Yobu 13
13
1Laba, eriiso lyange lyalaba ebyo byonna,
Okutu kwange kwabiwulira ne kubitegeera.
2 #
Yob 15:9
Bye mumanyi era nange mbimanyi:
Mmwe temunsinga.
3 #
Yob 13:15; 23:4 Mazima naayogera n'Omuyinza w'ebintu byonna,
Era njagala okuteesa ne Katonda.
4 #
Zab 119:69
Naye mmwe mugunja eby'obulimba,
Mmwenna muli basawo abataliiko kye bagasa.
5 #
Nge 17:28
Singa musirikidde ddala!
Lwe mwandibadde n'amagezi.
6Muwulire nno ensonga yange,
Mutege okutu eri okuwoza kw'emimwa gyange.
7Munaawolereza Katonda nga mwogera ebitali bya nsonga,
Era nga muleeta eby'obulimba?
8 #
Balam 6:31
Munaamutya kitiibwa?
Munaayomberera Katonda?
9 #
Bag 6:7
Kirungi ye okubakebera?
Oba ng'omuntu bw'alimba munne munaamulimba ye?
10Talirema kubanenya,
Bwe munaatya ekitiibwa mu kyama.
11 #
Yob 31:23
Obukulu bwe obusinga tebulibatiisa,
N'entiisa ye teribagwako?
12Ebigambo byammwe ebijjukirwa ngero za vvu,
Enkomera zammwe nkomera za ttaka.
13Musirike mundeke njogere,
Ebinaayagala okujja binjijire.
14 #
Balam 12:3
Kiki ekinaaba kintwaza omubiri gwange mu mannyo gange,
Ne nteeka obulamu bwange mu mukono gwange?
15 #
Yob 13:3; 14:14, Nge 14:32 Newakubadde ng'anzita era naye naamulindiriranga:
Era naye naakakasanga amakubo gange mu maaso ge.
16Era ekyo kye kinaabanga obulokozi bwange;
Kubanga omusajja atatya Katonda taatuukenga mu maaso ge.
17 #
Yob 21:2
Muwulire nnyo ebigambo byange,
N'ebyo bye njatula bibe mu matu gammwe.
18 #
Yob 23:4
Laba nno, ndiraanyizza ensonga yange;
Mmanyi nga ndi mutuukirivu.
19 #
Is 50:8
Ani anaawakana nange?
Kubanga kaakano naasirika ne nta omukka.
20 #
Lub 3:8
Kyokka tonkola bigambo bibiri,
Kale ne sseekweka amaaso go:
21 #
Yob 9:34
Nziyaako omukono gwo gumbeere wala;
So n'entiisa yo ereme okunkanga.
22 #
Yob 14:15
Kale koowoola ggwe nange naayitaba;
Oba leka njogere naawe onziremu.
23Obutali butuukirivu bwange n'ebibi byange byenkana wa obungi?
Ntegeeza okusobya kwange n'okwonoona kwange.
24 #
Ma 31:17, Yob 19:11; 33:10, Zab 44:24; 88:14 Okisiza ki amaaso go,
N'ompita omulabe wo?
25Onoococca essubi eritwalibwa empewo?
Era onooyigganya ebisasiro ebikaze?
26 #
Zab 25:7
Kubanga ompandiikira ebigambo eby'ekkabyo,
Era onsisa obutali butuukirivu obw'omu buto bwange:
27 #
Yob 10:14; 33:11 N'ebigere byange obisiba mu nvuba, era olamba amakubo gange gonna;
Okoloboza olukoloboze okwetooloola ebigere byange:
28Newakubadde nga nfaanana ekintu ekivundu ekiggwaawo,
Ekyambalo ekiriiriddwa ennyenje.
Currently Selected:
Yobu 13: LUG68
Highlight
Copy
Compare
Share
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.
