Ezekiel 1

Janabi Ezekiel oneno duong’ maler mar Nyasaye e fweny

1 # Fweny 19.11. Due abich, due mar ang’wen e higa mar piero adek, kane adak e bath aora Kebar kaachiel gi jo-Yahudi mane oter e tuech, polo ne oyawore, mi Nyasaye ofwenyorena. 2#2 Ruo 24.10-16; 2 W.Nda 36.9, 10.(Ne en due abich mar dueno, kane ruoth Jehoyachin osetieko higni abich e tuech, 3ema ne wach Ruoth Nyasaye obiroe ni Ezekiel wuod Buzi jadolo, ka en e piny Babulon e bath aora Kebar, mi owinjo ka teko Ruoth Nyasaye olor kuome.)

4An Ezekiel, ne ating’o wang’a, mi aneno yamb ahiti ka kudho koa yo nyandwat. Bende ne aneno bor polo maduong’ kod mach mamil aruya gi ler mokwake koni gi koni, to e dier majno ne nitie gimori marieny ka mula. 5#Fweny 4.6.Bende ne aneno gik moko mangima ang’wen e iye, machalo gi dhano, 6mak mana ni moro ka moro ne nigi lela wenge ang’wen kod buombe ang’wen. 7Tiendegi ne oriere tir, kendo ombong’gi ne chalo gi ombong’ nyaroya, to mil ka mula moywe. 8E bwo bwomb moro ka moro ne nitie lwedo machalo lwet dhano. Gigo duto kargi ang’wen ne nigi lela wenge kod buombe machal kama: 9buombe ariyo mag moro ka moro noyarore, kamulo buomb jowetene koni gi koni. Kane gihuyo, to gidhi adhiya kaachiel, ma ok gilokore.

10 # Ezek 10.14; Fweny 4.7. Moro ka moro ne nigi lela wenge ang’wen. Lela wang; ma nyime ne chalo gi lela wang dhano, to lela wang’ ma kor achwich ne chalo gi lela wang’ sibuor. To e bathe koracham ne nitie lela wang’ machalo gi mar rwath, to yoka ng’eye ne nitie moro machalo gi mar ongo. 11Moro ka moro nosiko koyaro buombene ariyo, komulogo buombe jowetene koni gi koni, to ariyo mamoko noumogo dende. 12Kaka ne gin gi lela wenge ang’wen moro ka moro, ne ginyalo huyo ka gichomo kamoro amora ma roho dwaro dhiye ma ok gilokore kata matin. 13#Fweny 4.5.Ne nenore kagima mach mar mirni kata kar meny rieny e kindgi, karingo koni gi koni. Ne en mach mang’ang’ni, kendo polo ne mil e iye. 14Gik mangimago bende ne ringo koni gi koni ka mil polo.

15 # Ezek 10.9-13. Kane arango gik mangima ang’wen-go, ne aneno tiende molworore ka mag gari, mochung’ e bath moro ka moro. 16Tiendego ne rieny ka kidi ma nengone tek, kendo giduto ne gichalre. Nolosgi ariyo ariyo ka moro ka moro ochung’ ei wadgi ariwa. 17Kamano kane gidhi kamoro to gidhi adhiya mak gilokore. 18#Fweny 4.8.Tiende ang’wen-go ne nigi murudumbe madongo malich ma wenge man gi teko mar neno opong’o.

19Kane gik mangimago wuotho, to tiendego bende wuotho e bathgi, kendo kane gidum gia e lowo, to tiendego bende dum. 20Ne gidhi mana kuma roho dwaro dhiye, kendo tiendego bende ne dhi kodgi, nimar roho mane nie gik mangimago ema bende ne nie tiendego. 21Kane gik mangimago wuotho, kata ka gichung’, kata ka gidum gia e lowo, to tiendego bende ne timo mana kaka gitimo, nimar gik mangimago ema ne chiko tiendego.

22 # Fweny 4.6. Ewi gik mangimago malo ne nitie gimoro malich moyarore, ma mil mana ka pe mopedhore. 23To buombe ariyo mag gik mangimago ne oyarore e bwo gino, ka moro ka moro mulo buomb jowetene koni gi koni, to buombene ariyo mamoko oumo dende.

24 # Fweny 1.4-15; 19.6. Bende kane gihuyo ne awinjo ka buombegi kwadhore matek, machalo mana nam maduong’ ma wuo, kata jolweny mang’eny magoyo mahu, kata dwond Nyasaye Manyalo Gik Moko Duto. Kane gichung’ to buombegi ne lor piny, 25to koko ne pod winjore awinja ewi gima oyarore cha.

26 # Ezek 10.1; Fweny 4.2, 3. Ewi gino ne nitie gimoro machalo gi kom duong’ molos gi kidi ma nengone tek, to gimoro machalo gi dhano nobet kuome. 27#Ezek 8.2.Gima nobet e komno ne rieny ka mula molut e mach, chakre tiende nyaka wiye, kendo ler mang’angni nolwore koni gi koni. 28To lerno ne nigi kido duto machalo gi kit lihudu manie kor polo ka koth chue. Mano e kaka duong’ maler mar Ruoth Nyasaye ne chalo!

Currently Selected:

Ezekiel 1: DHO15

Highlight

Copy

Compare