Ekyabalamuzi 5
5
1 #
Kuv 15:1
Debola ne Balaki mutabani wa Abinoamu ne balyoka bayimba ku lunaku olwo nti
2 #
2 Byom 17:16
Kubanga abakulembeze baakulembera mu Isiraeri,
Kubanga abantu beegabula bokka nga baagala,
Mumwebaze Mukama.
3Muwulire, mmwe bakabaka; mutege amatu, mmwe abalangira;
Nze, nze, naayimbira Mukama;
Naayimba okutendereza Mukama, Katonda wa Isiraeri.
4 #
Ma 33:2, 2 Sam 22:8, Zab 18:7; 68:7,8; 77:18, Nak 1:5 Mukama, bwe wafuluma mu Seyiri,
Bwe wava mu nnimiro ya Edomu okutabaala,
Ensi n'ekankana, era n'eggulu ne litonnya,
Weewaawo, ebire ne bitonnya amazzi.
5 #
Kuv 19:18, Zab 97:5, Is 64:1,3 Ensozi ne zikulukutira mu maaso ga Mukama,
Weewaawo, era ne Sinaayi oli mu maaso ga Mukama, Katonda wa Isiraeri.
6 #
Balam 3:31; 4:17, Is 33:8 Mu mirembe gya Samugali mutabani wa Anasi,
Mu mirembe gya Yayeeri, enguudo tezaalimu bantu,
Abatambuze ne batambuliranga mu mpenda.
7Abafuga baggwaawo mu Isiraeri, baggwaawo,
Okutuusa nze Debola lwe nnabaawo.
Lwe nnabaawo nze omukadde mu Isiraeri.
8 #
1 Sam 13:19,22 Baalonda bakatonda abaggya;
Entalo ne ziryoka zibeera mu miryango:
Waalabika engabo oba kitala
Mu basajja bukumi buna mu Isiraeri?
9Omutima gwange gubalowooza abafuga Isiraeri,
Abeegabula bokka mu bantu nga baagala:
Mumwebaze Mukama.
10 #
Balam 10:4; 12:14, Zek 9:9 Mukyogereko, mmwe abeebagala ku ndogoyi enjeru,
Mmwe abatuula ku mikeeka emidalize,
Nammwe abatambula mu kkubo.
11Eddoboozi ly'abo abalasa obusaale nga libali wala, mu bifo mwe basenera amazzi,
Eyo gye balyatulira ebikolwa bya Mukama eby'obutuukirivu,
Ebikolwa bye eby'obutuukirivu ng'afugira mu Isiraeri.
Abantu ba Mukama ne balyoka baserengeta ne bagenda ku miryango.
12 #
Zab 68:18, Bef 4:8 Zuukuka, zuukuka, Debola;
Zuukuka, zuukuka, yatula oluyimba:
Golokoka, Balaki, oyise obusibe bwo nga busibiddwa, ggwe mutabani wa Abinoamu.
13Ne balyoka baserengeta ekitundu ky'abakungu n'eky'abantu ekyafikkawo;
Mukama yanserengetera okulwana n'ab'amaanyi.
14 #
Kubal 32:39,40, Yos 17:1, Balam 12:15, Balam 21:9,10 Mu Efulayimu ne muva abo abalina ekikolo kyabwe mu Amaleki;
Nga bakugoberera ggwe, Benyamini, mu bika byo;
Mu Makiri (ne muva) abafuga ne baserengeta,
Ne mu Zebbulooni abo abakwata omuggo gw'oyo asimba ennyiriri.
15 #
Balam 4:14
N'abalangira ba Isakaali baali wamu ne Debola;
Nga Isakaali bwe yali, ne Balaki bwe yali bw'atyo;
Baafubutuka mu kiwonvu (nga balinnya) mu bigere bye.
Awali enzizi za Lewubeeni
Waabaawo okuteesa kw'emitima okukulu.
16Kiki ekyakutuuza mu bisibo byo eby'endiga,
Okuwulira endere ze bafuuyira ebisibo?
Awali enzizi za Lewubeeni
Waabaawo okuteesa kw'emitima okukulu.
17 #
Yos 13:24-28
Gireyaadi yabeera emitala wa Yoludaani:
Ne Ddaani ekyamusigaza mu byombo kiki?
Aseri n'atuula ng'asirika ku mwalo gw'ennyanja,
N'abeera awali ebikono bye.
18 #
Balam 4:10
Zebbulooni be bantu abaagabula obulamu bwabwe okutuusa okufa,
Ne Nafutaali, mu bifo ebigulumivu eby'olutalo.
19 #
Yos 17:11, Balam 1:27, 2 Bassek 23:29,30 Bakabaka bajja ne balwana;
Awo nga lwe baalwana bakabaka ba Kanani,
Mu Taanaki ku mazzi ga Megiddo:
Tebaagoba magoba ga bintu.
20Ab'omu ggulu baalwana,
Emmunyeenye mu ŋŋendo zaazo zaalwana ne Sisera.
21 #
Balam 4:7
Omugga Kisoni gwabatwalira ddala,
Omugga ogwo ogw'edda, omugga Kisoni.
Ggwe obulamu bwange, tambula n'amaanyi.
22Ebinuulo by'embalaasi ne biryoka bisambirira
Olw'okubuuka, olw'okubuuka kw'ensolo zaabwe ez'amaanyi.
23 #
Balam 21:9,10 Mukolimire Merozi, bw'ayogera malayika wa Mukama,
Mukolimire nnyo abaatuula omwo;
Kubanga tebadduukirira Mukama,
Tebadduukirira Mukama awali ab'amaanyi.
24 #
Balam 4:17, Luk 1:42 Aliba n'omukisa Yayeeri okusinga abakazi,
Mukazi wa Keberi Omukeeni.
Aliba n'omukisa okusinga abakazi mu weema.
25 #
Balam 4:19
Yasaba amazzi, n'amuwa amata;
N'amuleetera omuzigo mu kibya eky'ekikungu.
26 #
Balam 4:21
Yakwasa omukono enkondo,
Yakwasa omukono gwe ogwa ddyo ennyondo ey'omukozi;
N'akubya Sisera ennyondo, yakomerera omutwe,
Weewaawo, yamufumita ekyenyi n'amuyisaamu.
27Ku bigere bye n'akutama n'agwa n'agalamira:
We yakutamira we yagwira ddala ng'afudde.
28Mu ddirisa yatunuulira n'ayogerera waggulu,
Nnyina Sisera yayogerera waggulu mu ddirisa
Nti Ekirwisizza eggaali lye okujja kiki?
Ebisinde by'eggaali lye ekibirabiriza kiki?
29Abakyala be ab'amagezi ne bamuddamu,
Weewaawo, ne yeddamu yekka
30 #
Kuv 15:9, Zab 68:12 Nti Tebalabye munyago, tebagugerese?
Buli musajja omuwala, abawala babiri;
Sisera omunyago ogw'amabala amangi,
Omunyago ogw'amabala amangi amadalize,
Amabala amangi amadalize eruuyi n'eruuyi, ku nsingo z'omunyago?
31 #
Kubal 10:35, Balam 3:11, Zab 19:5; 68:1,2; 83:9,10, Dan 12:3, Mat 13:43 Bwe batyo bazikirirenga abalabe bo bonna, ai Mukama:
Naye abo bonna abamwagala babe ng'enjuba bw'evaayo mu maanyi gaayo.
Ensi n'ewummulira emyaka amakumi ana.
Currently Selected:
Ekyabalamuzi 5: LUG68
Highlight
Copy
Compare
Share
Want to have your highlights saved across all your devices? Sign up or sign in
Luganda Bible 1968 Edition © United Bible Societies 1968, and British and Foreign Bible Society, London, England, 1954, 1967, 1972, 1994 and The Bible Society of Uganda, 2013.