Popular Bible Verses from Isaya 11

Share

Roho mar Ruoth Nyasaye nobi kuome. En Roho makelo rieko gi ng’eyo, kendo ma ng’ado ni ji rieko, kendo miyo ji teko, bende en Roho ma puonjo ji luoro Nyasaye. Ok nong’ad bura mana nikech gima oneno, bende ok nochiw parone mana nikech gima owinjo.

Bang’e nyakwar Jesse moro nowuogi, mana ka bad yath maloth.

To nong’ad bura gi adiera ni joma odhier, kendo nochwak joma muol kaka owinjore. Dhoge ema nobed luth mogoyogo joma timbegi mono. Ee, wachne ema noneggo joricho.

Tim makare kod adiera nobed ka okanda motueyo e nungone, kendo adiera e misip ma notuego dende.

Onge gima nohiny ng’ato, kata ma noketh gimoro e gode maler duto, nimar joma ong’eyo Ruoth Nyasaye nopong’ piny, mana ka pi mopong’o nam.

E ndalo lochne, otoyo nodag kaachiel gi rombe. Kwach bende nonind kaachiel gi diek, kendo nyaroya kod nyithi sibuor nodongi kaachiel, ma kata mana nyathi matin nokwagi akwaya.

E ndalogo, nyakwar Jesseno noketi ka ranyisi ni ji. Ogendini nobi ire, kendo dalane nobed gi duong.