3 Johana 1
1
1 #
Joote 19.29; Rumi 16.23; 1 Kor 1.14. An jaduong’, andikoni in Gayo, osiepna ma ahero gi hera maradier. 2Osiepna, akwayo Nyasaye ni mondo idhi maber e yore duto, kendo ibed mangima e ringri mana kaka ang’eyo ni ingima e chunyi bende. 3Ne abedo mamor ahinya kane owete moko obiro, mowacho kaka isiko kuom adiera, kendo kaka iwuotho e ngima mar adiera. 4Onge gima miya mor moloyo ka awinjo ni nyithinda wuotho e adiera.
Johana opako Gayo
5Osiepna, in jaadiera kuom gimoro amora mitimo ni owete, kata ka gin joma welo. 6Gisewuoyo kuom heranino e nyim kanyakla mar jo-Kristo man ka. Yie ikonygi e wuodhgi, kikowogi e yo malong’o ni Nyasaye mwatiyone, 7nimar ne giwuok gidhi e tich Kristo, ma ok giyie kawo kony moro amora kuom joma ok oyie. 8Omiyo wan jo-Kristo onego wakony joma kamago mondo wanywak kodgi tich mar lando adiera.
Wach Diotrefe gi Demetrio
9Ne andiko ni jo-Kristo muchokorugo, to Diotrefe, madwaro bet jatendgi, notamore winjo gima wawacho. 10Omiyo ka abiro to anael gik ma otimo e lela, kaka ohangowa gi weche mamono maricho. To ewi mago duto, otamore rwako owete bende, to ok mano kende, to bende otamo joma dwaro timo kamano e kanyakla mar jo-Kristo.
11Osiepna, kik iluw tim marach, to luw tim maber. Ng’at matimo maber en ng’at Nyasaye, to ng’at matimo marach, to pok oneno Nyasaye.
12Ji duto wuoyo maber kuom Demetrio. Adiera lilo ema wachore kuome. Wan bende wayie ni timbene beyo kendo ing’eyo ni gima wawacho en adier.
Mos mogik
13An gi weche mathoth ma adwaro nyisi, to kata kamano ok adwar ndikogi e barua. 14To ageno ni abiro neni machiegni mondo walos wang’ gi wang’.
15Kue obed kodi.
Osiepewa duto omosi. In bende mosnwa osiepewa achiel achiel.
Currently Selected:
3 Johana 1: DHO15
Highlight
Copy
Compare
Share
Want to have your highlights saved across all your devices? Sign up or sign in
Dholuo DC Bible © Bible Society of Kenya and Bible Society of Tanzania, 1976.