Fweny 6

Nyarombo oketho kido abiriyo modin-go kitabu

1Bang’ mano ne aneno ka Nyarombo ketho kido achiel kuom kido abiriyo modin-go kitabu, mi awinjo ka achiel kuom gik mangima ang’wengo wacho gi dwol machalo mor polo niya, “Bi” 2#Zek 1.8; 6.3, 6.Eka ne ang’icho mi aneno faras marachar. Ng’at moidhe noting’o atung’, kendo ne osidhne osimbo, mi nowuok kaka jalocho madhi mondo olochi.

3Kane Nyarombo oketho kido mar ariyo, ne awinjo gima ngima mar ariyo kawacho niya, “Bi!” 4#Zek 1.8; 6.2.Eka faras machielo ma silwal nowuok. To ng’at moidhe nomi teko mar kelo lweny e piny, mondo ji onegre, kendo ne omiye ligangla maduong’!

5 # Zek 6.2, 6. Bang’ mano Nyarombo noketho kido mar adek, kendo ne awinjo gima ngima mar adek kawacho ni, “Bi!” Ne ang’icho mi aneno faras marateng’. Ng’at moidhe noting’o rapim mar ratil e lwete. 6Eka ne awinjo gimoro machalo gi dwol kawuok e dier gik mangima ang’wen-go kawacho niya, “Ogudu mar bel koro nengone romo pok jatich kuom odiechieng’ achiel, kendo ogute adek mag oduma bende nengone mana kamano! To nengo mor zeituni gi divai to kik imedi.”

7To kane Nyarombo oketho kido mar ang’wen, ne awinjo dwond gima ngima mar ang’wen kawacho niya, “Bi!” 8#Ezek 14.21.Eka ne ang’icho mi aneno faras marabuor. Nying ng’at moidhe ne Tho, to Piny Joma Otho ne luwo machiegni. Ne omigi teko kuom bath piny moromo achiel kuom ang’wen, mondo gimi lweny kata kech kata tuoche kata ondiegi maricho mae piny oneg ji.

9Kane Nyarombo oketho kido mar abich, ne aneno chuny jomoko e bwo kendo-mar-misango. Ne gin joma ne osenegi nikech Wach Nyasaye, kendo nikech ne gisiko ka gihulo ni giyie kuome. 10Ne gikok matek niya, “Yaye, Ruoth Maler kendo Maradiera! Nyaka karang’o mapod ibiro bet ka ok ing’adoe bura ni joma odak e piny, kichulo kuor kuom rembwa?” 11Eka ne omigi law marachar ng’ato ka ng’ato, kendo ne owachnigi ni mondo gimed yueyo mondi matin nyaka chop kar romb jotich wetegi kod owetegi mane ibiro nego kaka gin, rom.

12 # Fweny 11.13; 16.18; Isa 13.10; Joel 2.10, 31; 3.15; Math 24.29; Mar 13.24, 25; Luka 21.25. Eka ne ang’icho, kendo kane Nyarombo oketho kido mar auchiel, to piny noyiengni matek. Wang’chieng’ nolokore marateng’ ti, kendo due nolokore makwar ka remo. 13#Isa 34.4.Sulue mae polo nolwar piny mana kaka ng’owo mapok ochiek lwar ka yamo makudho matek ouko. 14#Fweny 16.20.Polo noban ka kalatas, mi olal nono, kendo gode gi chulni duto nogol oa kuonde ma gintie. 15#Isa 2.19, 21.Eka ruodhi mag piny, gi ji madongodongo, gi jotelo mag lweny, gi jomwandu, kod joma rateke, kaachiel gi wasumbini kod joma ni thuolo duto, nopondo e buche kendo e bwo lwendni mag gode. 16#Hos 10.8; Luka 23.30.Ne giwacho ni gode gi lwendnigo niya, “Ruombreuru kuomwa, mondo ugeng’wa kuom wang’ Jal mobet e kom duong’ kendo kuom mirima mager mar Nyarombo, 17#Joel 2.11; Mal 3.2.nikech chieng’ maduong’ mar mirimbgi mager osechopo! To ere ng’ama disir mirima ma kamano?”

Currently Selected:

Fweny 6: DHO15

Highlight

Copy

Compare