Lrivi 12
12
Kakudhane lu bula ki twalalake ka ababai
1Ku Tamatama wacunu ki Musi, 2si papia ki swa Iseraylri baai pelaela kikai lebe kai kakudhane. Ku tawbaliri alaiyasi tulalake ku sawvalai ku daini, ikai ki lrisi kwini alisu lri makapitulu kaika mabula, thadalrane lu sierai ka kaika mabula. 3Luka samakavalrulu kwini daini lri tara kigelregelre tulrisi. 4La lri pacungulu kwini twalalake mukalava pakela ki maka 33 ku vai, pakela ku taidrengerane ku erai ala lri kabula. Ikai kikai ki vai, lu kaiyana kitumabula ka lrisi, kwini alisu kai lri maka ecenge sanaka nitumabulane ka manemanenga, lai kai lri maka mudaane ki Alrivilrivi ka taikaikaiyane.
5Kwini alisu lu tulalalake ku ababai ku daini, pakela ki maka 14 ku vai, ikai ki lrisi kaika mabula, thadaalrane luka tasieradhane kaika mabula. Kwini alisu lri mukalavaana pakela ki tara 66 ku vai, pakela ku taidrengerane ki erai ala lri kabula.
6Lu pawkesanga ku vai ki akabulane, adravane ka twalalake ku sawvalai ku ababai, kwini alisu lri tara iluku nguvaeva ku taracailinga ku lrulai ka kiu tu Lama ka lrisi, lri nguvaeva ku penai ku tavagu tu Balrithane ki pasalrivane ka lrisi, si mwa ki lrawlrawdru ki Alrivilrivi ka balrawbau baai ki barakalai. 7Ku barakalai lri ngitalikaiyane iniane patarumara ki Tamatama, pia ku lrisi ki wabula. Lu pia kikai, kwini alisu ikai ki lrisi laka mabulanga. Kikai yai kakudhane ki twalalake ka ababai.
8Kwini alisu lu kai maka langai ku vaeva ku lrulai ka kiu, kwi alisu lri dulru arakai ku drusa ku tavagu ku penai pawbalrithi, ku vaeva la tu Lama ka lrisi, ku vaeva la tu Balrithane ki pasalrivane ka lrisi,. Ku barakalai lri atalingikaiyane iniane pia ku kiapakabula ka lrisi. Lukamiyaiya kikai, kwini alisu ikai ki tatulrisilrisiane yai, mabulanga.
Currently Selected:
Lrivi 12: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
