2 Latalialalai 16
16
Talialalai ki swa Yuda ka Ahaze
(2 Lacaili 28.1-27)
1Saka tara 17 ka caili ku taatalialaladhane ki swa Iseraylri ku lalake ki Remalia ka Peka, ku lalake ki Yuthame ka Ahaze atalialalai ki swa Yuda. 2Kwini lasu saka taramapusale ku cailini; yakai Yerusalrime rathudu tara 16 ka caili. Kwini lasu kai twalralralrau ki cucungulaneini ka talialalai ka Davidi, pia ku mathariri iya ki Tamatama ka Twaumaseini, 3ngiabalrelringa twalralrau ki latalialalai ki swa Iseraylri ku malisi ku kakwakudhane, paiya ku kaika kiragai ki Tamatama ka Twaumaseini. Pakeela ku wamalra ki lalakeini ka sawvalai si patarumara ki samiamiange, twalralrau kwini ngialisiane ka kakudhane ki sakwa ikai kwini ka laumawmase; kwini laumawmase yai amani kwidra sa mudaane kai ki kadaengane ku swa Iseraylri kia pakatwase ki Tamatama ka laumawmase. 4Ku Ahaze yakai ki daane ki biu, ki lalrelrelrege, ki lrilriane ki laangatu patarumaramara, padaladalai ku sangwalreme.
5Ku talialalai ki swa Siria ka Rizingi si talialalai ki swa Iseraylri ka Peka kiakaruburu ki swa Yerusalrime, la lringulu ki cekele, ai kai maka pamalebe ki Ahaze. 6Kikwini kwidra, ku talialalai ki swa Idume#16.6 “talialalai ki swa Idume” ku pacase ki Hiburu yai “talialalai ki swa Siria ka Rezinge” amia. wasawlringa malra ku cekele ka Ilatha, la pakatwase ki yakaikai kwini ka swa Yuda. Ku swa Idume la sutelrainga ikaikai Elathe, la ikaikaainga kwini. 7Ku Ahaze la sikawlu mwa kidrele ki tinuhika ki swa Asiria ka Tigelathe Pilesere, si iya kai, “Amaniaku kudra savaeva ku kidremedreme papia muswane ka sasiakawlu; kai talialalai ki swa Siria si talialalai ki swa Iseraylri yacengecenge kela kikaruburu nakwane, abwala palribulaili.” 8Ku Ahaze la malra kwini yakai ki daane ki Twaumase si tasilwane ki daane ki talialalai ku kingi si gingi tusaacebane, si baai ki tinuhika ki swa Asiria. 9Ku Tigelathe Pilesere la palraingi ku kitubi ki Ahaze, la sangiluku ki kwapingi mwa kikaruburu ka Damasekuse, la malra kwini ki cekele, si papacai ki talialalai ka Rizingi, si malra ravase ki mapapangale pwa kavai Kire.
10Ku talialalai ka Ahaze sa mwa Damasekuse kidredresenge ki tinuhika ka Tigelathe Pilesere yai, la drele ikai kwini ku tapatarumaramarane, la darepe ku vaeva ku ngiamia ku sapatwalravane ku tangimiamiane, si satedre baai ki barakalai ka Uria. 11Ku Uria la singikai kwini ki nidarepane ka sapatwalravane darepe ku vaeva ku tapatarumaramarane, sakaiyana kela siwlri ku Ahaze la tulrepengenga. 12Ku Ahaze sa twalainga Damasekuse siwlri, la drele ku tapatarumaramarane ka nitulrepenganenga, 13la pikai belenge patarumara ku Lama ka lrisi si Taleke ka lrisi, si ubu ku bava si erai ki Sulivatane ka lrisi. 14Kwini nipatarumarane baai ki Tamatama ka lriwlu ka tapatarumaramarane nayakai kabicelrakane ki bavane ka tapatarumaramarane si daane ki Twaumase, ku Ahaze la malra pataluela pwa ki tali dradha ki bavane ka tapatarumaramarane, 15la drekase ki barakalai ka Uria iya kai, “Arakaiya kikai nakwane kai madradrau ka tapatarumaramarane patarumara ku mialrealreane ku Lama ka lrisi si maungane ka Taleke ka lrisi, ku talialaladhane ku Lama ka lrisi si Taleke ka lrisi, ku mapapangalane ka Lama ka lrisi, Taleke ka lrisi si Bava ka lrisi, la malra patuelre ku erai ki sapatarumarane ka waudriwdripi si ubu pubelenge. Ai pasikaiyaili suru kwi lriwlu ka tapatarumaramarane tusarakaiyane tulrisi ku angimiane.” 16Ku Uria la pia paluludu ku tadrekasane ki talialalai.
17Ku talialalai ka Ahaze mwa suburu ku yakai ki daane ki Twaumase ku taputaetalane ka lriwlu, la malra iluku kwini yabelenge ka tarai ka lriwlu, la malranga kwini niababane ki 12 ka lriwlu ka lwange ka lriwlu ka thalange pataluela pwa ki taluvale ka karwalai ka lrenege. 18Ku Ahaze nau kikadalame ki tinuhika ki swa Asiria amia, la maalranga kudra tapikaiyane ki taneneneane ki talialalai ka ruka pakatwase ki daane ki Tamatama, la elebe kwidra samamudaane ki talialalai lu kela ki daane ki Twaumase.
19Ku drumane ku takaungane ki talialalai ka Ahaze ninguvavaevane pacase pikai ki lrikisi ki Latalialalai ki swa Yuda ka hungu. 20Sapacainga kwini lasu, la kidralreke pikai ki cekele ki Davidi ka tadralredralrekane ki latalialalai; ku lalakeini ka Hezekia la mucungulu iniane atalialalai.
Currently Selected:
2 Latalialalai 16: NDV
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in Taiwan, 2017
All rights reserved
© 臺灣聖經公會版權所有，2017
