Yobu 14
14
1Omuntu azaalibwa omukazi
Wa nnaku si nnyingi, era ajjude abuyinike.
2 #
Yob 8:9; 17:7, Zab 90:6; 103:15; 109:23, Mub 6:12, Is 40:6,7, Yak 1:10, 1 Peet 1:24 Amulisa ng'ekimuli n'atemebwa:
Era adduka ng'ekisiikirize so tabeerera.
3 #
Zab 8:4; 143:2; 144:3 Naawe omuzibulira amaaso go afaanana bw'atyo,
N'ondeeta mu musango nze naawe?
4 #
Yob 15:14, Zab 51:5, Yok 3:6 Ani ayinza okuggya ekintu ekirongoofu mu kitali kirongoofu? tewali n'omu.
5 #
Yob 7:1; 21:21, Zab 39:4 Kubanga ennaku ze zaateesebwa,
omuwendo gw'emyezi gye guli naawe,
Era wamuteekerawo ensalo ze z'atayinza kusukkako;
6 #
Yob 7:1,19 Muggyeeko amaaso go awummule,
Okutuusa lw'alimala olunaku lwe ng'akolera empeera.
7Kubanga waliwo essuubi ery'omuti bwe gutemebwa nga guliroka nate,
Era ng'ettabi lyagwo etto teririfa.
8 #
Is 11:1
Ekikolo kyagwo newakubadde nga kikaddiwa mu ttaka,
N'ekikonge kyagwo ne kifiira mu nsi;
9Naye olw'akaloosa k'amazzi gulimulisa,
Ne gusuula amatabi ng'ekisimbe.
10 #
Yob 20:7
Naye omuntu afa era ayongobera:
Weewaawo, omuntu ata omukka, kale ali ludda wa?
11 #
Is 19:5
Ng'amazzi bwe gaggweerera mu nnyanja,
N'omugga nga bwe guggwaawo ne gukalira;
12 #
Zab 72:5; 89:29, Yok 11:11 Bw'atyo n'omuntu agalamira n'atayimuka:
Okutuusa eggulu lwe litalibaawo nate, tebalizuukuka,
So tebalizuukuzibwa mu tulo twabwe.
13 #
Yob 21:13, Is 26:20 Singa onkwese mu magombe,
Singa onkisa kyama okutuusa obusungu bwo lwe buliyita,
Singa onteekeddewo ekiseera ekiragiddwa, n'onjijukira!
14 #
Yob 7:1
Omuntu bw'afa aliba mulamu nate?
Nandirindiridde ne mmala ennaku zonna ez'olutabaalo lwange,
Okutuusa okuteebwa kwange lwe kwandizze.
15 #
Yob 10:3; 13:22 Wandimpise, nange nandikuyitabye:
Wandibadde n'okwegomba eri omulimu gw'emikono gyo.
16 #
Yob 31:4
Naye kaakano obala ebigere byange:
Tolabirira kwonoona kwange?
17 #
Ma 32:34, Kos 13:12 Okusobya kwange kuteekeddwako akabonero mu nsawo,
Era osibira ddala obutali butuukirivu bwange.
18 #
Yob 18:4, Is 34:4 Era mazima olusozi olugwa luggwaawo,
N'olwazi luggibwawo mu kifo kyalwo;
19Amazzi gasiriiza amayinja;
Okwanjaala kwago kufumbiikiriza enfuufu ey'oku nsi:
Era ozikiriza essuubi ery'omuntu.
20Ennaku zonna ng'omuwangula, n'ayitawo;
Owaanyisa amaaso ge n'omusindika.
21 #
Mub 9:5
Batabani be batuuka mu kitiibwa, ye nga takimanyi;
Bakkakkanyizibwa, naye ye nga tategeera bwe bali.
22Naye omubiri gwe oguli ku ye gulumwa,
N'emmeeme ye eri munda ye enakuwala.
Currently Selected:
Yobu 14: LUG68
Highlight
Copy
Compare
Share
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.
