Takatwasane Izipiti 25
25
Patarwamara pasikai ki Alrivilrivi ka taikaikaiyane
(Takatwasane Izipiti 35.4-9)
1Ku Tamatama kawriva ki Musi iya kai, 2“Kusu cuna ki swa Iseraylri lani patarumara ku saceacebe nakwane. Sanaka nikiraragadhane patarumara acebe nakwane, lri tarumara numi patuelre. 3Ku atarumarane numi ku saceacebe amani kikai: Kingi, gingi, lriwlu; 4kaimadhane; salesese, thilalatadhane, maduduli ka gialrane; makalrilau ka ubale ki kakiuane; 5nieremane tududuli ka lrangici ki balase ka kiu; mathariri ka lrangici; bwaburavane ka paela ka angatu; 6tinaki; tatulawlaulavane si sarakaikaiyane pasangulreme; 7saarakaiyane pacaisi paciyu ki silaimaimai ki abebeelengenga ki barakalai ka Ipude#25.7 “silaimaimai ki abebeelengenga ki barakalai ka Ipude” Ikai ki supilri ki Sisiu amani kwidra nitulaimadhane tukinulrudhane arakai ku tinukucingalrane, ka papacasane ka makalrilau, mia ki ciwki. Kikai miyaiya kaika laimai yakai ku thuthubungu, ka tapwapwane ku sarakaikaiyane kivaga ki Twaumase ka lamanemane Urime si Thumime (drela ki 28.30). si nipikaiyane ki tupi ka duduli ka manau si kwakulavane ka tinukucingalrane ka lrenege. 8Ku mapapangale lri pasikai nakwane tudaane ku Alrivilrivi ka taikaikaiyane, la nau ikai liniane. 9Kwidra ngwakai ki Alrivilrivi ka balrawbau si lalawbubulu kilakikai patuelre, kunumi tara pangimia ku tapelaelaneli tungitwatumana iya darepe.”
Langiane
(Takatwasane Izipiti 37.1-9)
10“Arakaiya ku bwaburavane ka paela ka angatu darepe tu Langiane, ku lragiane ki Langiane 110 ka kunhunge, ku ngulapane 66 ka kunhunge, ku abelengane laka 66 ka kunhunge. 11Arakaiya ku kakingiane tusacabwane kwini latadre ki Langiane, la thalringulu padakipi ku kingi. 12La darepe ku supate ku kingi ka ngikakalathe ku tatakaikaiyane alrugu baca, si paraisa pikai ki supate ka piyu ki Langiane, lrika drusa ki thithili. 13Arakaiya ku bwaburavane ka paela ka angatu tudrusa ku babulriane, si arakai ku kingi cabu, 14la pangukai kwini ki maecebe ka kingi ka ngikakalathe. 15Kikai drusa ka babulriane katapikaiyana ki ngikakalathe, madha susudru mwalra. 16La malra kwini lrika abadhaneli kwini padradrekase ka nipacasane pikai ki lrenege puadringi ki Langiane.
17“Arakaiya ku kakingiane darepe ku vaeva ku sacaecaebane, ku lragiane 110 ka kunhunge, ku ngulapane 66 ka kunhunge. 18La arakaiya ku kingi tu Kirubime ka drusa, 19kwini maecebe ki sacaecaebane lri tara ka vaeva, si maelre ki sacaecaebane, la maelrelre kavaevanga. 20Kwini drusa ka Kirubime lani macacucubungu, paipai ku sapakepake, kabungu ki sacaecaebane. 21La malra kwini drusa kwini lrenege ka alibi piadringi, kwini sacaecaebane la pibelenge ki Langiane. 22Lri ikaiyaku kwini madradresenge muswane, si twalai ki belenge ki sacaebane ki Langiane, ikai kwini ki drusa ka Kirubime, si baai muswane kwini pasikaili ki swa Iseraylri cegecege ku tinukakudhanane.”
Tapikaikaiyane ki pange ka cukwi
(Takatwasane Izipiti 37.10-16)
23“Arakaiya ku bwaburavane ka paela ka angatu daedarepe tucukwi, ku lragiane 88 ka kunhunge, ku ngulapane 44 ka kunhunge, ku abelengane 66 ka kunhunge. 24Arakaiya ku kakingiane cabu, si thalringulu padakipi ku kingi. 25Kwini ngiathalringulu ki cukwi drima ku 75 ka kungelri tubabiabila apadaedarepe, kwini ki babiabila ki cukwi padakipa ku kingi. 26Kwini ngiathalringulu ki cukwi tubabiabila apadaedarepe, kwini ki babiabila ki cukwi padakipa ku kingi. 27Kwini kalathe la padethe ki babiabila, anika tapangukaiyane kwini ki babulriane ki cukwi. 28Kwini babulriane arakaiya ku bwaburavane ka paela ka angatu darepe, la arakai ku kingi cabu. 29Arakaiya ku kakingiane darepe ku apibelebelengane ki cukwi ku kadapare, thalange si tapikaikaiyane ki bava ku didilrungu si kupu. 30Ku cukwi pasakaiya ki cucubungu ki Langiane, kwini cukwi laka tapikaiyane kwidra apatarumarane nakwane ku pange.”
Tapikaikaiyane ki tinaki
(Takatwasane Izipiti 37.17-24)
31“Arakaiya ku kakingiane darepe ku vaeva ku tatinakiane. Ku tatinakiane, taneneneane si ulrudru arakaiya ku kingi darepe; pangiraeragelane ku sapangiragelanane ku bengelrai, tutungu, rigai, parairaisa patuelre tuvaeva. 32Ku maecebe ki taneneneane ki tinaki la turicingi ku eneme, taratulru ki maecebe. 33Ki vavaeva ki ricingi yakaai ku tulru ku bengelrai, ku tangimiane mia ki alumundu, yakai ku tutungu si rigai. 34Kwini drapale ki taneneneane ki tinaki yakai ku supate ku bengelrai, ku tangimiane mia ki alumundu, yakai ku tutungu si rigai. 35Kwini ki taitulrutulrwane ka ricingi ki vavaeva tailebeane la ikai ku vaeva ku tutungu. 36Ku tutungu, ricingi si taneneneane makitu pikai ku canicanidane ku kakingiane pangiragelane. 37Kwini taneneneane la pikai ku pitu ku tinaki, si papucucubungu ku taledrane. 38Arakaiya ku kakingiane daedarepe ku bengelrai ki tinaki ka kaciane si tapasukaiyane ka thalange. 39Arakaiya ku 35 kukingi ku kakingiane darepe ku taneneneane si sanaka lawbubulu. 40Dradrela, la singikai ku tapelaelaneli muswane ku tangimiamiane si pangimia darepe.”
Currently Selected:
Takatwasane Izipiti 25: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
