Yobu 11
11
1Awo Zofali Omunaamasi n'addamu n'ayogera nti
2 #
Nge 10:19, Mub 5:3 Olufulube lw'ebigambo terugwana kuluddamu?
N'omuntu omwogeziyogezi agwana okumuwa obutuukirivu?
3Okwenyumiriza kwo kwandisirisizza abantu?
Era bw'oduula, tewaabeewo anaakukwasa ensonyi?
4 #
Yob 10:7
Kubanga oyogera nti Okuyigiriza kwange kulongoofu,
Nange ndi mulungi mu maaso go.
5Naye Katonda singa ayogedde,
N'ayasamya emimwa gye eri ggwe:
6 #
Ezer 9:13
Era singa akwolesezza ebyama eby'amagezi,
Nga ga ngeri nnyingi mu kukola okw'amaanyi!
Kale tegeera Katonda ng'akutaatira so si ng'obutali butuukirivu bwo bwe bwasaanira.
7 #
Yob 5:9, Zab 145:3, Mub 3:11; 8:17, Bar 11:33 Oyinza okulaba Katonda olw'okunoonya?
Oyinza okulaba Omuyinza w'ebintu byonna n'omumalayo?
8 #
Yob 22:12, Zab 139:8 Kyenkana eggulu obugulumivu; oyinza kukola ki?
Kisinga amagombe okugenda wansi; oyinza kumanya ki?
9Ekigero kyakwo kisinga ensi obuwanvu,
Era kisinga ennyanja obugazi.
10 #
Yob 9:12; 12:14 Bw'anaayitamu n'asiba abantu,
N'abayita okujja okusalirwa omusango, kale ani ayinza okumuziyiza?
11Kubanga amanyi abantu abataliiko kye bagasa:
Era alaba n'obutali butuukirivu newakubadde nga tabulowooza.
12Naye omuntu ataliiko ky'agasa talina kutegeera,
Weewaawo, abantu bazaalibwa ng'omwana w'entulege.
13 #
1 Sam 7:3, Zab 78:8; 88:9; 143:6 Bw'onooteekateekanga obulungi omutima gwo,
N'ogololanga emikono gyo eri ye;
14Obujeemu oba nga buli mu mukono gwo, buteekenga wala,
So n'obutali butuukirivu bulemenga okubeera mu weema zo;
15 #
Yob 22:26; 31:7, 2 Peet 3:14, 1 Yok 3:21 Kale toolemenga kuyimusa maaso go awatali bbala;
Weewaawo, onootereeranga so tootyenga:
16 #
Is 65:16, Yob 1:21, Is 41:20 Kubanga oneerabiranga ennaku ze walaba;
Onoozijjukiranga ng'amazzi agayiseewo:
17 #
Zab 37:6, Is 58:8,10 N'obulamu bwo bunaatangaalanga okusinga ettuntu;
Newakubadde nga waliwo ekizikiza, bunaabanga ng'obw'enkya.
18 #
Zab 4:8, Nge 3:24 Naawe onoobanga mirembe, kubanga essuubi weeriri;
Weewaawo, onoomagamaganga n'owummula mirembe.
19 #
Is 17:2, Zef 3:13 Era onoogalamiranga so tewaabenga anaakutiisanga;
Weewaawo, bangi abanaakwegayiriranga.
20 #
Yob 17:5, Yer 15:9 Naye amaaso g'ababi ganaggwangawo,
N'obuddukiro bunaababulanga,
N'essuubi lyabwe linaabanga kuta mukka.
Currently Selected:
Yobu 11: LUG68
Highlight
Copy
Compare
Share
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.
