Fweny 7
7
Jo-Israel alufu mia achiel gi piero ang’wen gang’wen (144,000)
1 #
Jer 49.36; Dan 7.2; Zek 6.5. Bang’ wechego ne aneno malaika ang’wen kochung’ e tunge ang’wen mag piny. Ne gimako yembe ang’wen mag piny, mondo yamo kik kudhi e piny, kata e nam, kaka kuom yath moro. 2Eka ne aneno malaika machielo kawuok yo wuok chieng’, koting’o gima igoyogo alama mar Nyasaye mangima. Nokok matek ni malaika ang’wen mane osemi teko mondo ohiny piny kod nam, 3#Ezek 9.4, 6.kokwerogi niya, “Kik uhiny piny, kata nam, kata yien, nyaka chop waket kido e lela wang’ jotich Nyasachwa.” 4Bang’ mano, ne awinjo kar romb joma ne oketnigi kidono. Ne giromo ji alufu mia achiel gi piero ang’wen gang’wen, (144,000) mowuok e dhout jo-Israel duto.
5E dhood Juda ji mane oket kido kuomgi ne alufu apar gariyo.
E dhood Reuben ji alufu apar gariyo.
E dhood Gad ji alufu apar gariyo
6E dhood Asher ji alufu apar gariyo.
E dhood Naftali ji alufu apar gariyo.
E dhood Manase ji alufu apar gariyo.
7E dhood Simeon ji alufu apar gariyo.
E dhood Lawi ji alufu apar gariyo.
E dhood Isakar ji alufu apar gariyo.
8E dhood Zebulun ji alufu apar gariyo.
E dhood Josef ji alufu apar gariyo.
E dhood Benjamin ji alufu apar gariyo.
Oganda maduong’
9Bang’ mano, ne ang’icho mi aneno ji mang’eny mokadho akwana moa e pinje duto gi dhoudi duto kod ogendini duto. Ne gichung’ e nyim kom duong’, kendo e nyim Nyarombo, ka girwakore gi lewni marachere, kendo giting’o othidhe e lwetgi. 10Ne gikok matek niya,
“Warruok oa kuom Nyasachwa mobet e kom duong’,
kendo oa kuom Nyarombo.”
11Eka malaika duto nochung’ koluoro kom duong’ gi jodongo kod gik mangima ang’wen-go, mi okulore piny nyaka e lowo e nyim kom duong’, mi gilamo Nyasaye, 12ka giwacho niya, “Amin! Pak gi duong’ gi rieko gi erokamano gi pwoch gi teko kod nyalo obed ni Nyasachwa nyaka chieng’! Amin!”
13Eka achiel kuom jodongo nopenja niya, “Joma orwako lewni maracheregi gin ng’a gini, to gia kune?” 14#Dan 12.1; Math 24.21; Mar 13.19.To ne adwoke ni, “Jaduong’, in ema ing’eyo.” Eka ne owachona niya, “Magi e joma oseneno Sand Maduong’. Giselwoko lepgi e remb Nyarombo, mi gimiyo odoko marachere. 15Mano emomiyo gin e nyim kom duong’ mar Nyasaye, ka gilame odiechieng’ gotieno e Hekalune, kendo Jal mobet e kom duong’ biro dak kodgi. 16#Isa 49.10.Kech ok nochak okagi, kendo riyo ok nochak ologi, bende liet mar wang’chieng’ ok nowang’gi, 17#Zab 23.1; Ezek 34.23; Zab 23.2; Isa 49.10; Isa 25.8.nikech Nyarombo manie dier kom duong’ tir nobed jakwadhgi. Notelnigi e sokni mag pi ngima, kendo Nyasaye noywe pi wang’gi duto.”
Currently Selected:
Fweny 7: DHO15
Highlight
Copy
Compare
Share
Want to have your highlights saved across all your devices? Sign up or sign in
Dholuo DC Bible © Bible Society of Kenya and Bible Society of Tanzania, 1976.
