Lrivi 3
3
Kakudhane ki Sulivatane ka lrisi
1Lwiyasi la ikai ku umawmase ku lri patarumara ku Sulivatane ka lrisi, lri tara pilri ku kadrwa ku takatumanane ku sawvalai ka lwange ku tina ka lwange, la iluku pucucubungu ki Tamatama. 2Ku alrima ki lasu lri pubelenge ki awlru ki sapatarumarane, ikai ki lrawlrawdru ki Alrivilrivi ka balrawbau culu kwini ki lwange, ku ngwakai ki Arungugu ka barakalai lri malra ku erai ki sapatarumarane paralikiliki thalringulu ki tapatarumaramarane; 3-4kwi lasu lri malra kilakikai, amani kwini yatali adringi si yatali belenge ka lamace, drusa ka pede si lamace ki pede si takatharirane ki athai gelregelre, si lama patarumara ki Tamatama tu Sulivatane ka lrisi. 5Ku barakalai lri malra kikai pubelenge ki tapatarumaramarane, paelre ki Lama ka lrisi patarumara. Kikai tasangulremane ki Apwi ka lrisi amani ku kiragai ki Tamatama.
6Lwiyasi ikai ku lri patarumara ku nikiubawbalane ka kiu ku kakiuane baai ki Tamatama tu Sulivatane ka lrisi, lri tara pilri ku mwadringadringai ku balase ka kiu si tina ka kiu. 7Lwiyasi patarumara ku lrulai ka nikiubawbalane ka kiu, lri iluku pucucubungu ki Tamatama, 8ku alrimaini lri pubelenge ki awlru ki sapatarumarane, ikai kwini ki cucubungu ki Alrivilrivi ka balrawbau culu, ku barakalai lri malra ku erai ki niculwane paralikiliki thalringulu ki tapatarumaramarane; 9-10kwi lasu lri malra kilakikai, amani kwini lamace, si twalai ki bukulu gelregelre ka maricuru ka tawthu, paelre ki tali adringi si lamace ki tali adringi, drusa ka pede si lamace ki pede, si takatharirane ki athai malra gelregelre, la lama patarumara ki Tamatama tu Sulivatane ka lrisi. 11Ku barakalai lri malra kilakikai pubelenge ki tapatarumaramarane lama, tu Apwi ka lrisi patarumara ki Tamatama.
12Lwiyasi la patarumara ku kiu, lri tara iluku mucucubungu ki Tamatama. 13La arakai ku alrima drepete ki awlru ki sapatarumarane, icucubungu ki Alrivilrivi ka balrawbau culu, ku barakalai lri malra ku erai ki niculwane paralikiliki thalringulu ki tapatarumaramarane; 14-15kwi lasu lri malra kilakikai, amani kwini yatali adringi si yatali belenge ka lamace, drusa ka pede si lamace ki pede, si takatharirane ki athai gelregelre, la arakai ku apwi lama patarumara ki Tamatama tu Sulivatane ka lrisi. 16Ku barakalai lri malra kilakikai pubelenge ki tapatarumaramarane si lama, tusangwalreme ka Apwi ka lrisi. Tamatamane patuelre ku lamace. 17Kunumi ka swa Iseraylri, adravane ka yakai inu, madha kanekane ki lamace si erai. Kikai lrika palralrawthu ka apasuswane numi ka kaika nipalraingane ka padradrekase.
Currently Selected:
Lrivi 3: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
