Mathayo 10

Yesu oyiero jootene apar gariyo

(Mariko 3.13-19; Luka 6.12-16)

1Yesu noluongo jopuonjrene apar gariyo, mi omiyo teko mar golo jochiende, kendo mar chango tuoche duto mopogore opogore. 2Jopuonjre apar gariyogo e magi: Mokwongo en Simon, ma bende iluongo ni Petro, gi Andrea owadgi, kod Jakobo gi Johana, ma yawuot Zebedi, 3gi Filipo, gi Bartholomayo, gi Thoma, kod Mathayo ma jasol osuru, gi Jakobo wuod Alfayo, gi Thadayo, 4gi Simon ma jakedo ne piny, kod Judas Iskariot, mane ondhogo Yesu.

Yesu ooro jootene apar gariyo

(Mariko 6.7-13; Luka 9.1-6)

5Yesu nooro joote apar gariyogo, kowachonigi niya, “Kik udhi e piny joma ok jo-Yahudi, bende kik udonj e dala jo-Samaria moro amora, 6to dhiuru mana kuom jo-Israel molal ka rombe. 7Kamoro amora mudhiye, to landieuru wach niya, ‘Loch Polo chiegni!’ 8To bende changuru joma tuo, kendo chieruru joma otho, bende puodhuru jodhoho, kendo goluru jochiende. To kaka useyudo nono bende chiwuru nono. 9Kik uting’ pesa matin e mifukeu. 10#1 Kor 9.14; 1 Timo 5.18.Bende kik uting’ mifuke mag wuoth kata sede ariyo, kata wuoche, kata luth, nikech jatich owinjore gi chiembe.

11“To kudonjo e dala moro, bed ni oduong’ kata otin, to ranguru ng’at moyie rwakou, mondo ubed e ode nyaka ua. 12Ka udonjo e odno, to mosuru joodno ni, ‘Okueuru!’ 13Ka weg odno orwakou, to kue mugwedhogigo mondo osik kanyo. To ka ok girwakou to kue mondo oduognu. 14#Joote 13.51.To ka ng’ato ok orwakou kata otamore winjo wecheu, to teng’uru buch tiendu ka uwuok e ode kata e dalane. 15#Math 11.24; Chak 19.24-28.#Luka 10.4-12.Awachonu adier ni, Chieng’ Bura, to Nyasaye nokum jodalano malit moloyo kaka nokum jo-Sodom gi jo-Gomora.

Sand ma ibiro sandogo jopuonjre Yesu

(Mariko 13.9-13; Luka 21.12-17)

16 # Luka 10.3. “Winjuru! Aorou mana ka rombe madhi e dier ondiegi. Emomiyo beduru mariek ka thuol, kendo beduru mamuol ka akuru. 17#Mar 13.9-11; Luka 12.11, 12; 21.12-15.To beduru motang’ ni ji, nimar ginimaku mi yalu e bura, kendo ginichwadu e utgi mag lemo. 18Noteru e nyim jotelo, kendo e nyim ruodhi nikech an, mi unuland Wach Maber ni jogo, kendo ni joma ok jo-Yahudi. 19To ka gimakou to kik uparru gi weche ma duwachi, nikech ka kinde ma kamano ochopo, to nomiu gima onego uwachi, 20Nimar weche mubiro wacho ok nobed mau, to ginibed mag Roho mar Wuonu.

21 # Mar 13.12; Luka 21.16. “Ng’ato nondhog owadgi mondo onegi, kendo wuone nondhog nyithindgi. Nyithindo bende nolokre gi jonywolgi mi chiwgi mondo oneggi. 22#Math 24.9; Mar 13.13; Luka 21.17; Math 24.13; Mar 13.13.Ji duto nobed mamon kodu nikech an, to ng’ama otimo kinda nyaka giko ema nokwo. 23Ka gisandou e dala moro, ro ringuru udhi e dala machielo, nikech awachonu adier ni ok unutiek tiju e piny Israel duto, kapok Wuod Dhano obiro.

24 # Luka 6.40; Joh 13.16; 15.20. “Japuonjre ok duong’ moloyo japuonjne. Misumba bende ok duong’ moloyo ruodhe. 25#Math 9.34; 12.24; Mar 3.22; Luka 11.15.Ber mondo japuonjre obed marom gi japuonjne, kendo misumba bende obed marom gi ruodhe. Ka ji luongo wuon dala ni ruodh jochiende, jo dalane to koro digiyany marom nade!

Ng’at monego ji luor

(Luka 12.2-9)

26 # Mar 4.22; Luka 8.17. “To kik uluor ji, nimar onge gimoro amora mopandi ma ok nong’ere achien kendo onge wach moro maling’ling’ ma ok nofwenyre. 27Gima awachonu e mudho, wachuru e lela, kendo gima okuodhnu e itu, to huluru ratiro. 28Kik uluor joma nego mana ringruok kende, to ok nyal nego chuny. To luoruru Jal ma nyalo tieko chuny kaachiel gi ringruok e mach mak rum. 29Oyundi ariyo donge ing’iewo otonglo achiel kende? To kata kamano, onge kata achiel kuomgi manyalo lwar piny mak Wuonu ong’eyo. 30To un kata mana yie wiu duto bende osekwan! 31Kuom mano, kik ubed maluor, nikech un uloyo oyundi ndalo mang’eny.

32“Ng’ato ang’ata mohulo ni en ng’ata e nyim ji, an bende nahul ni en ng’ata e nyim Wuora mae polo. 33#2 Timo 2.12.To ng’at ma okweda e nyim ji an bende anakwede e nyim Wuora mae polo.

Wach Yesu okelo pogruok

(Luka 12.51-53; 14.26-27)

34“Kik ugal ni asebiro mondo akel kue e piny. Ooyo, asebiro mana ni mondo akel lweny. 35#Mika 7.6.Asebiro mondo athuw ng’ato gi wuon mare, kendo athuw nyako gi min mare, bende mondo athuw chi wuowi gi wuon odgi. 36Kamano wasik ng’ato nobed mana joodgi. 37Ka ng’ato ohero wuon kata min gi hera matut moloyo hera moherago, to ok oromo bedo ng’ata. Kata ka ng’ato ohero wuode kata nyare moloyo kaka ohera to en bende ok oromo bedo ng’ata. 38#Math 16.24; Mar 8.34; Luka 9.23.Ng’at ma ok okawo msalape, kendo oluwa, to ok oromo bedo ng’ata. 39#Math 16.25; Mar 8.35; Luka 9.24; 17.33; Joh 12.25.Ng’at mohero ngimane, to ngimane nolalne. To ngat mowito ngimane nikech an, to noyud ngimane.

Yesu opuonjo kuom wach pok (Mariko 9.41)

40 # Luka 10.16; Joh 13.20; Mar 9.37; Luka 9.48. “Ng’at morwakou, to orwako mana an, kendo ng’at morwaka to orwako mana Jal mane oora. 41Ka ng’ato orwako janabi nikech janabino en jaote Nyasaye, to noyud pok ma janabi yudo, kendo ng’at morwako ng’at makare nikech en ng’at makare, noyud pok ma ng’at makare yudo. 42Adier awachonu ni, ng’at momiyo japuonjrena moro matinie moloyo kata mana pi mang’ich omodho nikech ng’atno en japuonjrena, noyud pokne maonge kiawa.”

Currently Selected:

Mathayo 10: DHO15

Highlight

Compare

Copy