Taasipane 34
34
Tamagiagisane ki kadaengane Kanange
1Ku Tamatama wacunu ki Musi 2malra kikai si pelaela ki swa Iseraylri; amia kai, “Lu mudaanenga numi kwini ki baaili numiane kavai kadaengane Kanange, ku lapagiagisane numi miyaiya kai, 3Ku tali lrawdru twalai Zingi calragulragu si luludu pagiagisane Idume katwase, kwini twalai kwini ki tali talrawane ki tali lrawdru ki Titimwane ka laveke pathagili, 4la ngibangulu papia kwini ki salralriwgu kavai Akerabime, la ngukakai Zingi, kadringeelrese daruru tali lrawdru daruru kavai Kadise Barania, ala katwase papia tali dradha ki sapakalriwgu daruru kavai Hazare Adare, ala daruru Azemunge, 5la twalai kwini ngibangulu papia kwini valrwalru ki pagiagisane Izipiti, pakela kwini laveke Miditerania.
6“Ku tali sapakalriwgu ku pagisane amani kwini laveke Miditerania.
7“Ku tali dradha ku pagisane twalai laveke Miditerania daruru lregelrege Hurebe, 8ala daruru kavai salralriwgu Hamathe, la pacungulwana daruru Zidada si 9Ziperunge, la daruru Hazare Inange la palikai.
10“Ku tali talrawane ku pagisane twalai Hazare Inange daruru Sepame. 11Ala katwase papia tali lrawdru daruru Ribela ka tali talrawane ki Aingi, ala daruru kwini lrelrelrege ka tali talrawane baiyu Galrilri, 12ala luludu ki kadravane Yuredange si papulrawlrawdru daruru ki Titimwane ka laveke.
“Ala amani kikai ku pagiagisane ngithalringulu ki kadaengane numi.”
13Ku Musi ala kawriva ki swa Iseraylri iya kai, “Ala amani kikai ku lrika kuzibiki numi si kidrulru ku kadaengane, kamani ku Tamatama ka apadrudrulru baai numiane ka taibangate si pararamau ka zuku. 14Ku zuku ki Riwbingi, Gade ka taidrusa ka zuku si pararamau ka zuku ki Manase wamalranga ku cungulu lini, singikai ki daane lini kidrulru, 15ikai tali talrawane kadravane Yuredange ka balrealreanane Yeriku.”
Marasiakai apadrudrulru ku kadaengane ka latarasangililuku
16Ku Tamatama kawariva ki Musi, 17“Kwini barakalai ka Ilriazare si lalake ki Nunge ka Yesua lri padrudrulru ki mapapangale kwini kadaengane. 18Ki lazuku lri sikawlu ku tangea kulri paralubu liniane.” 19-28Kikai lebe amani ku pilri ki Tamatama arakai liniane:
Swa Yuda: Kalebe ka lalake ki Yepuni.
Swa Simiune: Semuile ka lalake ki Amihude.
Swa Biniyamingi: Ilridade ka lalake ki Kiselunge.
Swa Dange: Buki ka lalake ki Yugile.
Swa Manase ka lagagane ki Yusepe: Hanile ka lalake ki Ipude.
Swa Iparaime: Kemuele ka lalake ki Sipetange.
Swa Zibulungu: Ilrizapane ka lalake ki Parenake.
Swa Isakare: Paletile ka lalake ki Azane.
Swa Asere: Ahihude ka lalake ki Selumi.
Swa Napetali: Pedahele ka lalake ki Amipude.
29Kikai belenge ka laumawmase amani ku sunagane ki Tamatama ka lri pasikai ki swa Iseraylri padrudrulru ku kadaengane ki swa Kanange.
Currently Selected:
Taasipane 34: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
