Husia 10
10
1Kai swa Iseraylri mia ki ngiaesadhane ka cebe ki budu. Kwi lalasu lu aru ngiradhekane, ku tapatarumaramarane arwa driima kakalra; ku kadaengane lini lu aru tutaleke, ku sukusukubu lini ku sadrengedrenge ka lrenege arwa kathaariri. 2Kwi lalasu ku takidremedremane matavuvulrucu, lakamani lri tara ngwalai ki pasalrivane lini si kipathavungu. Ku Twaumase lri baburuku ki tapatarumaramarane lini, si kabebetethe ki sukusukubu lini ka sadrengedrenge ka lrenege.
3Kilakikai umawmase kai lri tarathainu lai lri kalisi si iya kai, “Kadrwa ku talialalai nai, asi lwiyane kai nai mwasakene mukuludru ki Tamatama. Ai, ku talialalai lri dulru pasikai naiane pia ku manemane?” 4Kwi lalasu wabusabusabusu sikakathane, si kadraedrangelre kiketekete, la cegecege ku kadrwa ku paluludane ku nipacasane ka samakaketeketane. Ku dringelresane mwalebenga kamaninga kudra kai madringelresenga, mia ki yakaai ku duku ka laubulu cebe salraelre ki ubulane.
5Ku laumawmase ki Samaria ngwalai ku tapakakadrwane ki nitulwangane ka kingi ikai Bithele si mukuludru. Kwi lalasu taelre ki taramarasikaikai ki samiamiange ka labarakalai tubi, ngwalai sa ngwalranenga ku lrigu ki samiamiange ka kingi ka lwange. 6Kikai samiamiange lri kiiluku pwa ka Asiria, tusapatarumarane baai ki talialalai ki swa Asiria. Ku swa Iseraylri lri kainu si kiarubwane, asi lwiyane kwi lalasu wasukubu ki samiamiange. 7Ku talialalai lini lri kiluku, mia ki kialudru ki acilai ka tikiane ka bali. 8Ku la tapatarumaramarane ka Avenge#10.8 “Avenge” ku pacugane yai “ngialisiane” amia, “samiamiange” amia, ikai kai amanimani ki Bethele (drela ki 4. 15)., ka amani kudra tasukusukubane ki swa Iseraylri ka lasamiamiange, lri kiamudu patuelre. Ku tapatarumaramarane lini lri cebe suete ku cecenekane ka angatu si yakai ku duku ka ubulu. Kwi lalasu lri papia ki madrau ka lalregelrege iya kai, “Malra naiane sekete!” Lai lri iya kai ki tikiane ka lalregelrege, “Mukadrula makakai ki kinawmasane nai!”
Ku Tamatama wasaibange ki swa Iseraylri
9Ku Tamatama amia kai, “Kai swa Iseraylri twalai sa pasalriu ikai ka Gibia, pasalrisaalriwnga nakwane, ngwalai kikai, kai Gibia lri kimwa ki amatikurwane ngukai ki makakaruburu. 10Lri kikaruburaku kikai ki pasalriu ka laumawmase, si pathavungu liniane#10.10 “Lri kikaruburaku kikai ki pasalriu ka laumawmase, si pathavungu liniane”. Singiakai ki sidrumane ka nihunyakane ka hungu, ku pacase ki Hiburu “ikai ki tapalrainganeli ka vai, lri pathavungaku kilakikai pasalrisalriu ka umawmase.”. Kai lakuni lri ngielre si kainganai kikaruburu liniane; kwi lalasu lri ngwalai ki makaelaela ka pasalrivane lini si kipathavungu.
11“Kai swa Iseraylri nangiamia ki vaeva ka nibulrwane ka tina ka lwange, ka tapalraingane iki ku taleke. Ai lri malraku ku tikungu si paulrungu pikai ki sapukwane ka lreini#10.11 “lri malraku ku tikungu si paulrungu pikai ki sapukwane ka lreini” ku pacase ki Hiburu “kilibake kwini sapukwane ka lreini” amia., si pakaungu ku makuciacingalre ka awngane. Lri papavilringaku ki Yuda, lai pagarucaku ki Iseraylri. 12Amiaku kai, ‘Kunumi ngipapasikaiya kaungu tukarawmane, si paivai ku dringelresane ka sapaivai, la kitaleke ku thalradhane. Tamatamaku, kikai asasane amani ku apapianenga numi nakwane. Lri kelaku, si lri tuadravaku pulebe ku akaesadhane baai muswane.’ 13Ai kai numi kialalra, wasabululringa numi ku ngialisiane, si kitaleke ku ngialisiane ka madru, ngiakakane numi ku tavuvulrucane ka ngialisiane ka madru.
“Asi lwiyane satalu numi ki sakikaruburuburane ka palridingi numi si tapaangale ka kwapingi, 14ku apwi ki tamakakaruburane lri mwa numiane ka mapapangale, kwi nikepalane ka cekele patuelre lri kiamudu. Kudra tangimiamiane lri ngimia ki talialalai ka Salemange sa kabebetethe ki cekele ka Bitharebile ku matiangeangane: Ku latina si lalalake lini kiaverevere kipapacai. 15Swa Bithele ngwalai ku tapasalrivane numi ku madrau ka pasalrivane, lri mialri numi kipadradresenge ku thadalrane ka amatikurwane. Sana makaruruburu, ku talialalai ki swa Iseraylri lri pacai.”
Currently Selected:
Husia 10: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
