Husia 1
1
1Ku Tamatama kudra saka tapadredrelane ki Husia ka lalake ki Beri, ku swa Yuda macucungulu atalialalai ka amani ku warathudu ku Uzia, Yuthame, Ahaze, si Hezekia; ku swa Iseraylri amani ku Yerubuame ka lalake ki Yehuase ku atalialalai rathudu. Kai lebe kai tapacasane yai takawrivane ki Tamatama papia ki Husia ka vaga.
Taelrelre si lalalake ki Husia
2Ku Tamatama sa tau kawriva papia ki swa Iseraylri pangukai ki Husia yai, ku Tamatama amia kai ki Husia, “Lu mwa karudrange! Ku amwanesu karudrange lri pasalriu muswane; ku lalalake numi lai lri mialri ngimia iniane kai mulecege#1.2 “karudrange! Ku amwanesu karudrange lri pasalriu muswane; ku lalalake numi lai lri mialri ngimia iniane kai mulecege” ku wahunyake madu iya kai “karudranga mwa ki pairairange! Kwidra pangukaisu iniane tulalake ku laababai lri mia iniane kanganga”.. Thadaalrane, kai sakakuniane ka cekele ki swa Iseraylri lri ngimia kwini ki pairairange ka ababai kai mulecege, si baebalre nakwane ka Tamatama.”
3Ku Husia la mwa karudrange ki Gumire ka lalake ki Dibelaime. Kwi alisu la katawbaliri, si pasikai ki Husia tulalake ku vaeva ka sawvalai. 4Ku Tamatama amia kai ki Husia, “Sunagana iniane pasi Yezele#1.4 “Yezele” nagane ki kadaengane, ku mabebelengenga ki kwapingi ki swa Iseraylri ka Tamatama yakai kikai balre ki talialalai, la culrulu papacai ki talialalai si wacekecekele ki talialalai si drumane ka laumawmase, la cegecege atalialalai ku Yehu (drela ki 2 Latalialalai 9–10).; asi lwiyane kai lri tarathainunga lai lri pathavungaku ki wacekecekele ki talialalai ka Yehu, lri mukiamaku ku erai ka kiame ka tapakawtwane papacai ki cucungulane lini ikai Yezerile. Lri palikaiyaku ku taatalialaladhane ki Yehu#1.4 “taatalialaladhane ki Yehu” ku wahunyake madu iya kai “ku taikaiyane ku talialalai ki swa Iseraylri”.. 5Kwini ki vai, lri tara ikaaiyaku valrwalru ka Yezerile kabebetethe ki lakwapingi ki swa Iseraylri.”
6Ku Gumire la katawbaaliringa, si tulalake ku vaeva ka ababai. Ku Tamatama la pelaela ki Husia, “Sunagana iniane pasi Unluvide#1.6 “Unluvide” ku vaga ki Hiburu ku pacugane yai “kai kiakadalame” amia.; asi lwiyane lri kainaku kadalamenga ki wacekecekele ki swa Iseraylri, lai kainaku pacepenga liniane. 7Ai, lri kadalamaku ki wacekecekele ki swa Yuda. Tamatamaku, ka Twaumase liniane; lri palribulaku liniane; ai kainaku lri arakai ku amakakaruburane, ku bu si lraili, lrabu, kwapingane ka rigi, tarangurigi ka kwapingi si palribulu liniane.”
8Ku Gumire sa paisadranga ki lalakeini ka Unluvide ku athuthwane la katawbaliri, si tulalake ku vaeva ka sawvalai. 9Ku Tamatama la pelaela ki Husia, “Sunagana iniane pasi Lu Ami#1.9 “Lu Ami” ku vaga ki Hiburu ku pacugane yai “kaika kawkawluli” amia.; asi lwiyane kai swa Iseraylri kaika kawkawluli, la kainaku ka Twaumase liniane.”
Tangiradhekanane ki swa Iseraylri
10Ku umawmase ki swa Iseraylri lri drima, lri mia ki enai ki laveke ka kaika amaka asiasipane, kaika amaka bungubungane. Kaiasasane ku Twaumase amia kai liniane, “Kunumi yai kaika kawkawluli;” ai lri ikai ku vai, ku Twaumase lri iya kai liniane, “Kunumi yai lalalake numi ki palralrawthu panianiake ka Twaumase.” 11Ku wacekecekele ki swa Yuda si wacekecekele ki swa Iseraylri lri peelana ngielre, si lri ngipapasikai pilri ku tarasangililuku. Kwi lalasu lri ikai ki kadaengane lini siwlriwlriane ngiradhekane. Unu, ku vai ki Yezerile#1.11 “Yezerile” ku vaga ki Hiburu ku pacugane yai “wapaivai ku Twaumase” amia, amani ki maadrau si waedhale. tengatengane kalri ka madrau ka vai.
Currently Selected:
Husia 1: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
