RAGU 6
6
Bara Dayung
1Dayung adi siabo ramus,
kamaki dari adi kuu awang?
Kidaan di kieh kamaki ayŭh,
isa kieh bisa turung kuu jiroh ayŭh,
Dayung
2Dari adi aku awang mbŭh di ka teya-i,
di yŭn tŭngŭn balsam timbu.
Ayŭh paan dāng-i di teya
ka nguruk bunga lili.
3Dari adi aku awang inŭh jaku, ka aku inŭh jangi;
ayŭh paan dāng-i di karu bunga lili.
Ragu adi numbor Rimŭh
Dari
4Kuu adi aku awang, kuu ramus mun Jerusalem,
ramus mun kupo Tirzah,
raru ramus mun dudu kupo kupo bās anŭ.#6.4 raru ramus...kupo bās anŭ; Hebrew dŭh tarang.
5Taran batŭh mu so aku;
piningga mu bada aku ramah.
Ubok mu girumbang, mun kaban kambing
mūn sandah Gilead.
6Jipŭh mu buda mun kaban biri
adi bauh ko dog mamuh.
Sopŭrŭg-i sipasang keya ka anak-apid biri,
ndi mating gŭh manyap.
7Paŭp mu nyirinyak so darŭm banang tutu jawin mu.
8Bada raja biyŭn nŭm puru rani, mai dayung nyikŭn,
ka dayung mara adi rabis so tungang dog mirang!
9Pak aku rindu kaŭs-i ndi naan,
ka ayŭh ramus keya ka manuk asang.
Ayŭh anŭ kaŭs anak dayung nyirot sindŭ-i.
Sopŭrŭg dayung tingga ka muji ayŭh;
rani ngga dayung nyikŭn nang ragu puji ka ayŭh.
10Asi ati adi mandŭg mun jawa isan isan?
Ayŭh ramus buang jawa,
ayŭh nyekar mun batŭh andu bait kah buran.#6.10 nyekar...buran; Hebrew dŭh tarang.
11Aku mbŭh mūn di karu tŭngŭn almond
an tingga anak tŭngŭn kayuh-udip di rubān,
an tingga dawŭn adi bauh di daan tŭngŭn anggor
ka rarak di tŭngŭn delima.
12Aku kimŭtŭr; angān tanŭ ka bada aku rabis sikirau pinyiawang
mun daya adi tukang taban krita kuda matak biperang.#6.12 Ayat 12 darŭm piminyu Hebrew dŭh tarang.
Bara Dayung
13Bitanda, bitanda#6.13 Bitanda, bitanda; puan kah: Pari, pari. anak dayung Shulam.
Bada kieh tingga kuu bitanda.
Dayung
Mani angān raan tingga aku
bitanda di asah jari bara daya adi tingga?
Currently Selected:
RAGU 6: TBVONT
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.
