Dutuuc 20

1Ana ye awuɔu ye ci lɔ jak, ke Paulo thɔn kɔcpiocke, ku weet ke, ku tɛɛŋ keek, ku jiɛl leer Makedonia. 2Ɣɔn ye ci teek ne keepiinyke, weet en ke kɔc areet, ke jɔl bɛn Giriki. 3Ɣɔn ye ci ceŋ thin ne pɛi keediak, ke Judai e ke mɛt bik nɔk, te ler en riɛi bi lɔ Thuria, go piɔu naŋ dhuk Makedonia bi lɔ teek thin. 4Ku tɔ kɔc ruɛc yen, agut en Athia, yi Thopataro de Beroya, wen de Puro, ku kɔc ke Thethalonike, yi Aritharko ku Thopataro; ku Gayo de Derbe, ku Timotheo; ku kɔc ke Athia, yi Tukiko ku Toropimo. 5Keekɔcke kaa lɔ tueŋ, lek wɔ tiit Toroa. 6Goku jaal ne Pilipoi, lɔ riɛi ke akol ke cuin cinic awuro ci thok, ɣetku Toroa ne akol keedhiec; ku gɛɛu wɔ thin ne akol keedherou.

7Ɣɔn wuu cuk gueer ne akol e tok buk mono waak, ke Paulo gɔk ke kɔc, nɔŋ piɔu bi jaal miak; ciir agut en wɛɛric. 8Ku tɔ kajuec mer ɣon nhialic te ci guɛr. 9Go ran thin cɔl Eutuko ci nyuc ne adheer nyin, go nin dit nɔk; ku dhiac Paulo ke jam, go nin dit cɔk yuɛk ɣon nhial de diak, go jɔt ne ci thou. 10Go Paulo lɔ piny, leer ku tɛcic, ku kuɛk, ku jiɛm, Ye duɔka wenhiim cɔk diaŋ; weike kaatɔ. 11Ɣɔn ye ci bɛr dhuk nhial, ku ci mono waak, ku ci cam, ku gɔɔk kene keek areet agut run de piny, ke jɔl jaal. 12Goki ranthi bɛi ne ci piir, ku ci ke duut piɔth areet.

13Goku ŋɔɔr loku riɛi lok Atho, nɔŋku piɔth buk Paulo taau riɛi thin, ci man e cen e luel ye bi teek teɣer. 14Ɣɔn wuu rɛmku wɔne yen ne Atho, ke tɛɛuku riɛi, ku loku Mitulene. 15Ku jiɛlku thin, wanku Kio; ɣɔn miak ke wɔ kɛɛc piny ne Thamo, ku loku Mileto ɣɔn ne miakne. 16Nɔŋ Paulo piɔu wɛɛn Epetho, duɔke bi gaau ne Athia; ee cath areet them lan ben lɔ Jeruthalem leu ne kol e Thiɛrdhiec.

17Go thɔn ne Mileto thɔn roordit ke kanitha de Epetho. 18Ɣɔn yi cik bɛn enɔŋ en, e ke yookke,

Ye we nyic luɔi e ya loi waar ne nyindhia taa an wɔne week, aɣet kol e kaac an bei ne Athia, 19ya ke de Bɛnydit loi ne kuur de piɔu, ku dhieu, ku ne ŋet ci bɛn enɔŋ an ne kuut de Judai cik kek ɣa kuut: 20ku caa kɔn riɔc ne lek yan we lɛk kapiath, ya we piɔc ne kɔc nhiim ku ne ɣoot yic, 21ku lɛk Judai ku Girikii wel de piɔu enɔŋ Nhialic, ku gamki Yecu Kritho Bɛnydiitda. 22Yen an lɔ Jeruthalem emane, tiɛpdie acɔk ɣa lɔ, ku an kuc ka bi a yok thin: 23toŋe eka nyiɛc; Jɔŋdiit Lajik ee ɣa nyuɔth ne bɛi yic kedhia ye tit rek an kene ŋet. 24Ɣan ci weicie ye lɔc ci ke nhiar, ba luɔidie thol, luɔi ca loom nenɔŋ Yecu Bɛnydit, ba welpiath ke athiɛi de Nhialic luel. 25Ku kanyiɛc, week wedhia we kɔc cake teek yic, piɔc week ne ceŋ de Nhialic, we ce ɣa beer ŋem nyin. 26Yen we lɛk keek ne yekole, Ya an ɣer ne riɛm de kɔc kedhia. 27An ken riɔc ne nyuth yan we nyuɔth piɔn de Nhialic ebɛn. 28Ŋɛmka roth apiath, ku biook ebɛn; Jɔŋdiit Lajik ee we cɔk ye biceep, bak kanitha de Nhialic ya miɛɛth, kanitha ci ɣɔɔc ne riɛmde. 29Anyiɛc te can jaal, ke baŋbaar rac aabi bɛn ne weyic, ku cik biook pɛl. 30Ku kɔc aabi roth jɔt ne keewemanka yic, ku yiki wel rac luel, bik kɔcpiocke thɛl ne keyic. 31Yen yaka roth tiit, caathka wenhiim ne run keediak can ke we wɛɛt wedhia ne dhien de anyin ne weer yic ku ne akol yic. 32Emane we nyaŋke Nhialic, ku we nyaŋke wɛtden de athiɛi. Aleu we ne yik nhial, ku cɔk we ye adiit wene kɔc ci thiei. 33Ee cin rial de raan e ca wak ne apiɔu, ku jinide, ku alɛthke. 34Keewemanka kanyiɛcka keecincieka aa ke ya dak loi, ku loiki ke ye kɔc tɔ kene ɣɛn dak. 35Kaŋ kedhia aacanke we yiɛn ke bak ya kaar, bak bɛr ya loi eya. Yaka kɔc niɔp kony, ku yaka wenhiim ciɛt ne wel ke Yecu Bɛnydit, ci bɛn bei ne yethok, Ye miɔc amit a kawar loom.

36Ɣɔn ye ci jam yeya, ke tuk yenhiɔl, ku lɔŋ ke keek kedhia. 37Goki dhiau areet kedhia, ku buurki roth ne yekɔu, ku cimki. 38Aake dhiau areet ne wel cike luel, ye ce ye beere ŋem nyin. Goki jal ruac ɣeetki riɛi.

Currently Selected:

Dutuuc 20: LEKJOT

Highlight

Compare

Copy