oyo eyali mu nnaku?
Emmeeme yange teyanakuwalira oyo eyeetaaga?
26 #
Yer 8:15; 14:19 Bwe nnasuubira ebirungi, ebibi ne biryoka bijja;
Era bwe nnalindirira omusana, ekizikiza ne kijja.
27Ebyenda byange byesera ne bitawummula;
Ennaku ez'okubonyaabonyezebwamu zintuuseeko.
28 #
Zab 38:6
Ntambula nga mpuubaala awatali njuba:
Nnyimirira mu kkuŋŋaaniro ne nkuba enduulu bannyambe.
29 #
Is 13:21, Mi 1:8 Ndi muganda w'ebibe,
Ne bamaaya ndi munnaabwe.
30 #
Zab 102:3; 119:83, Kung 4:8; 5:10 Eddiba ery'omubiri gwange liddugadde, linsasambukako,
N'amagumba gange gookeddwa n'ebbugumu.
31 #
Kung 5:15
Ennanga yange kyevudde ekyuka okuwuubaala,
N'omulere gwange gufuuse ddoboozi ly'abo abakaaba amaziga.
Currently Selected:
Yobu 30: LUG68
Highlight
Copy
Compare
Share
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.
