Dutuuc 19

1Ɣɔn ye Apolo ye ŋoot ke tɔ ne Korintho, ke Paulo, ɣɔn cen teek piny ciɛn, ke ɣeet Epetho ku yok kɔcpiocke: 2go ke yɔɔk, Ye cak Jɔŋdiit Lajik loom waar gɛm we? Goki jam, Yi kacie ye, wɔ ken miɔc de Jɔŋdiit Lajik piŋ. 3Go jam, Ye a ne we baptith ne ŋo? Goki jam, Yi ne baptith de Jɔn. 4Go Paulo jam, Ye Jɔn ee ye baptith ne baptith de wel de piɔu, yook kɔc bik toŋ biɔth e gam, cɔl Yecu. 5Na cik yekene piŋ, e ke baptithke ne rin ke Yecu Bɛnydit. 6Ɣɔn ye Paulo ye kɛn yecin ke, ke Jɔŋdiit Lajik bɔ enɔŋ keek; goki jam ne thook kɔk, yiki lek ne kanhial. 7Ku kaake yin ya thiɛr ku rou kedhia.

8Go ya lɔ luaŋ de gueer, ye jam ne piɔn rir ne pɛi keediak, ye wel tɛɛr kene kɔc, ye ke kuɛm nhiim ne ka ke ceŋ de Nhialic. 9Go kɔc kɔk piɔth riɛr jiɛiki gam, ku lɛɛtki Dhol ne kɔc nhiim, go jaal ne keyic, ku week kɔcpiocke peei, ku ye lɔ teer wel ne nyindhia ne thukul de Turanoic. 10Ku dhiac yeluɔie ne run keerou; go kɔc ceŋ Athia kedhia goki wɛt de Bɛnydit piŋ, yi Judai kene Girikii. 11Go Nhialic kadit gɛike loi ne Paulo ciin: 12agut alɛth biieke bei ne Paulo guɔp, leere ke le kɔc bec ke dam, go jak rac jaal. 13Go Judai ye tai, tit ke bii de jak bei, goki rin ke Yecu Bɛnydit ya luel ne kɔc ci dɔm ne jak rac, ye raan jam, Ye yin ya yɔɔk ne Yecu man pioce Paulo kɔc. 14Ku ye mith ke ran cɔl Thekewa loi yiya keedherou, ye muɔny Juda ku ye bɛny diit de ka ke Nhialic. 15Go jɔŋ rac dhuk yook ke, Ye Yecu kanyiɛc, ku Paulo kanyiɛc, ku week, yaka tenooi? 16Go ran tɔne jak rac ne yeguɔp, go ke yɔt tiɛm keek, goki riŋ bei ɣot ne kecin te cin alath, ku tokki gup. 17Go yeluɔie nyic ne kɔc kedhia, Judai ku Girikii kɔc ceŋ Epetho, goki riɔc kedhia, ku lecki rin ke Yecu Bɛnydit. 18Go kɔc juec ci gam goki bɛn, gamki ka cik wuɔc, lekki ke keek. 19Go kɔc juec kɔk, ye thɛɛth loi, goki kitaap bɛi tetok, ku nyopike ne kɔc nyin kedhia: goki weu kueen weu ete cene ke ɣaac, goki ya bianabur thiɛrdhiec de rial. 20A jɔl wɛt de Nhialic dit ku tiem.

21Ɣɔn ye keekake yi thokki, go Paulo piɔu naŋ lɔ Jeruthalem, te cen Makedonia ku Akaya bakic, jiɛm, Ye na cuk lɔ thin, ke an dhiil rɔt Roma ba lɔ ŋem eya. 22Go kɔc keerou, kɔc loi kede, go ke tuɔc Makedonia, yi Timotheo ku Erathato, ku yok ke dɔŋ Athia.

23Ku keeakolke acii liap de nom ke rɔt jɔt ne Dhol. 24Ran cɔl Demeturio, aten de riɛr, ye ɣoot thii ke Diana loi ne rial, luɔi ye ateet yiɛn weu juec; 25go kɔc ye lui ci yen cɔk gueer, ku yook ke, Ye banycie, anyiɛcka ke wɔ ye weukuɔ loom ne yeluɔine. 26Aŋɛmka ku piɛŋka, acie Epetho yetok, ee duɔr ɣeet Athia ebɛn, yePaulone ee kɔc juec kuɛm nhiim, ku wel ke wei jiɛm, Ye ka ye loi ne kɔc cin kaacie ya nhielic: 27yen kerac atɔ, ku kacie luɔidɛn de weu yene bii kɔc tak ne rac yetok; kɔc abi luaŋ de tiɛŋ jɔŋ dit, Diana, yen cɔk ye kepiɔlic ne kepiɔth, ku bik ciɛc wei te diitde, jɔŋ ye Athia door ebɛn ku piny ebɛn. 28Ana yi cik yekene piŋ, e kee thiaŋ ne tɔŋ, goki ya coot, Yi Diana de Epethioi adit. 29Go baai nom liap ebɛn: goki riŋ luaŋ de wel netok, e ke ci Gayo ku Aritharko dɔm, kɔc ke Makedonia, ne eke ruɛc Paulo dholic. 30Go Paulo piɔu naŋ bi lɔ luɛk enɔŋ kɔc, go peen ne kɔcpiocke. 31Go banydit ke Athia, ye mɛɛthke, goki tooc enɔŋ en, lek yɔɔk areet duɔke bi lɔ luaŋ de wel. 32Ku ye kɔc kɔk coot ne cɔtden, ku kɔk ne cɔtden, ku ke ci gueer ee nom liap: ku kuc kɔc juec kɔk ke e guere. 33Goki Alekandaro bɛi bei ne duutic ne pik cik Judai ye piɛk tueŋ. Go yeciin nieu, nɔŋ piɔu bi rɔt kony ne kɔc nhiim ne wel. 34Goki ŋem ne ye Juda, goki coot kedhia ne ror tok ne thaa keerou, Yi Diana de Epethioi adit. 35Ɣɔn ye katip de baai ye ci dun ci gueer cɔk lɔ jak, ke jam, Ye we kɔc ke Epetho nɔŋ raan etene ran kuc yepan de Epethioine, ne ye dutin de luaŋ de Diana dit, ku ke ci lɔɔny piny ne Dhio? 36Na nyiɛcka ye, ke ci bi leu ne teer, ke we lɔ jak, ku duɔka leeth. 37We ci keekɔcke bɛi eene, kɔc cie rueny ke luek ke duɔr, ku cik tiɛŋ jɔŋda lat. 38Na nɔŋ Demeturio ku ateet tɔ kene yen ke teerki kene ran dɛ, ke ɣɔn ke luk aatɔ, ku madiir aatɔ: ne ke lɔ roth guɛɛl. 39Ku na karka kɔk, e kaabi luk ne luŋ ye guɛr ne nyindhia. 40Wɔ bi yen guɛɛl ne egueer toŋ enhia cii wɔ gueere; acin ke e cɔk wɔ gueer: ku cin ke buk luel wuu yenekee gueer wɔ. 41Ɣɔn ye ci jam yeya, ke cɔk duut puɔk.

Currently Selected:

Dutuuc 19: LEKJOT

Highlight

Compare

Copy