Isaya 11
11
Loch makare mar Nyakwar Jesse
1 #
Fweny 5.5; 22.16. Bang’e nyakwar Jesse moro nowuogi,
mana ka bad yath maloth.
2Roho mar Ruoth Nyasaye nobi kuome.
En Roho makelo rieko gi ng’eyo,
kendo ma ng’ado ni ji rieko, kendo miyo ji teko,
bende en Roho ma puonjo ji luoro Nyasaye.
3Ok nong’ad bura mana nikech gima oneno,
bende ok nochiw parone mana nikech gima owinjo.
4 #
2 Thes 2.8. To nong’ad bura gi adiera ni joma odhier,
kendo nochwak joma muol kaka owinjore.
Dhoge ema nobed luth mogoyogo joma timbegi mono.
Ee, wachne ema noneggo joricho.
5 #
Efes 6.14. Tim makare kod adiera nobed ka okanda motueyo e nungone,
kendo adiera e misip ma notuego dende.
6 #
Isa 65.25. E ndalo lochne, otoyo nodag kaachiel gi rombe.
Kwach bende nonind kaachiel gi diek,
kendo nyaroya kod nyithi sibuor nodongi kaachiel,
ma kata mana nyathi matin nokwagi akwaya.
7Dhiang’ gi ondiek nobed osiepe,
kendo nyithindgi nonind kanyakla.
Sibuor nocham lum ka dhiang’,
8kendo nyathi madhoth notug e dho bur thuond rai,
bende rawera noso lwete asoya e bur thuond hu.
9 #
Hab 2.14. Onge gima nohiny ng’ato,
kata ma noketh gimoro e gode maler duto,
nimar joma ong’eyo Ruoth Nyasaye nopong’ piny,
mana ka pi mopong’o nam.
10 #
Rumi 15.12. E ndalogo, nyakwar Jesseno noketi ka ranyisi ni ji.
Ogendini nobi ire, kendo dalane nobed gi duong.
Okor ni jo-Israel manok modong’ nodog thurgi
11E kindego, Ruoth Nyasaye norie bade mondo odwok joge manok modong’ mapod Asuria gi Misri ma nyandwat kod ma milambo gi ma Ethiopia gi Elam, gi Babulon gi Hamath, kod mag pinje manie dhonam.
12Eka enoting’ bandera malo mondo obed ranyisi ni ogendini,
mi ochok jo-Israel mane oriemb e pinygi,
kendo ochok jo-Juda moke, kogolo e tung’ piny gi tung’ piny.
13Nyiego mar jo-Israel nolal nono,
kendo sadha mar jo-Juda norum.
Adier, nyiego ok nomak jo-Israel gi jo-Juda,
kendo jo-Juda ok nobed wasik jo-Israel.
14Ginimonj jo-Filistia yo podho chieng’,
kendo giniriwre kaachiel, mi giyak jo yo wuok chieng,
kamano ginikaw piny Edom gi piny Moab,
kendo jo-Amon bende nobed e bwogi.
15 #
Fweny 16.12. Ruoth Nyasaye nomi Nam Makwar duon,
eka norie lwete e aora Yufrate,
mi okel yamo maliet ma opoggo aorano dibiriyo,
mondo ji ong’ade ka otwo.
16Kamano ndara nobedie ni jo-Ruoth Nyasaye manok,
modong’ kuom joma ne oter Asuria
mana kaka ndara nobetie ni jo-Israel kawuok Misri.
Currently Selected:
Isaya 11: DHO15
Highlight
Copy
Compare
Share
Want to have your highlights saved across all your devices? Sign up or sign in
Dholuo DC Bible © Bible Society of Kenya and Bible Society of Tanzania, 1976.
