Lrivi 2
2
Kakudhane ki Taleke ka lrisi
1Lwiyasi ikai ku lri patarumara ku Taleke ka lrisi ki Tamatama, kwini lasu lri tara paswala silribu pakalamenge ki lataleke. La lri paibu ku lawlau ki ulrive si sapasangulrelremane, 2alra iluku mwa pucucubungu ki ngwakai ki Arungu ka barakalai. Ku barakalai lri malra ku akuvaeva ku milrikinku, lawlau si patuelre ku sapasangulrelremane pubelenge ki tapatarumaramarane si lama, sapadrelane ka pangiamia pakaelre patarumara. Kikai sangulremane ki Apwi ka lrisi amani ku kiragai ki Tamatama. 3Ku tedrane ku Taleke ka lrisi lri baai ki ngwakai ki Arungu ka barakalai; kikai tinusaniange turamuru, amani saka niputedrane twalai ki sapatarumarane ki Tamatama ka Apwi ka lrisi.
4Lwiyasi ku sapatarumaranesu laka nipikaiyane ki tapalungane kutu ka Taleke ka lrisi, patarumara arakai ku nipalrevegane ki milrikinku si lawlau ki ulrive pia ku makudremelre ka kaika nipawsemakane ka pange, ku nipadelremane arakai ku lawlau ki ulrive pia ku malubiri ka kaika nipawsemakane ka pange.
5Lwiyasi ku sapatarumaranesu ka niarakaiyane ku sakirikirikirane ka palungu kirikiri ku Taleke ka lrisi, patarumara ku niarakaiyane ku malaelamenge ku milrikinku si paibu ku lawlau ka ulrive thalre tu kaika nipawsemakane ka pange. 6Lu patarumara kikai pange, lri lama pautatiki dukulru, la paralikiliki ku lawlau. Kikai yai, Taleke ka lrisi.
7Lwiyasi ku sapatarumaranesu ala ka niakamane arakai ku kai alrukulu ka palungu ku Taleke ka lrisi, arakaiya ku malaelamenge ku milrikinku ka nipaibwane ku lawlau ki ulrive. 8Malra kwini taleke ka sapatarumarane iluku pucucubungu ki Tamatama, baai ki barakalai. Ku barakalai lri malra pubelenge ki tapatarumaramarane, 9malra kivala si pubelenge ki tapatarumaramarane, sapatuthingalane ka maru akaelrenga patarumara. Kikai sangulremane ki Apwi ka lrisi amani ku kiragai ki Tamatama. 10Kwidra tedrane ku Taleke ka lrisi baadha ki ngwakai ki Arungu ka barakalai; kikai tinusaniange turamuru, asi lwiyane amani saka tedrane twalai ki nipatarumarane ki Tamatama ka Apwi ka lrisi.
11Lu patarumara numi ki Tamatama ku Taleke ka lrisi madha paelrelre ku sapawsemasemakane; kunumi madha arakaikai ku sapawsemakane si valu tu Apwi ka lrisi si patarumara ki Tamatama. 12Kunumi lri dulru numi malra kikai tusapatarumarane ka aswalalanga kabea ka taleke baai ki Tamatama, ai madha pubelenge ki tapatarumaramarane lama, si tusangwalreme ka sapatarumarane. 13Ku patarumarasu ku makaelaela ku sapatarumarane ka Taleke ka lrisi makitu arakaiya ku timu thalre, kai timu sapatuthingalane ku tamakaketeketane numi ki Twaumase. Kusu tara arakaiya ku timu thalre ki makaelaela ki sapatarumarane. 14Lwiyasi patarumarasu ku aswalalanga kabea ku taleke si baai tusapatarumarane ka Taleke ka lrisi ki Tamatama, patarumara ku nikutwane ringiringi ka berathe ku nititiane ka mugi. 15Lri drimasu ku lawlau ki ulrive si sapasangulrelremane; kikai yai amani kudra Taleke ka lrisi. 16Ku barakalai lri malra kivala ku lrevege ki mugi, lawlau si sapasangulrelremane patuelre, sapatuthingalane ka pakanaelrenga patarumara, tu Apwi ka lrisi baai patarumara ki Tamatama.
Currently Selected:
Lrivi 2: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
