2 Johana 1
1
1An jaduong’, andikoni in Minwa#1.1 vv.1, 13 — Nenore ni “Minwa” gi “Nyameru” ma Johana wuoyo kuomgigo gin kanyakla ariyo mag jo-Kristo. ma Nyasaye oyiero, kendo andiko ni nyithindi ma ahero adier. Ok an kenda ema aheri to ji duto moseng’eyo adiera bende oheri, 2nikech adiera manie iwa, kendo ma osiko kodwa nyaka chieng’. 3Ng’wono gi miwafu kod kue moa kuom Nyasaye Wuoro gi Yesu Kristo Wuod Wuoro nobed kodwa e adiera.
Adiera kod hera
4Ne amor ahinya kane ayudo ni nyithindo moko wuotho e adiera, ka giluwo chik mane wayudo kuom Wuoro, 5#Joh 13.34; 15.12, 17.omiyo koro Minwa, akwayi ni mondo ng’ato ka ng’ato kwomwa oher wadgi. Gima andikoni ok en chik manyien, to en chik ma wasebedogo nyaka a chakruok. 6To hera ma awuoyo kuomeni dwaro ni mondo wawuothi kaka chik Nyasaye dwaro. En e chik achiel ma usewinjo a chakruok, ni, “Daguru e hera.”
7Jowuond mathoth osewuok e piny. Gin e jogo ma ok oyie ni Yesu Kristo nobiro kaka dhano. Ng’at ma kamano en jawuond, kendo en Jasik Kristo. 8Ritreuru mondo kik gima usetiyone lalnu, to uyud poku duto.
9Ng’at makalo tong’, kendo ok sik e puonj Kristo ok nigi Nyasaye. To ng’at mosiko e puonj Kristo nigi Wuoro, kaachiel gi Wuowi. 10Ka ng’ato obiro iru ma ok okelo puonj Kristo, to kik urwake e uteu, kata mana mos kik umose, 11nimar ng’at momose, bende oriwore kode e timbene maricho.
Weche mogik
12Kata obedo ni an gi weche mathoth ma adwaro nyisou, to ok abi ndikogi e barua, to ageno ni abiro biro iru mondo alos kodu wang’ gi wang’, mondo waduto wabed mamor kaachiel.
13Nyithind Nyameru,#1.13 vv.1, 13 — Nenore ni “Minwa” gi “Nyameru” ma Johana wuoyo kuomgigo gin kanyakla ariyo mag jo-Kristo. ma bende Nyasaye oyiero, omosi.
Currently Selected:
2 Johana 1: DHO15
Highlight
Copy
Compare
Share
Want to have your highlights saved across all your devices? Sign up or sign in
Dholuo DC Bible © Bible Society of Kenya and Bible Society of Tanzania, 1976.
