Nisikawlane 18

Yakai Kurintu

1Sangilribatenga kikai, ku Pawru matwase Athenese, kainganai mu Kurintu. 2Sa ikai kwini la kipadradresenge ki tangea ka yakai Puntu kitulalake ka swa Yuda, sia Akuila, ka natwalai Italri tupapalra ki taelrelreini ka Pirisecila, asi lwiyane ku tinuhika ka Kelawdiu wadrekase patuelre ki swa Yuda pakatwase Ruma. Ku Pawru la katwase drele liniane, 3la asuru taelre liniane kawaungu, asi lwiyane ku Pawru satalutalu ki twabalrawbau ku sangilalapwane, thadalrane liniane ku awnganeini. 4Sana daruru ki Taisadrasadrane ka vai, ku Pawru la tara mwa ki rarubwane ki swa Yuda taelre ki laumawmase madradrikisi ku vaga, la bulrubulru ki swa Yuda si swa Gurike ku akisuswane lini.

5Ku Silra si Timuthi sakainganai mu Makidunia, ku Pawru la arakai ku zikangeini patuelre pelaelaela ku matiakiragai ka vaga, papia ki swa Yuda akasi ki Yesu ala ka Kirisitu. 6Ai, sana baebalre iniane, tulilisi iniane, wavisivisi ku thuvugu ku yakai ki kipingini, si iya kai “Alaiyasi kamudu numi, kai yakai nakwane ku pasalrivane, lri ngikakamaninga numi ku capilane, twalai kaikameane, lri mwaku ki sakamaelanane ka umawmase.” 7Ku Pawru la kidaili liniane, katwase mwa ikai ki mwasakesakene ki Twaumase, ka sia Titu Yusetu ki daane lini, ku daaneini adethe ki rarubwane ki swa Yuda. 8Kwidra mabelenge ki tarakadrekadrenge ki rarubwane ki swa Yuda ka Kirisepu si wacekecekeleini makanaelre la kisusunga ki Tamatama. La takaalrana ku swa Kurintu ku kialalra kwini akaesadhane ka vaga si kipawtenga, si kipabanau.

9Yakai sakamaungu ku Pawru la tarumara ku maburusi. Ku Tamatama la ikai ki maburusi iya kai iniane, “Madha kakiwcu, kawriva sikakathane, madha kamenene, 10yakaiyaku ka lri tapalra muswane, kadrwa ku umawmase ku lri tulisi dula muswane, kai cekele kikai takaalra ku laumawmaseli.” 11Ku Pawru la ikai kwini tara caili si pararamau ki caili, arakai ku vaga ki Twaumase bulru liniane.

12Saicengecenge kicapili ku Galiu ikai Akaia, ku swa Yuda yaelrelre kiecebe ki Pawru, la bilibili iniane putasaibaibangane. 13Wakukusu iniane, “Kikai umawmase kai lu bulru ki palrapalra arakai ku kaika tapiyaiyaneta sukubu ki Twaumase.”

14Ku Pawru nau pathagili kawriva saiya, ku Galiu la kawriva ki swa Yuda iya kai, “Kikai alaiyasi ka nipasamaliane nipasalrivane ka awngane, nai tara kiadilaku kilalra numiane; 15ai, kikai pangwakai ki pacase ki hulrice numi ku madrikidrikisi numi kawriva, ngikakamaniya turathudane. Kainaku madalame saibange ku ngimiyaiya kikai ku awngane!” 16La pakatwase liniane ki takisaibaibangane. 17Ku mapapangale la ruthuku taelre kwini ki mabelenge ki tarakadrekadrenge ki rarubwane ki swa Yuda ka Susetenese, ikai cucubungu ki takisaibaibangane lrumai iniane. Kikai tangimiane ku Galiu lakai kirimu nau kivaga iya.

Ku Pawru siaulri mu Anetiuke

18Ku Pawru la ikaai Kurintu taelre ki lasinzia makakaalrale ku vai, ala katwase liniane, si taelre ki Pirisecila si Akuila karedele nguvarukuru mwa Siria. Sa kaiyana katwase, la ikai Cinkeria kigulrugulru, ngwalai ku tapuvaganengaini. 19Sa mwanga Ipisu, ikai kwini, ku Pawru la kidaili ki Pirisecila si Akuila. La mwa ki rarubwane ki swa Yuda si taelre ki swa Yuda madrikidrikisi ku vaga. 20Ku mapapangale la ruthuku iniane ku aikaiyaneana kwini makakaalrale, ai ku Pawru kai palraingi. 21Sa lri katwasenga, la iya kai liniane, “Luka kidremedreme ki Twaumase, lri kelanaku ngusela mwa numiane.” Ku Pawru la twalainga Ipisu ubelenge ki varukuru.

22Ku Pawru sa daruru Kaisaria, la mwa Yerusalrime drele ki kiwkai, ala katwase mu Anetiuke, 23la ikai kwini makapiyale ki vai ala katwase. La italikaiyana kwini Galatia si Peregia dadavace salraelre. Mwa kidruanga pakakecenge ku salrwane ki sinzia.

Ku Apuluse yakai Ipisu si Kurintu

24Yakai ku tangea ku swa Yuda ka sia Apuluse, la kainganai mu Ipisu. Kwini lasu kiatulalake ikai ka Alikesangeda, ka amani ku tangeea ka yakai ku lrigilane, papia ki Sisiu wathingale turamuru. 25Kwi lasu ikai ki tapelaelane ki Tamatama ka kadalranane, la kamani ku kiapakicakwane turamuru, ku kidremedremeini la kaculuculu, la pelaelaela pawlecege ki laumawmase ku pangwakai ki Yesu. Ai kathane ku pangukai ki tapabanavane ki Yuhani ku thingaleini. 26Ku Apuluse la pathagili ikai kiwkai kagarange pelaelaela, ku Pirisecila si Akuila sa kilalra, la dawlu iniane pwa ki daane lini, la aru pawlecege pelaela iniane ku tapelaelane ki Twaumase ku kadalranane. 27Sangilribatenga, ku Apuluse la kalrithethe ku wamwa Akaia, ku swa Ipisu ku laretesane la paralubu iniane, la tutigami baai ki swa Akaia ki laretesane, ku lrika atarumarane lini iniane, sa mwanga kwini, papia ki masalrunga ki Twaumase si kipalribulunga ka laumawmase la kaadrau ku takiparalubane. 28La kingikalrale ikai ki tayelrelrelreane ki laumawmase sapukwane kidrikisi kawriva pamalebe ki swa Yuda, patwalai ki Sisiu pelaela pathingale ku Yesu aka Kirisitu.

Currently Selected:

Nisikawlane 18: NDV

Highlight

Compare

Copy