Lrivi 11
11
Kakudhane ki laakaneane
(Tapelane Drekase 14.3-21)
1Ku Tamatama wadrekase ki Musi si Arungu, 2-3si papia ki swa Iseraylri baai pelaela kilakikai kakudhane. Sanaka mauavagai ku lrubungu si tubathai ka waudriwdripi, lri dulru numi kane patuelre. 4-6Ai kunumi madha kanekane ki lrakeda, sehuange si lrutuku, malra kilakikai tu kaika mabula ka waudriwdripi; asi lwiyane adravane ka twabathai kai mauvagai ku lrubungu. 7Madha kanekane ki beke, malra tu kaika mabula ka waudriwdripi; mauavagai ku lrubungu, ai kai twabathai. 8Kilakikai waudriwdripi ku beate lini madha kanekane, adravane ka aecengane ki wapacainga kai mwadringai; kilakikai kaika mabula ka waudriwdripi.
9Ku twapari twakaralabe ku kange, lri kane numi patuelre; 10ai ku kadrwa ku pari si karalabe ku kange, kai numi lri kane. 11Kunumi malra tumakudrulru liniane, la madha kanekane ku beate lini, adravane ka aecengane ku wapacai ka kinawmasane lini kai mwadringai. 12Kunumi madha kanekane ku kadrwa ku pari, kadrwa ku karalabe ka kange.
13-19Kikai lebe ka laadhadhame amani kudra kaimabula, kunumi madha kanekane: Takanga, kwici, tingielaela, kwau, adrisi, segese, talralreba, tuniau, si ngwakai ki aciacilai ki laveke ka laadhadhame, amani kai haiu, kwange, canlu, tange, luce, taisenge, ababirau#11.13-19 Kikai yakaai ku nagane ki laadhadhame ku kaika nikaswalrekane. Ala ku kaika thingaleta puvaga sunagane arakaita ku ciwkukukane sunagane..
20-21Sanaka twaparidi ka lubalubai, kathane ku wapipidiki, ku drumane kaika mabula patuelre. 22Kunumi kanea ki acaculiki, tikilrilri, apapawku. 23Ai ku drumane ku twaparidi, wakapakapa ka tatiitiki ka lubalubai, kunumi tu kaika mabula liniane.
24-28Ku aneane ku wasulrape kikai lebe kai wapacainga ka waudriwdripi, ku aneane lri kitu kaika mabula pakela ki miauawbu: Patuelre ku yakai ku lrubungu, ku kai mauavagai ku lrubungu, kai wabaithi, si twakapalre ka supate ku drapale ku waudriwdripi. Sanaka wavelevele ki wapacai ka kinawmasane lini, lri tara sinau bula ku laimai, ai lri ka thadalrane kai kabula pakela ki miauawbu.
29-30Ku thalikabukai, tila, kulrabau si tabulrikange tu kaika mabula patuelre. 31Ku aneane ku wasulrape ku wapacai, ku aneane lri kaimabula pakela ki miauawbu. 32Kwini kinawmasane lu mucilri makakai belenge ki lamanemane, adravane ka angatu, ka makalrilau, ka lrangici ku lrekelreke ka lumase, adravane ka satumatumanane, lri kitu kaika mabula. Malra kilakikai si thebece pikai ki acilai; lri kaimabula pakela ki miauawbu. 33Ku kinawmasane lini la mucilri makakai ki dumulu ka palungu, kwini yapalungane kaika mabulanga; kunumi cwaka kwini palungu. 34Kwini kanekane madu ku lamanemane la kimwa kwini ki yapalungane ka acilai, kaika mabulanga kudra ungungulu madu ku acilai, alaiyasi pikai ki palungu, mialri kaika mabulanga. 35Kudra wapacai ku kinawmasane lini adravane mucilri makakai ki lamanemane, ki kwini lamanemane kaika mabulanga, adravane ka niara dumulane ka talabwane ka takakamane ka talabwane pwacacwake. 36Kwini lamanemane sana takela ki wapacai ka kinawmasane kaika mabulanga, ai ku tuturu ki acilai si baiyu thadalrane ka mabula. 37Kikai kinawmasane ki waudriwdripi lu mucilri makakai ki sapaivai, kwini sapaivai thadalrane ka mabula. 38Ai kwini sapaivai alaiyasi ka nilebelebane pikai ki acilai, kwini wapacai ka kinawmasane la mucilri makakai adringi, kikai sapaivai kaika mabulanga.
39Ku kanekane madu ku waudriwdripi lwiyasi pacai, ku aneane ku wasulrape iniane kaika mabula pakela ki miauawbu. 40Ku umawmase la kane ku beateini, lri tara sinau ku laimai pakabula, ai kwini lasu thadalrane kaika mabula pakela ki miauawbu. Sanaka wavelevele ku kinawmasane ki wapacainga, lri sinau ku laimai, ai kwini lasu thadalrane kaika mabula pakela ki miauawbu.
41-42Ku tatitiki ka lawagulagulai, adravane ka arabarange kapa, arasupate ku drapale dadavace, ku arakai ku makakalra ku drapale dadavace madha kanekane patuelre. 43Kunumi madha kanekane kikai lawagulagulai si ngikakudrulru. 44Kunaku Tamatamaku ka Twaumase numi; kunumi ngipapakabula, si alrivilrivi, kunaku lri ngitatusaniangaku, si kabula. Asi lwiyane alrivilrivaku turamuru. Kunumi la madha kanekane kilakikai lawagulagulai si ngikakudrulru. 45Kunaku Tamatamaku; wasangilukaku numiane katwase Izipiti, pakai ku a Twaumasananeli numiane. Kunumi kabula alrivilrivi, asi lwiyane kunaku alrivilrivaku.
46Kikai belenge amani ku ngwakai ki waudriwdripi, laadhadhame, lakange si lawagulagulai ka kakudhane. 47Kunumi tara pathathingala patatukudha ku mabula si kaika mabula, akanekaneane si kaika akanekaneane ka waudriwdripi.
Currently Selected:
Lrivi 11: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
