Husia 9
9
Ku Husia peaelaela ku lrika akipathavungane ki swa Iseraylri
1Swa Iseraylri, madha kapeapeaperau dralradralrai, madha ngialralrau ki maelane ku takisuswane ka sinzia kapeaperau tulrisisi ki lalrisi numi. Wabaebalrenga numi si katwase ki Tamatama, kaika patenganenga kwi kidremedreme numi papia iniane. Mia numi ki pairairange kiragai ngikakilangai baai ki Baale, wamalra numi ku taleke tusaarakaiyane ngikakilangai. 2Ai, kai lri tarathainu lai lri kawrame numi ku taleke si lawlau ka ulrive, lai lri mialri kai lri ikainga ku mathariri ka bava. 3Ku swa Iseraylri kai lri dulrunga ikai ki patarumara ki Tamatama baai liniane ka kadaengane; kwi lalasu lri siwlri mu Izipiti, lri ikai ki cekele ki swa Asiria kane ku kaika mabula ka akaneane#9.3 “kaika mabula ka akaneane” yakaai kwidra laakaneane ku pakaicilri ki hulrice ki Musi pakane ki laumawmase, lu kidremedreme kwini laakaneane ikai ki lrisi ka kakudhane yai kaika mabula (drela ki Lrivi 11).. 4Kwi lalasu kai lri maka dulrunga arakai ku mathariri ka bava patarumara ki Tamatama, lai kai lri dulru papia iniane patarumara ku la sapatarumarane ka waudriwdripi. Ku kanekane lini, mia ki kanekane ki lamatiathalithi, lri pakakudrulru ki wakane. Ku akaneane lini sarakaiyane ngubaisane sikakathane, kai lri maka dulru iluku mwa ki daane ki Tamatama si tusarakaiyane patarumara. 5Kwi lalasu lu ikai ki nikelretane ka tasukusukubane ki Tamatama ka lalrisi, lri dulru tumane? 6Lu kela ku amatikurwane, kwi lalasu lri thuvugu mawbebere; ai ku swa Izipiti lri sarubu liniane, si dralreke liniane pikai Mimepise. Ku cekele lini, ka la tarubwane sekete ku lamakucingalre ka lawbubulu, lri cebenga suete ku cecenekane ka angatu si ubulu.
7Ku apathavungane ka vai wakelanga! Ku akibilriane ka vai wakelanga! Kilakikai lu ngimianga, ku swa Iseraylri lri thingalenga. Amia numi kai, “Kikai yuginsia yai amamama; kikai kia ikai ki ri yai sinki.” Madrau turamuru kwi pasalrivane numi ala kamani ku pia numi kai kalisilisi nakwane. 8Ku Twaumase pakaamaninga nakwane ka atalingikaiyane iniane kawriva, pakiapapawlringau nakwane ki kawkawluini ka swa Iseraylri. Ai, adravane mwaku inu, kwi lalasu kiadremedreme ku atulisiane nakwane, mia ki pwalra ki adhadhame. Ikai ki daane ki Twaumase, ku kipadradresenge ki yuginsia yai badha makanaelre. 9Kilakikai umawmase maadrawnga turamuru ku pasalrivane, mia kunadruma kai lalasu sa ikai Gibia#9.9 “Gibia” kikai cekele yakai talikai ki swa Biniyamingi, kikai zuku ka swa Iseraylri yakai kai si ulucu kabebetethe ki labaibai ki Lrivi, ngwalai kikai la makaruruburu kikai vaeva ka cekele, kai zuku ki Biniyamingi la kisanu kipakawtunga papacai.. Ku Twaumase lri tara pulringau ku pasalrivane lini, si pathavungu liniane.
Pasalrivane ki swa Iseraylri si tangimiane
10Ku Tamatama amia kai, “Sa tau kipadradresengaku ki swa Iseraylri, mararaamau kudra ki yakai ubulane kidringai ku budu; satau kipadradresengaku ki cucungulane numi, mararaamau kudra ki yakai ki icizike ka angatu kidringai ku aswalalanga kalreme ka madru. Ai, kwi lalasu sa mwa ka lregelrege Biure, kiarimunga pathagili sukubu ki Baale, padaalru si akabalrithi mia ki kadalame lini ka latwaumase ku ngilisianane. 11Ku lrigu ki swa Iseraylri lri mia ki adhadhame ka matwase ngipalai. Ikai kai ki kadaengane, ku ababai kai lri maka tulalakenga, kai lri maka katawbaliringa, kai lri maka tarumaranga ku akatawbalirane. 12Kwini lalisu adravane tulalake, lri malraku ribici, ka kadrwa ku natangeeanga ku putedra. Lu cilriaku ki kawkawluli, kwi lalasu lri matisalregesege!”
13 Tamatama! Wadrelaku ki lalalake ki swa Iseraylri kiakurikurisi si kipwalralra kipapacai. 14Lri tumanaku kitubi ku lrika apangimianesu kai ki laumawmase? Ku kaika atulalakane ki laababai lini! Ku kaika adulrwane pathuthu si lapu ki lalake lini!
Ku Tamatama pathavungu ki swa Iseraylri
15Ku Tamatama amia kai, “Kai swa Iseraylri yakai Gilegale pathagili pia patuelre ku ngialisiane. Yakaiyaku kwini pathagili kalisi liniane. Ngwalai ku tapiane lini ku ngialisiane, lri pakatwasaku liniane kai ki kadaenganeli. Kainaku lri kadalamenga liniane, asi lwiyane ku latabebelenge lini makanaelre wabaebalrenga nakwane. 16Kai swa Iseraylri mia ki balace ka marudame ku cebe ka angatu, kai maka pwamadru. Kwi lalasu kai lri ikai ku mwabaibalrithi, adravane ikai ku mwabaibalrithi, lri mialriaku tara papaacai ku kadalame lini ka lalalake.”
Ku tamatikaiyane ki yuginsia pangukai ki swa Iseraylri
17Ku sukusukubuli ka Twaumase lri cilri ki kawkawluini, asi lwiyane kwi lalasu kai kialalra si pasalaladha; kwi lalasu lri ikai ki lakuni acaicaicali.
Currently Selected:
Husia 9: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
