RAGU 7
7
Dari
1Kuu inŭh dayung adi raru ramus!
Mbŭh raru ramus inŭh kaja mu pakai sendal anŭ!
Bŭrŭng pŭŭh mu
inŭh keya ka pingandai daya adi pandai bibutik.
2Pasid mu bŭrŭng keya ka makuk adi bŭrŭng,
adi bŭn mating wain bigaur ngga rapah dieh.
Kupong mu keya ka bŭtŭs gandom,
dog kirurung bunga lili.
3Sudo mu keya ka anak apid peyu,
keya ka duwŭh jerak.
4Tungo mu keya ka tawā bŭbŭt gajah.
Batŭh mu keya ka pagong di kupo Heshbon,
sindŭk tiban-bās kupo bās anŭ.
Undung mu ramus mun tawā Lebanon
adi mijog nura kupo Damascus.
5Ubak mu keya ka Darŭd Carmel.
Ubok mu raru ramus;
pinyiramus-i#7.5 pinyiramus-i; Hebrew dŭh tarang. tungang tarik atin raja.
6Mbŭh raru ramus kuu, raru sangŭn;
mbŭh sukup munos asŭng ku kinyam pinyiawang mu.
7Ajog mu bigatung keya ka tŭngŭn kurma,
ka sudo mu keya ka tundun buwa-i.
8Aku re jakŭh tŭngŭn-i
ka tambit buwa-i.
Di aku, sudo mu inŭh keya ka tundun buwa anggor,
asŭng mu buuh buwa epal,
9ka baba mu keya ka wain adi grua.
Dayung
Isa-i wain aman ka dari adi aku awang,
aman di bibis ka di jipŭh-i.#7.9 Kada pimindai adi jah: bibis ka di jipŭh-i; Hebrew: bibis ngara adi bŭŭs.
10Aku mbŭh tung dari adi aku awang, ka ayŭh ruai raan aku.
11Mandŭg, sayang, ja di ka sapa rais
ka nyirŭmŭn di anak kupo.#7.11 anak kupo; puan kah: ŭmŭh.
12Ata re makat awar ka di tingga tŭngŭn anggor,
di tingga kadŭ-i mbŭh timbu,
kadŭ-i mbŭh mirarak
ka tingga tŭngŭn delima kadŭ-i mbŭh piruah rarak-i.
Diginŭ aku re nggen di kuu pinyiawang ku.
13Kuu dapŭd kadŭk dagŭn uduh-uri,
ka sopŭrŭg buwa adi sidi sindŭk tiban ta.
Sayang, aku mbŭh nyikŭn yŭn mu
buwa adi bauh ngga adi amba.
Currently Selected:
RAGU 7: TBVONT
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.
