Husia 3
3
Husia si kai mwalecege ka ababai
1Ku Tamatama amia kai nakwane, “Lu mwa tupela kadalame kudra#3.1 “Ku Tamatama amia kai nakwane, ‘Lu mwa tupela kadalame kudra ...’ ” ku wahunyake madu iya kai “Ku Tamatama peaeelanga iya kai nakwane, ‘Lu kadalama kavai ...’ ” wacilri ki taelrelreini si mwa kadalame ki drumane ka apairairange. Kadalama iniane, mia ku takadalamaneli ki swa Iseraylri. Unu kwi lalasu wabaebalre si cilri nakwane, la katwase sukubu ki drumane ka twaumase, la kadalame kudra ki nipatarumaranenga ka pange ka budu#3.1 “nipatarumaranenga ka pange ka budu” ku swa Kanange arakai ku budu ka pange patarumara ki tarapaedhaedhale ka twaumase, kwi lalasu masalru kikai ki latwaumase kalri baai ki wasukubu liniane ku angukalrane kitaleke., ai madaalameana naku liniane.”
2La arakaiyaku ku mangeale si lrima ka gingi si 150 kukingi ku madradrau ka mugi tusalangadhane balrithi kai ki ababai. 3Madha apairairangenga, supedreenganga, la ikaikai nakwane la iyaku; ai ikai kai ki tangimiane kai, kainaku lri tadrusa iniane apece. 4Thadalrane, lri kalragi ku zikange, kai swa Iseraylri lri kakadrwa ku latalialalai si latarasangililuku, kadrwa ku latwalrisi patarumara, kadrwa ku lasadrengedrenge ka lrenege, kadrwa ku lasamiamiange si lanitu twaumasane si arakaikai tulrisi kithingale. 5Lu ngilribatenga kai ki zikange, ku swa Iseraylri lri tupela siwlriwlri ku kidremedreme, si kisilape ki Tamatama ka Twaumase lini, lai lri siwlri mwa ki wacekecekele ki Davidi ka talialalai. Lu ngimia kai, lukabibilrili, kwi lalasu lri musakene mukuludru ki Tamatama, si tarumara ku makaalra ka pakalrevaini.
Currently Selected:
Husia 3: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
