Husia 2
2
1Lakamani, swa Iseraylri, papia ki retesane numi iya kai, “Amani numi ku kawkawlu ki Twaumase”; papia ki betakane numi ka labaibai iya kai, “Nikikilibakane numi ki Twaumase.”
Kai mwalecege ku takaababadhane ka Gumire, kaika patengatengane ku kidremedreme ka swa Iseraylri
2Lalalakeli! Adravane ka kaika taelrelrengali ki tina numi, la kainaku ka taelrelrenga iniane, ai papia iniane kitubi, mwalra iya kwini ngipairairangane kwi lringauini, madha padrelanenga kwini wathalrebethebe ki umawmase kwi thuthu. 3Alaiyasi kai kilalra, lri mulaimadhaku patuelre kwi laimaini, si pavilralrakane, mia ki taukitulalalake ka daini. Lri pangimiaku iniane ki calragulragu, ki enaenai, lai kakadhame si pacai. 4Kainaku lri kakalithi ki lalalakeini, asi lwiyane kwi lalasu kiatulalake ki kai mwalecege ka ababai. 5Kwi tina lini swadringai, kadrwa ku inwane ka tiatiama#2.4-5 “kwi lalasu kiatulalake ki kai mwalecege ka ababai. Kwi tina lini swadringai, kadrwa ku inwane ka tiatiama” ku wahunyake madu iya kai “mia ki tina lini, mia ki pairairange ka kadrwa ku inwane”.. Kai alisu ngiakakawrivariva iya kai, “Lri mwaku satalutalu ki lalasiasilanganeli; asi lwiyane ku akaneaneli, sawngulane, ubale ki kiu, laimai, ulrive ka lawlau, si malimeme ka bava babaai lini patuelre.”
6Lakamani, lri arakaiyaku ku cecenekane ka angatu ravadre ku tangukaiyaneini ku kadalranane; lri ara lrenegaku raedre pangithalringulu, kwi alisu lai kai maka kidringai ku angukaiyane kibubuli madradresenge ki lalasiasilanganeini ku kadalranane. 7Kwi alisu kiasanu tupalra mupadruku ki lalasiasilangane, ai kai maka padali liniane; kwi alisu la mwa kidruanga silasilape, ai kai lri maka kidringai liniane. La iya kai, “Maesaesadhaku siwlri mwa ki nataelrelreli; ku sa tadrusadruusana nai mathaithariri ki tangimiane kaiasasane.”
8Kwi alisu kai maka wathingale ka amaniaku ku wababai ku taleke, mathariri ka bava, si lawlau ka ulrive; ku patengatengane adravane ka arakaikaaini patarumara baai ki Baale ka twaumase ku kingi si gingi mialri ka baaili. 9Lakamani, lu kelanga ki sakitaletaleke, lri malraku sawlri kudra labaaili iniane ku taleke, mathariri ka bava, lai lri malraku ribici kudra baaili ku sapaidringane ki kinawmasaneini ku ubale ki kiu, laimai. 10Lri picucubungaku ki lalasiasilanganeini mulaimai iniane; kadrwa ku umawmase kulri maka dulru patwalai ki alrimali pakatwase iniane. 11Lri paidrengeraku patuelre ku akapeapeaperavane, si paisadra ku atulrisisianeini ki caili, atulrisiane ki dramare, Taisadrasadrane ka vai, si drumane ka tayelrelrelreane ki lakiasususu. 12Lri calrigaku pulebe ku cebe ki labuduini si laicizikeini, asi lwiyane kilakikai pawlrawlrau ki lalasiasilanganeli amia kai alisu. Lri paangatungatwaku ki mawivaivai ki alisu; lai kela ku lawaudriwdripi si dredredre. 13Lri silapaku iniane si kikawriva; asi lwiyane kai alisu yakai ki tatulrisisisiane ka vai si lama patarumara ku sangwalreme ki la Baale, la sisilu ngiragelane, si katwase mwa ki siasilangane mupadruku, la ulrawnga nakwane. Kwaku ka Tamatama amiaku kikai pelaela.
Ku Tamatama madalame ki kawkawluini
14Lakamani, lri ililukaku iniane mwa calragulragu, sasa iniane, lai lri papia nakwane ku kidremedremeini. 15Lri sawlriaku baai iniane ku babudubudu, ku “Amatikurwane ka valrwalru” Lai lri akabalrithi a “sasiadradrama ka lrawlrawdru”; ikai kwini, kwi alisu lri tarumara ku sakialibakeli, mia sa icengecengeana sa mubere ki swa Izipiti. 16Lukamaninga kwidra, kwi alisu lri tupela thingale nakwane ka Tamatama ka taelrelreini, si kai tu Baalenga#2.16 “Baalenga” nagane ki twaumase ki swa Kanange, ku pacugane yai “Tamatama” amia “tawki” amia, ku taingeane ku pacugane yai “taelrelre ka sawvalai” amia. nakwane. 17Lri pakarimurunga naku iniane ki la Baale, si lai lri kai matikainga ku nagane ki la Baale.
18Lukamaninga kwidra, lri kiketeketaku ki langiapalapalai, lawaudriwdripi, lalubalubai, kulri kaika apakadulane ki kawkawluli. Lri amudaku ki labu si lraili, lrabu, si rarukudrane ka sakikaruburane kai kawmasane patuelre, ku lrika akasulivalivatane ngiesaesadhane ki kawkawluli.
19Swa Iseraylri! Lri mwaku muswane karudrange si sitaelrelre muswane;
lrika patengatenganaku kai apakikilili muswane;
lai lri arakaiyaku ku thalradhane kai kaelaela ku sakialibake muswane,
lri mwaku karudrange muswane lai ka palralrawthungasu ka taelrelreli.
20Lri pangimiaku ku takiketeketaneli muswane,
lai lri thingalesu ala ka Tamatamaku.
21-22Lukamaninga kwidra, lri kilalraku ku inulri ki kawkawluli ka swa Iseraylri#2.21-22 “kawkawluli ka swa Iseraylri” ku pacase ki Hiburu “Yezerele” amia. Drela ki 1.4, 11.;
lri paudalaku pakalreke kai kawmasane,
kai kadaengane lai lri cebe ku lataleke, budu, ulrive.
23Lri malraku ki kawkawluli si lredreke pikai kai ki kadaengane;
lai lri papiaku ki “Kai kiakilibake” Athingalane kilibake;
lri papiaku ki “Kai ka kawkawluli” Iya kai, “Kunumi yai kawkawluli.”
Kwi lalasu lri masiasilange tubalre, “Kusu yai Twaumase nai.”
Currently Selected:
Husia 2: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
